[align=center]
[/align]
[align=center]..{ الــــ ح ــــــزن }.. [/align]
[align=center]للشـــآعر / عبدالله ذويبان[/align]
[poem=font="Simplified Arabic,6,black,bold,italic" bkcolor="transparent" bkimage="backgrounds/15.gif" border="double,6,gray" type=2 line=0 align=center use=ex num="0,black"]
عطيت الحزن في قلبي الريادهـ=تمكن بالسنين و صار عادهـ
عطيته كل ما ضمت ضلوعي=عطاني من تواسيمه شهادهـ
وصارت كل هالدنيا بعيوني=كبر حجم الذبابه و الجرادهـ
أشيل الدمع من عيني لقلبي=ولا أحتلت الصبر..و الا الجلادهـ
حزن عنوان تاريخه و حربه=أباده..في أباده..في أبادهـ
ياربي لا تواخذني بذنبي=ولو قصرت بأذكار و عبادهـ
دعيتك يا ألهي و انت ربي=و عبدك ما طلب شربه و زادهـ
يبي لذة نعيمك عن عذابك=تبارك نقطته..من فوق ضادهـ
يجاهد نفس بالسوء..أتأمر=تموت النفس..ما وقف جهادهـ
والا ياقلب.. و النيه مطيه=قليل العلم..دايم هو وكادهـ
ذبحك الحزن و أخلفك الهبايب=تذري عن سمومه في برادهـ
ينادي لك تجي ..منا و منا=و أنا طالبك..حقق له مرادهـ
لأن الحزن علمني دروسه=تعلمت القساوه و الصلادهـ
مسح من قائمة منهج حياتي=عوافي او وناسه او سعادهـ
مسوي (بلوك) لقلوب الصبايا=و لا ينفع(دليته) والا ( أأدهـ )
سكن في صدر صدري و أستحله=و ثبت فيلقه..و ارسل عتادهـ
يدك القاع..مشيه فالحنايا=و في عرقي تجي جرة..جيادهـ
ضرب لي صدره و صوت..تزهل=و برر موقفه..و اعلن حيادهـ
صراحه..كان موقفه التناقض=كأنه يحصد..و يحرق حصادهـ ..!!
يبي يحذرني من جور المحبه=و انا مابي حذر..و الا استفادهـ
وأنا اللي ما جهلت الحب لحظه=و أعرفه..لا غزا يكسب سيادهـ
و انا با أقول شيءً قد حصل لي=ولاني طالبً منك. . افادهـ
انا حبيت يومي كنت جاهل=تلبست الهوى لبس القلادهـ
عطيت القلب للي كنت أحبه=ربط قلبي..من يدينه..و قادهـ
يوسدني همومي و أتشكر=و انا قلبي غدى عنده وسادهـ
همس لي..قال:احبك يا حياتي=حسبت انه دواء قلبي وضمادهـ
جلست أحطب ضلوعي و اشكر الله=ولو ضلعي أحترق..نرق رمادهـ ..!!
و أدور له ..كتب عنتر و عبله=فنون الاستعاده..و الاعادهـ
سكن فيني..ترعرع..ثم تربى=ولا كنه بعيني غير.. داادهـ
اداري خاطره..و أدرا شعورهـ=كأنه حاكم ..و قلبي بلادهـ ..!!
يقول آسف اذا نكدت عيشك=و اقول:انت مهبول .. أية نكادهـ..!!
أنا اصلاً من عرفتك..ما اتنكد=بحبك دنيتي..سكر زيادهـ
و راح الليل تبجيل و مدايح=أشاده منه و مني أشادهـ
سكت له فترةً ثم ابتسم لي=عرفت انه نوى يبداء بعادهـ
هدم كل الغرام اللي بنيته=أباده..في أباده..في أبادهـ
..{ قرب مني و في أذني..همس لي=و عرفت انه يلقني الشهادهـ .. }[/poem]
[align=center]
أتـمنـى أن تــلامــس ذائــقـــتـــكم
[glint]دمــتـــم بـــخـــيــر[/glint][/align]
[align=center][/align]
[align=center][glint]هــمــســـة غـــــروب[/glint][/align]
مواقع النشر (المفضلة)