رحــــــــــــــــــــــــــــل وانقطعت اخباره
[align=center]على ذاك الجدار اللي على حد البيوت الطين
وقفــــت وهــاجس الــذكرى يـنـفــض غباره
وقفت اطلق مدى شوفي واناظر مفرق الدربين
اشوف الــــدار وعيوني تظم الــدرب وجــداره
اجل هذا الجدار اللي سهر يوم العرب غافين
اجل هذا الصديق اللي ذكرته واذكر اسراره
انا اذكر يوم يجمعنا يغطينا برمش العين
نسج ليله وسوى به على عشاقه استاره
حجر لكن احس انه يحس بفرحة القلبين
احس انه نفس لكن غدى جامد من اقداره
حجر يوم العرب تنسى اذا مرت عليها سنين
حجر يوم العرب تنسى حبيب مبعد داره
ولكن الجدار اللي تركته من هذاك الحين
عرفني يوم قابلته وبلل دمعي احجاره
جلست وهاجت الذكرى وقلت بخاطري مسكين
ثمان سنين في وحشه ولا احد بيننا زاره
وفا ذاك الجدار اثبت بان الادمي من طين
تخيل يوم لامسته تنهد من شفى ناره
سألني قال انا اذكركم تجوني بالظلام اثنين
بكيت وقلت صدقني رحل وانقطعت اخباره[/align]
رد مع اقتباس
مواقع النشر (المفضلة)