اعجبتني .. فأحببت ان تشاركوني قرأتها
واتمنى انها ماتكون انعرضت قبل ..
[align=center]
لا صـــار قلبي لك وطن .. أبسألك وين والولاء ..؟
وشلون حــال المملكه ؟ - دام الخيانه من ( مــلك )!
قبل أبتدي عندي طلب ،، ركــز ،،
طلب ماهو " رجــاء " !
ماأبي تجاوبني ،، ولاتستغرب إني أسألك
لاتنصدم من عزلتي حالـي مثل : أبو العــلاء
عندي سبب : ماتستحق إني أجيك و أوصلـك
لاتعتبر جمر الحكي من شاعرك يعني " هـجاء "
لو كنت بهجي حضرتك ماخفت منك .. قلت لك !
هذي القصيده مصنفه في دفتري قصة " رثـاء "
حب يموت وتنولد .. وحب يعيش ويقتلك !
ناديت لك ياما .. ولا لبيت لي وضاع النداء !
مبحوح صوتي والصدا من كثر ماناديت لك !
أقرب من ثيابي علي وأبعد من نجوم السماء
ورغم إبتعادك والتعب .. أرسم طموح وأمهلك ..
ماكنت لي الداء وأنا ماكنت لـ جروحك " دواء " ..
ماعشت في دنيياي لي !! عايش ولكن عشت " لك " !
علمتك القلب الوفي .. مايخذلك فيه " إنتماء " !
وعلمتني كيف العشم في من تحبه .. يخذلك !!
علمتك إن أصل الهوى يرجع لـ كلمة " إحتواء " !
وعلمتني إن الهوى ماعاش يوم بـ داخلك !
علمتك إني لك بحر ،، مده وجزه لك وفاء !
وعلمتني كيف أنصدم وأغرق أنا في .. ساحلك !
ما تستحي ،، ودامك كذا ؟ - إفعل حبيبي ما تشاء !
توي عرفت إني كثر ما أعرفك ،، كنت أجهلك !
ما كان قلبي بس لك وقلبك لعب دور الدهاء !
وما كنت لك أقرب من أنفاسك وأقرب من هلك ؟!
ما عاد تفرق غيبتك أو رجعتك ،، عندي ســواء !
كنت إهتمامي ورغبتي ،، والحين دوري أهملك !
لا صار قلبي لك وطن .. أبسألك وين الولاء ..؟
وشلون حال المملكه ؟ - دام الخيانه من ( ملــك )!
إن كنت جاهل ،،! " لعبتك قلبي " وما فيها ذكاء
حتى الطفل إن جبت له { لعبه } .. - ولاءه صار لك !
قبل أنتهي عندي - أمر - ماهو طلب ولا رجاء ..
لا يشغلك ماضي إنتهى .. ركز على " مستقبلك!!""
وسلامتكم ..[/align]منقوله للكاتب / احمد الصائغ
مواقع النشر (المفضلة)