من روائع الشاعر : سعود الفهد
تذبحني الغيره وانا واثق فيك***واصبر ولا ودي تعرف اشحصلي
من كثر خوفي زايد الشوق يذيك ***صبرت ماحد في عذابي فطنلي
بالضحك وحروف القصايد مسليك ***والنار في عقلي وقلبي وكلي
عزالله انك هم لكني اغليك***والله.... حتى همكم جايز لي
تشوف شوقي في عيوني يناجيك ***واشوف بعيونك عذابي وغلي
سبحان من صورك واكمل معانيك***في كل ميزات الجمال امتحلي
لو القمر حكم ضميره يناديك***ولقبلت فز وقال خلك محلي
اوصفك لو مالك حلى يضاهيك***وان قلت غيري قلت غيرك يولي
لو يزعلون الناس يكفيني ارضيك***لوك مكدر عيشتي بالتغلي
لوني معك اشفق لذكرك وطاريك***واقول سولف عن حياتك وقلي
مفتون في حاظرك واشفق لماضيك ***عزالله اني جرح وانك دواً لي
مواقع النشر (المفضلة)