الــــــــــــــــــــــــــــــــــزواج !! للنقاش ارجوا المشاركة من الجميع.....

[الهوى الغايب]

[align=center]السلام عليكم ورحمة الله وبركاته

كيف حالكم ياشباب وياصبايا؟؟


انا عندي موضوع راح اطرحه عليكم بس ابي منكم تفاعل مع الموضوع مثل ماتعودت في كل موضوع

اطرحه في النقاش.....شرايكم اسوي مدخل ومخرج للموضوع وحركات ولا على طول ادخل بالموضوع

ولا تدرون الكلام اللي قبل شوي هو المدخل :





في البداية حنا الان بفصل الصيف ومعروف عنه كثرة الخطوبات وكتب الكتاب والزواجات وغيره

وكلنا شباب وبنات نتمنى ان نتزوج مثل العالم والناس ونعيش حياة حلوة وسعيدة وبما ان هذا هدفنا

ليش نعقد الامور ونصعبها بوجه الزواج من غلاء المهور وتكاليف يوم الزواج ............الخ!!

باختصار للموضوع ولكي اصل الى وجهات نظركم حول الموضوع راح اطرح كم سؤال للجميع

بتكون هي لب الموضوع:


1/ كم المهر المناسب لك الذي تريدينه من زوجك؟؟ ((للبنات))

2/ كم المهر المناسب لك الذي تريد ان تدفعه لزوجتك؟؟ ((للشباب))

3/ برايك ماهي الطريقة المثلى للزواج ؟؟ ((للشباب والبنات))




اتمنى ان تكون الاجابات واقعية وبدون مبالغة واستهتار..

وان نخرج من الموضوع بفائدة ومشاركة فعالة من جميع الاعضاء...وهذا هو المخرج



اخوكم: الــهـــوى الـــغـــايــــب[/align]

[» ريم آلولهانة «]

بسم الله الرحمن الرحيم

السلام عليكم ورحمة الله وبركاتهـ

1/ كم المهر المناسب لك الذي تريدينه من زوجك؟؟
بصراحهـ ماقد فكرت قبل كذا بذا السؤال
وعن نفسي مايهمني المهر والله
اهم شي يكون يخاف ربهـ وصلاتهـ واخلاقه
بس اذا بحدد مهر ما ابيهـ يكون كثير شي معقول
والباقي يوفرهـ احسن والله

3/ برايك ماهي الطريقة المثلى للزواج ؟؟
ممكن توضح سؤالكـ اكثر
لي عودة ارد على سؤالكـ

عموما الموضوع حلو والله يعطيكـ العافيه
طرح رائع ومميز
تقبل مروري

[..°«¸نورمينا ¸»° ..]

1/ كم المهر المناسب لك الذي تريدينه من زوجك؟؟
عمر المهر ماكان دليل لحياة زوجية سعيدة
صعبة اني اشترط مهر معين ودايما بصراحة الوسط في كل شي
والوحدة اذا اشترطت وغلت في مهرها عمرها ماراح تتزوج
اهم شي الرجال اللي يتقدملي مو مهمة فلوسة

3/ برايك ماهي الطريقة المثلى للزواج ؟؟
هي الحب والثقة الكاملة والتفكير بعقل وعدم التسرع في القرارات
والتوسط في كل شي

يعطيك العافية الهوى الغايب
طرح جميل

[¶ بــآريــس ¶™]

وعليكم السلام ورحمة الله وبركاته ..

بداية أحب أقولك الله يعطيك العافية على الموضوع ..

وعندي مداخله ..

الغالب على المجتمع عندنا بعض الطرق والأفكار التي لا تمت للدين بصله ..

أب يحدد المهر وكأن ابنته سلعه !! ..

والمشكلة فيه بعض الناس ياخذ من المهر والمعروف إنه حرام يؤخذ من مهر البنت أي شي ..


ومن المشاكل أن السعر هو من يحدد الإختيار له ..

يعني لو يجي واحد ويخطب من عائلة ويجي واحد بعدة بيوم ويخطب ويكون المهر اللي بيدفعه أكثر من الأول يطيح الإختيار على الثاني !! ..


تفكير بعض الناس إن بنتي مو لعبة أزوجك بمهر قليل !! ليه وش ناقصها !! ..

طيب يعني اتسلف ؟؟

ما علي وش تسوي أهم شي تجيب المهر المفروض عليك ! ..

^^^^

طيب لما أنت خايف على بنتك كيف تزوجها واحد متسلف المهر ؟؟

بعدين اللي بتزوجة بنتك بيكون هو المسؤول عنها ومحتاج الفلوس له ولبنتك وللعيال في المستقبل !! ..

المفروض يكون هناك تيسير والنظر بشكل عام لما بعد الزواج ما تكون النظرة بس فترة العرس !! ..




الأجابات :

2/ كم المهر المناسب لك الذي تريد ان تدفعه لزوجتك؟؟ ((للشباب))

40 - 60 .. حتى لو معي 200 ألف بس ذا المهر مناسب والباقي يكون لما بعد الزواج !! ..

أنا لما ابي اتزوج ابي بنت ما ابي وحدة ترسم على نفسها ولا تكون كاشخة وشايفه نفسها لو اني راعي " منّه " كان قلت جمالك ذا بفضل الله ثم الفلوس اللي دفعتها ولا كان جيتي من جنبها << عصب

3/ برايك ماهي الطريقة المثلى للزواج ؟؟ ((للشباب والبنات))

الزواج بما معنى الحديث إن فيه شهود ويكون بالإشهار إني أنا تزوجت من بنت فلان ..

والطريقة المثلة إنه يكون تعاون بين أهل العريس وأهل العروس لإسعاد الطرفين ..

وما يكون هناك تكلف من أحدهم ..



لا هنت يالهوى الغايب ..

[خجوٍل منك .!]

هلآبك آخوي الهوىآ الغآيب .. ،

2/ كم المهر المناسب لك الذي تريد ان تدفعه لزوجتك؟؟ ((للشباب))

المهر مو مهم بقدر إن البنت تستاهل ، يعني لو البنت تستآهل لو تطلب عيوني .. ،







3/ برايك ماهي الطريقة المثلى للزواج ؟؟ ((للشباب والبنات))

مثل مآ تفضل أخوي (بآريس ) تعآوين بين أهل البنت والرجل و جمآعته حتى .. ،

وأهم شي يكون الطرفين متوآفقين ومآهم متعرضين لضغوط من الأهل بآلموآفقه .. ،






آلف شكر لك أخوي الهوىآ الغآيب عآلطرح