[poem=font="Simplified Arabic,4,black,bold,normal" bkcolor="transparent" bkimage="backgrounds/8.gif" border="double,4,black" type=1 line=0 align=center use=ex num="0,black"]
خذ قلبي لجروحك ولا يجي قلبك جروح =يسلم قلبك اللي بكـل مـا فينـي فديتـه
وشلون ما شيل همومك وانت للروح روح=لو ينشرى فرحك بعمري لجلـك شريتـه
لو ينشغل بالك احس كل مافينـي ينـوح =تصغر الدنيا بعيوني وكل فرحي نسيتـه
اشكي ما بك خـل قلبـك لقلبـي يبـوح =ذبحني سطر من الالـم بعيونـك قريتـه
عطني احزانك ببني لها بصدري صروح =خلها من اسى الماضي اللي بحبي طويته
اضحك حبيبي بسمتك لي غايه وطمـوح =كن نور هالدنيا من صدى ضحكك خذيته
تبسم للامل خل عطـره بجـوك يفـوح =ترى بعيوني غرامك امل عمري بديتـه
انت بناظري قمه ويبقى غيـرك سفـوح =لا عدمت نظر عيني دامك بطيفك ضويته
خذ قلبي خذ كل ما فيني ولا تجيك جروح=انا ادري كثر ما عطيتك حقك ما وفيتـه[/poem]
.....
منقوول
مواقع النشر (المفضلة)