الله يسعد صباحكم بكل خير
شلونكم ياطخمان الزين أن شاء الله مرتاحين
اول مره أحس أني جايب عنون قوي
هذا الله يسلمكم مهنــد اللي في مسلسل نور طبعاً تعرفونه سوى بلاوي عند البنات
أغلب البنات صارو يحلمون بواحد مثل مهند هااللي وجهه سبحان الله مايذكرني اللي في الحصان
اللهم لاشماته لاتقولون مقهور لاني والحمدلله أحلى منه
ويقال انه اكل الجو على الشباب السعودي يعني صارو البنات يطالبون بعرسان من تركيا ..,
وحنا بعد ياشباب سوينا زحمه بلميس هاالعصلاء .. طبعاً تذكرني بزيتونه اللي في باباي
بس موتوصل الى هاالدرجه أن تكون هاالشخصيه مقياس لدى الكل يطبق عليه حياته
..,
تعالو شوفو هاالمقال اللي يخلي الواحد يتنرفز للكاتب المرموق تركي الدخيــل .., وهو من جنبها
يقول في كتابته (الحقيقة أن مهند فتح للنساء السعوديات بالذات، على اعتبار أنهن أكثر مشاهدات mbc، مجالاً للنيل من الشباب السعودي، الذين حملوا باستحقاق لقب (الضبان) بالمقارنة باللي ما يتسماش.
لقد وجدت الفتيات السعوديات في مهند رداً على عهود من سحق الشباب السعودي للفتاة السعودية، وإطلاقه تعليقات تنتقد جمالها، ليس أقلها إشارته إلى أنهن صاحبات (الركب السوداء)، وكأن الشباب ذوي ركب بيضاء تشبه ركبة مهند!
ثمة من يرى الموضوع من زاوية أخرى لا علاقة لها بالجمال، بل تركز على جفاف المشاعر لدينا، مقارنة بالإخوة الأتراك.)
وايضاً يقول (تأتي الرسالة التي زارت معظم الجوّالات تحمل رسالة إلى إناث السعودية مفادها: "معاً يداً بيد، حملة لمقاطعة الشباب السعودي، والمطالبة بفتح المجال للزواج بالأتراك... من شاف دموع مهند ويحيى ما رجى من هالضبان خير)
المقال أكثر من كذا بس نسخة اللي يهمنا
يعني هل كان هاالكاتب يتكلم بالسان البنات السعوديات او كيف
او أنه يعد نفسه وحده منهم .. الله العالم ,,.
صحيح أن الاعجاب موجود لدى الكل طبعاً حنا يااغلب الشباب صلاحنا ثورة على لميس
بس ماانكر البنت السعوديه وقدرها وجمالها وجمال مشاعرها
لكن هنا السوال وزبدة الموضوع ..,
يااشباب ويابنات ليه ضبان وليه ركب سود تراء مردكم لبعض يعني مال البنت السعوديه
الا الشاب السعودي يكفي الدين والاخلاق أهم شي
وفيه كم سوال ياليت تكون الاجابات صريحه ..,
/ هل حنا ياالشباب السعودي اصبحنا جافي المشاعر .. طبعاً السوال للشباب والبنات ؟
/ وش رايكم يابنات في الشباب السعودي أما يكون رايكم مثل راي الكاتب الفاضل ؟
/ هل لميس ومهند مثال نقيس عليها حياتنا ؟
/ تعليقكم على المقال بصراحه ؟
"
لكم فائق الاحترام والحب
دمتم بخير
مواقع النشر (المفضلة)