أخـــوي اتحـــول !!

**R A W A N** · 19-07-2008, 05:32 PM

السلآم عليكم ورحمة الله وبركآته ..,,

كيف حآلكم إن شاء الله بخير ..

مو عارفة من فين أبدأ

..

أخوي يا نآس

اتقلب حاله .. صارت حالته غريبة

عمرهـ 5 سنين الله يحفظه و يطول بعمرهـ,

بدأ حاله يتغير من ساعة ما أخوي الكبير اشترى له شريط مصآرعة بلآي ستيشن ..

من اشترى له الشريط وهو متغير,, 24 ساعة يلعب لآ يطالع فينا ولآ يآكل ولآشيء ..

صآر عدوآني درجة أولى .,, صآر يضرب بدون سآبق إنذآر

فجآة وانا آكل وحالي حال نفسي يضربني في ظهري ضربة تنسيني اسمي ..

آو يطلع فوقي ويمسك رآسي ويقول بسوي عليك حركة كين !! مدري وش اسمه

..

احترنا وش نسوي معاهـ ؟؟.. مرة من المرآت نبي نخرج من البيت وهو يلعب مو رآضي ..

خرجنآهـ بالقووة عشان يفتك من هالشريط .. كرهنا حالنا يوم خرجنا بس يبكي ويصرخ ..

يبي يرجع البيت يلعب مصآرعة ..

..

سوينا كل المحاولآت معاه ومانفعت ولآ محاولة .. عشق هالشريط وصار مايبعد عنه ..

وش نسوي يا نآس ؟؟ أحس ان اخوي بخطر ومحد دآري وماابيه يتغير أكثر ..

لآتبخلون علي بردودكمـ, ..

**عسووولة** · 19-07-2008, 05:50 PM

وعليكم السلاام والرحمه

ريم شي طبيعي بيتغير من الي شاافه وبعدين ما يحتاج تستغربين لان هاذي ردة فعله من

الشريط وبعدين هو طفل اكيد بيتاثر بكل شي يشوفه ويبي يطبقه

حاولو تاخذون الشريط منه بدون ما يعرف واشترو له شريط ثاني غير المصارعه

وابعدوه شووي عن البلآي ستيشن

الله يخليه لكم يارب $222

**ملهم** · 19-07-2008, 05:53 PM

عليكم السلام ورحمة الله وبركاته

اختي الغلط في الي جاب له الشريط
سار يقلده بكل شي وعباله ان القوي يسوي كذا وينتصر على الأشرار
انا عندي ولد عمره 10سنين كان بالسبع تقريبا لما جبت له اشرطة
كلها اجرام وعنف مسدسات وسكاكين وقتل وقتيل ... الخ
الولد كان مره هادي سار مره مجنون كل ماشاف شي طبقه على اولاد اقاربنا
ولا اصحابه بالمدرسه اشتكو منه المدرسين حتى جدته ازعجها تقول كسر عليها كل شي
كلمت واحد من اصحابي عنده اولاد وقلت له السالفه قال غلطتك انك جايب له هالأشرطه
اول مارجعت من عنده اخذت الأشرطه ورميتها صحيح انه عارض وبكى وجته حاله لكن
وش سويت وعدته اذا سار هادي ومو مزعج مثل اول اوديه يشتري اشرطته
اليوم الثاني لقينا حاله متغير قلت يمكن يسوي كذا عشان اوديه يجيب له الأشرطه
قلت له يابابا تبي اوديك اليوم تشتري لك الأشرطه قال ايه قلت بشرط
قال شو هالشرط ؟ قلت من الحين ماتاخذ اشرطه فيها عنف وغيره خذ اشرطه على قد
سنك قال اوكي رحنا للمحل واخذ تقريبا حول السبع اشرطه قبل ما ارجع للبيت
قلت في نفسي انا الغلاف اشوفه عادي لكن ماشفت اللعبه وش هي
طلبت من البايع تشغيلها طلع الأشرطه كلها عنف الا واحد منها طلع كراش
طالعت فيه بنظرات الولد بغى ينهبل اتاريه كذب علي !
قلت انا اختارها لك واخترت له كم شريط بعيد عن العنف وحلوه وفي بعضها ذكاء مثل
حل الغاز وتركيب وخلافه وشريط كوره بعد وحلو وانا العب معه فيها انصحكم تاخذو له
ماريو كراش وفي مثلها كثير لكن ماتحظرني اسمائهم الان.
بالسياسه والأسلوب راح تحلي مشكلتك وبخصوص الأشرطه ليتكم من الحين تاخذونها
وترموها لا تتعب الولد زياده ويكبر وتكون فيه عقدة العنف وبدليل انه ماخلى منكم احد سالم

معليش اختي طولت عليك لكن حبيت اقول لك قصتي يمكن تستفيدي :)

اخوك /// ملهم

**R A W A N** · 19-07-2008, 06:04 PM

المشاركة الأصلية كتبت بواسطة عسووولة

وعليكم السلاام والرحمه

ريم شي طبيعي بيتغير من الي شاافه وبعدين ما يحتاج تستغربين لان هاذي ردة فعله من

الشريط وبعدين هو طفل اكيد بيتاثر بكل شي يشوفه ويبي يطبقه

حاولو تاخذون الشريط منه بدون ما يعرف واشترو له شريط ثاني غير المصارعه

وابعدوه شووي عن البلآي ستيشن

الله يخليه لكم يارب $222

عسوولتي تعبنا والله يختي ..

لو نعرف ذآ كله بيصير كان ماجبنا البلآي ستيشن نفسه

اخذنا الشريط ولآحظ وجلس يبكي ومارضي ينااام اتعقد الولد

يسلمو على مرورك حبيبتي $222