[align=center]




كيف حال الطيبين والطيبات


اليوم جايبة لكم موضوع جديد .. إن شاء الله يعجبكم

طبعاً يختلف الأطفال من طفل لِـ آخر في سلوكهم وتصرفاتهم ونفسيتهم ..

لذلك .. هناك نماذج مختلفة من الأطفال كنا في يوم من الأيام مثلهم ..

موضوع عجبني .. وحبيت تشاركوني قرائتة

< تعجبني مواضيع الأطفال


[all1=CC6600][/all1]

الطفل البريء

في المنزل تجده حبوب وطبيعي 100 %

لكن مع دخوله المدرسة .. ( تنمحي ) شخصيته ..

فتكثر الإصابات في وجهه .. لأنه ما يدافع عن نفسه ..


الطفل العنيد

يطبق نظام البيت بالعكس .. يسوي اللي برأسه ..

ما يخاف من الأب أو الأم .. لو قلت له هذا خطر لا تقربه .. عناد فيك يسويه ..

يُــضرب كثيراً في طفولته .. ومع ذلك عنيد ما يغير رأيه ..


الطفل الحنّـان

يستخدم وسيلة الحنة لتلبية رغباته

له نغمه خاصة في المنزل ..

تلبى رغباته كـُرهاً .. يعانون أهله من الصداع المستمر ..


الطفل المادي

هذا الطفل ما يرد السلام إلا ( بفلوس ) ..

تعامله مع أهل المنزل .. مادي بحت ..

يستخدمونه لتوصيل طلبات المنزل .. ونقل السوالف.. وكل شي بحسابه ..


الطفل الفتّــان

تجد عند هذا النوع جميع أخبار المنزل ..

يجد المتعة في إذلال غيره بـ الفتنه عليه .. ماله خاتمه ..

هذا الطفل حتى لو شريت سكوته بفلوس ..

توقع تلقى إخبارك ثاني يوم في الصفحة الرئيسية .. في الجريدة الرسمية ..


الطفل الدلوع

هذا دلوع ماما وبابا .. يكرهونه باقي الأطفال لأنه مرفه وشايف نفسه عليهم..

تلبى رغباته قبل ليطلبها .. شخصيته اتكاليه جداً ..


الطفل العلة < صاحب المراودات images122

يزعجك بأسئلته إلي ما تنتهي .. يستفسر من كل شي ..

يحرجك أحياناً .. ويمكن دائماً بأسئلته .. مره تجاوب عليه ومره تسفهه ..

وأكثر الأوقات ما تلقى اجابه لأسئلته .. لأنك في الحقيقة تجهلها ..


الطفل المتشرد

هذا الطفل مستحيل يجلس في المنزل ..

يعيش في الشارع أكثر من بيته .. خبره ودليل في كل ممر وطريق ..

يعرف طول الشارع بالسنتيمتر .. من الممكن إنو يصبح إذا كبر مهندس طرق ..


الطفل الصريح

يستانسون اهله على سوالفه .. فصيح جداً ..

ويلقط العبارات والمفردات بسرعة مذهله ..

يسبب احراج دائم لأهله .. من الممكن ان يقول كلمة بالغلط للضيوف او الأقارب ..

يتميز أحيانا بقلة الذوق والوقاحة إذا انفعل ..

لا ينصح باستفزازه أبدا ..


الطفل اللزقه

تلقاه مستتر عند باب البيت .. محد يطلع إلا وهو لازق معاه ..

حتى الضيوف من الممكن تلقاه يلزق فيهم ويطلع معاهم ..

يـُـضرب كثيراً .. وخاصة من إخوانه اللي اكبر منه .. أو أخواته ..

لانه عبارة عن رادار على طلعاتهم ..

أحيانا يضطرون يطلعون من نافذة المنزل للهروب منه ..

ولكن للأسف يجدونه بانتظارهم في السيارة ..ويسألهم ليش تأخرتوا عليّ ..



الطفل الهادي

هذا الطفل ماله صوت ابد .. وين ما تحطه تلقاه ..

أحيانا يهملونه أهله .. لأنهم ناسينه ..

وأحيانا يلقى اهتمام زائد من أهله ..

لو يموت من الجوع ما تكلم ..

في كثير من الأحيان تلقى أهله ناسينه بالسوق أو عند الأقارب أثناء الزيارات ..


الطفل القوي

اهله دائماً في إحراج و مشاكل مع الناس ..

هرمون الإجرام مرتفع بنسبة عالية في جسمه ..

في كل جبهة طفل في ( منطقتهم ) تلقى له أثر وتوقيع ..

يمثل القائد والفتوه .. يهابونه الأطفال ..

يتقرب منه الكبار ويتوددون له حفاظاً على سلامة أطفالهم ..


[all1=CC6600][/all1]

ياترى انتو من أي نوع إذا تذكرون؟؟


[mark=003300]يلاااا طلعوا الفضايح [/mark]



[cc=^_*]أكيد البعض راح يسألني عن نوع طفولتي

أنا من نووع ..!!!..

وإلا أقول إختبار لشطارتكم .. بخليها عليكم images11 [/cc]

[/align]