كـاميرا الابتوب

[الزعيمه ريم]

السلام عليكم ورحمة الله وبركاته


نصيحة لكم من من اعماق قلبي ..


تعرفون ان في الفتره هذه انتشرت اللابتوبات اللي فيها كاميرا واي واحد

شاري هالابتوب مبسوط فيه وراج راسنا بكاميرته وماشي عند الناس فشخره لابتوبي فيه كاميرا

لكن اللي اغلبكم ما يعرفه انه انتشر برضو برنامج يشغل الكاميرا بالمسنجر او السكايبي وانت ما تدري يعني راعي البرنامج يدخل عليك ويشوفك وأنت

تحسب كاميرتك طافيه والادهي والامر انه حتى الشخص اللي انت ما سويت له

قبول يقدر يشغل كاميرتك عن طريق الرسالة الفورية <<< هذه ميزة بمسنجر

بلس


واللي خلاني اكتب الموضوع هالسالفة


يوم الاثنين اللي فات كنت رايح لواحد من اخوياي هالولد انا افهم وش فيه

من تعابير وجهة وشفته مبين عليه الهم والغم والدنيا مو شايلته سالته وش

فيك ؟



وقالي سمعت عن البرنامج اللي يشغل كاميرا النت قلت له ايييييه وش بلاه



قال انا يوم السبت تارك ماسنجري مفتوح واللابتوب مشغل ورحت اتروش ورجعت

ابدل بغرفتي <<< يعني كان عريان << يقول شويه واسمع صوت المسن اللي يطلع

لو احد كتب لك كلام ولما دخلت الا واحد يقولي شخبارك ومن هالكلام وما

امداه اخذ دقيقتين الا يقولي بوريك شيء .. مقطع فيديو خويي تحمس وجا يبي

يطالع الا المسكين شاف نفسه وهو يبدل يقول خويي الحمد لله ما اغمي علي

ولما اخذ وعطى الولد قاله اذا ما تبي المقطع ينتشر ادفع لي 1000 ريال شحن

سوا ترسلها لي





طبعن خويي ما وافق لانه عارف ان الولد بيرجع له مرة وثنتين و3 الولد

للاسف عمره 21 ومبين عليه ( طعس ) وعاطل ومو هامه احد حتى لما خويي قاله

اتق الله فيني قاله مو شغلي ولا تفتحلي مواضيع دين



المهم ان الولد مهدد انه ينتشر المقطع

وخويي لما امس وهو مصدوم وحالته حاله وخايف



والسبب كله كاميرا اللابتوب اللي حنا فرحانين فيها



عشان كذا نصيحة مني لكم شوفو لها حل

غطوها بورقه او كسروها وجيبو وحده خارجية



حسسسسسبي اللهـ ع أولاد الشررر



الحمدلله من يوم ما اشتريت الجهاز وأنا مغطيه بورقة .... ومسويله عدم

اظهار يعني اللي بالمسن عندي ما يعرفوا انو عندي كاميرا



غطوها يا جماعة احتياطا يمكن يطلع كلام هالولد صح .. ترى هالكلاااب

مايمنعهم شيء إذا بيسو مصيبة يسوووها ما عليهمـ من أحد


اللهـ يحمي جميييع المسلمين من شرورهمـ



آمييييينـ


منــــــقوووووووووووووووووووووووووول للفائـــــــــــــده

[ذرب المعاني]

تحسب كاميرتك طافيه والادهي والامر انه حتى الشخص اللي انت ما سويت له

قبول يقدر يشغل كاميرتك عن طريق الرسالة الفورية <<< هذه ميزة بمسنجر

بلس


هذا صحيح عندي انا يصير قبول بدون لا اقبل انا


الله يعين ويستر على بنات المسلمين

اما الشباب عادي

مشكوره على التوضيح

[نملهـ]

طيب واذا نشرها ؟؟

عادي رجال

واكيد بيوضح انه مادرى

عموما الله يستر على الجميع


عوافي قلبوو

[الجـ القديم ـرح]

[align=center]

مشكوره ياقلبي على المعلومه


على طول ...غطيتها بشريطه قماش من طاحت عيني على موضوعك


حسبي الله على الي مايخاف ربه...


تسلمين ياقلبي وجزاك الله كل خير


ربي يسعدك


الجرح القديم

[/align]

[محمد العلي]

انا جلست مع شخص يراسل احد الاشخاص على الماسنجر
وكان يخبره بما يفعل في تلك اللحظه
فانذهل هذا الضحيه وقال كيف لك ان تراني وانا لم اشغل الكمره
قال هذه حركات الهكر
نعم الطرق سهلة وكثيره ولكن من المفروض أخذ الحيطة والحذر
وإلغاء كاميرا الجهاز الى حين أستخدامها ،، وليس فحسب كاميرا الجهاز
حتى الكميرات العاديه (بالواير) يجب الحذر منها ،، وعد تركها مسلطة على الشخص أو على الغرفه

نصيحة للجميع
عدم قبول إضافة أي شخص مالك معرفة به على أي برنامج
عدم القبول وفتح أي ملف ليس لك معرفة بمرسله أو صاحبه

فنسأل السلامه والعافيه
ويجب على من كان لديه لابتوب كمره اخذ الحيطه والحذر
وخاصة اذا كانت ام العيال بجنبه

شكرا لك اختي على هذا التحذير

وفقك اللــه