[align=center]السلام عليكم ورحمه الله وبركاته...
صباح ..ومساء ...الورد....
ممااعجبني...افرد جناح السعـاده فـلْ حاجبهـا&الضيقه اللي بقلبـك مالهـا داعـي..
اتمنى أن تصل لذائقتكم الشعرية الراقيه...[/align]
[poem=font="Simplified Arabic,5,white,bold,normal" bkcolor="transparent" bkimage="backgrounds/21.gif" border="none,4,gray" type=1 line=0 align=center use=ex num="0,black"]
افرد جناح السعـاده فـلْ حاجبهـا=الضيقه اللي بقلبـك مالهـا داعـي
ساعات دمع المحاجر ما يعذربهـا=والعين من كحلها ما هيب ترتاعـي
قد لي شهورن على عمري مصعبها=كن الزعل غيمتي والضيق مرباعي
أسج فكري و أدوج الرجل وأشعبها=مرات واعي ومرّه مانـي بواعـي
أضرب مع الناس خانه كنت شاطبها=لا علّها ما تنقّض باقـي اوجاعـي
اصد عن طاري الذكرى واجنبهـا=لكنّها وسط جوفي بين الاضلاعـي
إن جيت أبي أنسى تِذَكّرني مراكبها=وشوق المواني يحن لفلة شراعـي
حتى نسيم الشواطي مـن هبايبهـا=لحن المفارق يجره داخل أسماعـي
يشقيني الصوت والدنيـا مجربهـا=الآمال غابت ومنها قلّت اطماعـي
تشبهني الشمس لاجا وقت مغربهـا=تغيب واغيب وافقد نور واشعاعـي
لحظة غروب المشاعر كنت حاسبها=لحظه! ومرت سنه وحسابنا ضاعي
ما عاد يمدي السعاده يـا معذبهـا=فات القطار وتوقف بيننـا الساعـي
حزن الملامح بقى للعيـن حاجبهـا=من قال لك ضيقتي ماكن لها داعي [/poem]
[align=left]
وسلامة قلوبكم...
دمتم بخيرلكم:25ar:
وداعاً للحب[/align]
مواقع النشر (المفضلة)