اليوم لحظـة فراقـك ثالـث أعيـادي
[poem=font="simplified arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يعني عشاني أحبـك صـرت متمـادي=أسرفت لوهـو غيابـك حمـل ماشيلـــــــــــــه
وين أنت مبعد ولا لك صوت ياغـادي=ماشفت وشلون شخص(ن) طاح من حيله
شف كيف ذيك المواجع بحرها هادي..!!=يمكن عشـان المواجـع مـات قنديلــــه
ياسيدي وان لمحت الحزن بـي عـادي=طبعي كذا أحـزن أليـا قلـت الحيلــــــــــه
مابيك تبكـي علـى مـاراح وتنـادي=أبيـك لوطـاح قلبـي حـاول تشيلــــــــــــــــــه
الدمع عـدا زمانـه وانتهـى سهـادي=كفنـت آخـر دموعـي وسـط منديلـــــــــــــــه
اليوم لحظـة فراقـك ثالـث أعيـادي=مايرجـع القلـب حتـى لوتغنـي لـــــــــــــــــه
قم كفن الجـرح وادفـع قيمـة بعـادي=قم سامر الليـل وابـدع فـي مواويلــــــــــــه
قم علـم الحـب منهـو مننـا البـادي=قم علم الغـدر مـن يجهـل تفاصيلــــــــــــــه
أقسى طعـون المحبـة شربـي وزادي=واكبر غلط في حياتي كـان حبـي لـــــــه
أرحـل وانـا بتحمـل قسـوة عنـادي=واعلم القلـب ويـش البعـد يعنـي لــــــــــــــه [/poem]
رد مع اقتباس
مواقع النشر (المفضلة)