[align=center]قصيدة تحمل متناقضات خـ الشوق ــالد
والزين له نصيب الأسد فيها ..

أتمنى أن تحوزـ على رضاكمـ




؛؛
؛؛



يا مل قلب ٍ هام والناس هيّـام
في عصر( لا تمشي بدون استماره)

عصر ٍ خذا جابر و زايد و صدام
واللي بعد قفى بشره وخاره

اللي يظن أن الزمن بالفرح دام
شمس النهار تشتته في نهاره

اكتب عباراتي على روس الأقلام
والناس توحيها عباره عباره

نحت الصخر ماهي خرابيش الاقزام
في صفحة ٍ غطى بياضه سماره

والشاعر اللي ينفخه بوق الاعلام
مهما ارتفع يلقى مصير انحداره

المخ ـ تلف حلم ٍ ماهو مثل الأحلام
اتخلي الشاعر يضيّع شعاره

ولا الفضا من كثرهم تشهد ازحام
والمعتبر بالشعر قلّ اعتباره

الناس ملت والشعر بحر لطام
والجو منهو اللي سلم من غباره

لو تلبس الساحة خلاخيل ولثام
احسن ولا شوف الفشل واحتقاره

ابقلب الصفحة على شرق ٍ وشام
البوصلة في كف خالد مــــداره

الزين صرح ٍ عاش في جملة اوهام
الله يخلي المنتدى والأداره

حطو ملف شخصي وللمبدع وسام
لهم شكر مني دعاة.. الحضاره

احد (ملفه) عامر ٍ طول الأيام
واحد (ملفه) خالي من الزياره

ما بين وحشة قبر وعبادة أصنام
متى الزمن يعلن معاي انكساره

طيري منّول فوق قمة جبل حآم
واليوم طيري مختلف في مساره

يا صاحبي ..ذكرتك وهبّ الانسآم
خل النداء باسمائنا المستعاره

لا..تفضح بعيني غلآ مغرم ٍ صآم
عن حب غيرك لو غيابك خساره

تعبت على دربك مشاوير الاقدام
والشيخ حلل لي صلاة استخاره

؛؛
؛؛
؛؛



تحية \ خـ الشوق ـالد[/align]