في بيتنا شي يرّوع <<< فيس يتراجف
بسم الله الرحمن الرحيم
السلام عليكم ورحمة الله وبركاته
بسم الله الرحمن الرحيم
بسم الله الرحمن الرحيم
بسم الله الرحمن الرحيم
بسم الله الرحمن الرحيم
بسم الله الرحمن الرحيم
بسم الله الرحمن الرحيم
بسم الله الرحمن الرحيم
بسم الله الرحمن الرحيم
بسم الله الرحمن الرحيم
بسم الله الرحمن الرحيم
بسم الله الرحمن الرحيم
بسم الله الرحمن الرحيم
بسم الله الرحمن الرحيم
بسم الله الرحمن الرحيم
بسم الله الرحمن الرحيم
بسم الله الرحمن الرحيم
بسم الله الرحمن الرحيم
بسم الله الرحمن الرحيم
بسم الله الرحمن الرحيم
بسم الله الرحمن الرحيم
بسم الله الرحمن الرحيم
بسم الله الرحمن الرحيم
ترى منيب أستهبل يوم أقعد أسمّي واجد
دقيقة باقي ثنتين
بسم الله الرحمن الرحيم
بسم الله الرحمن الرحيم
إيه قضيت
بقولكم سالفة صارت معي أمس وأبي آخذ رأيكم فيها
سالفة تخرّع
ترّوع
تاكلك من الراعة <<< يعني الروعة حنّا بديرتنا مانقول روعة نقول راعة عشان ماينشب لي وفيت مرّة ثانية
المهم
انا عزوبي هـ اليومين وبيتنا فاااااااااااااضي
وأهلي مسافرين
وأمس الساعة 2 الظهر كنت أتروش وزلقت بـ الشامبو ومير أهبد على ظهري im3
والله طحت طيحة قوية وبديت أتألم من ظهري
سكرت الحنفية << يعني البزبوز
وألف المنشفة علي مثل الهنود يوم يلفون الوزرة وطلعت يالله يالله أمشي
وأنسدح على الكنب حق المجلس وانا أتألم
مير أغطي وجهي بـ المخدة وأقعد أتألم
مير أنام وانا مدري
ولا صحيت الا الساعة 6 المساء
تدرون وش الي صحاني؟!!!!
واحد جا وقف فوق راسي ومدري وش قال
قال كلام موب مفهوم
مير أصحى وأناظر الا ألقى شخص واقف قدام باب المجلس
تعرفون الواحد اذا توه صاحي مايشوف زين
مير أفرك عيوني وأناظر زين الا مابوه أحد
لكن الأغلب انه كان رجال
قلت يمكن يتهيأ لي
وفجأة وقفت
تدرون ليش ؟!!!
انا من يوم سافروا أهلي وانا مشغل تلفزيون الصالة على قناة المجد لـ الحديث
ورافع الصوت
لكن انا وقفت لأني ماسمعت صوت التلفزيون
مير أروح لـ الصالة واناظر التلفزيون الا هو شغال ولكن ميوت ( يعني محطوط كاتم الصوت )
مير تبرد عظامي
وأطلع من البيت وأروح لـ الملحق الخارجي وأقعد أهوجس
منو هذا الي جاي بيتنا ؟؟!!
مافيه أحد معه مفتاح البيت بـ الرياض الا انا
دقيت على جادر في صقاع قال ماجيت
دقيت على زوج عمتي قال ماجيت
المهم اني انخرشت وتناسيت السالفة
اليوم العصر كان عندي واحد من الشباب وكنا جالسين في الملحق الخارجي
وأسمع صوت الباب الداخلي ينفتح ويتسكر
وأسوي نفسي ماسمعت شي
شوي الا يقول خويي من الي عندكم في البيت
قلت مافيه
قال ياولد بيبان البيت تنفتح وتتسكر قم لايكون فيه حرامي
قلت يابن الحلال وش هـ الحرامي الرايق الي بيجي العصر
المهم بعد نقاش عنيف قمت ودخلت البيت
تدرون وش لقيت ؟!!!!
لقيت زبايل السيب والمجلس وغرفة الحريم والصالة الله يعزكم مكبوبة
والتلفزيون ميوت بعد مرّة ثانية
مير أجي وأنظف البيت وأشغل القرآن وأتعوذ من إبليس وأطلع لـ المعهد
وتوني طلعت وجيت وكتبت الموضوع
إيه نسيت أقول شي
سالفة أمس علمت فيها امي وسالفة اليوم ماقلت لها شي
السؤال الحين وش السواة؟!!
لو انتوا مكاني وش بتسوون ؟!!!
يعني بـ صيغة ثانية
ماذا سـ تسوي لو انت مكاني ؟!! << عليك صيغة بعد
لالا جد والله وش بتسوون ؟!! << تراك طولتها وهي قصيرة حاول تنهي الموضوع وتطس<< إن شاء الله
يالله أحتري أجوبتكم وتعليقاتكم
<<< وحشتني ياخي
,
مواقع النشر (المفضلة)