بنات في سن الزهور..
>>>>>>>>>>>>>>>>>>>>>
المقدمة:هذي الروايه من نسج الخيال وقد كتبتها من تجربي للحياه و تدور حول بنات شرقيات بالأحساء وهذي أول تجاربي أتمنى أنها تعجبكم؟؟وتدور مع....
عبير:
حالتهم ميسورة و ابوها لا يشجع التطور ويفضل البساطة والرخص ويكره الغالي يعني من جماعة سوق الحراج ومن النوع اللي يكاسر في المشتريات وإذا إشترى أي شي ولابعد 4شهور يشتري اما الأم عكسة عادي تشتري بالغالي بس بشرط يكون ينفع و زين اخوانها وحنان وهشام وعمر الدكتور (3)على ترتيب اخوانها ...
&&&&&
احلام:
المقربة لعبير وقائدة الشله وأكبر وحدة فيهم وأبوها حالتة المادية مقتدر وعندهم فيلا ومزرعة كبيرة يعمل في شركة أرامكو السعودية أمها متوفاة وهي في عمر (7)سنوات وبسبب تنقلها من بيت إلى بيت لم تدرس سنة اولى إلّى في عمر(8)سنوات وإستقرت في الدمام عند جدتها وخالها وفي عمر (13)عادت إلى ابوها في الاحساء اخوانها:سالم وخالد ونوال"اصغر بنت في العائلة(4)على ترتيب اخوانها...
&&&&&
نورة:
نورة تتضايق من اهلها بسبب أنهم مايوافقون على إلّي تطلبه بس تحبهم لأنهم أهلها أما أخوها عبدالله متحرر شوي ويحب أخته الوحيدة بين خواتها روان و رهام و أمجاد
وأبوها من القصيم وأمها من الأحساء (2)على ترتيب اخوانها...
&&&&&
بيان:
وحيدة أمهاوأبوها أمها مريضة بمرض خبيث ومعها فقر دم وإنتقل الفقر الدّم إلى بيان بالوراثة
أبوها دائم السفر لطبيعة عملة (أعمال حرة)لهذا هي دلوعة أمها وأبوها ساكنة في بيت ملك وعندهم بيت في الدمام يروحونة في بعض العطل الإسبوعية وإنتقلت بنت عمها معهم في المنزل لتكمل دراستها الجامعية وهي في سنة(2)في جامعة الملك فيصل...
&&&&&
ساره:
طيبه وجميله وتموت في الموضه وعندها أخوها مغزلخي وهي ماتحب حركاته ترفض فكرة الزواج علشان كلّا تشوف أمها وأبوها يتشاجرون بس هي طبيعتها واثقه من نفسها وعندها أخوات: منال وأريج وفهد وغسان أصغر واحد بالبيت (1)على ترتيب أخوانها...
&&&&&
الجزء الاول
00000000000
المعلمة:عبير طالبه جديدة عندنا .......عاملوها زين..
عبير ادخلي فصلك الجديد..
عبير:السلام عيكم..
البنات:وعليكم السلام..
المعلمة بدأت بحفل تعريف صغير بين عبير والبنات وأولهم أحلام رئيسة الفصل:
أحلام ودٍي عبير لكرسيها الجديد..
وبدات المعلمة شرح الدرس..
أحلام بهمس:سارة سارة لازم نبعد عبير عن البنات اللّي ورى قبل لا يخربونها..
سارة:اوكي..
----------------------------------------------------
بعد إنتهاء الحصص الأولى والثانية والثالثه..
صفاء من الشلة الورى بدلع:ياللا بنات قوموا معاي..
وإتجهت إلى عبير:ياللّا تعالي معنا..
وجائت سارة لصفاء:تركيها بحالها..
وغادرت عبير مع سارة..
صفاء:صبروا علي راح تندمون على اللّي سويتوة فيني!!
بيان:عبير بلييييز أنتبهي من صفاء وشلتها تراها تعرف كيف تعلق البنات فيها ولاتسلم أي بنت منها أسالي مجربة..
وبعد (5)دقائق..
جائت نضال لتكلم عبير:تعالي معاي دقايق..
----------------------------------------------------
صفاء:يا أنا يا أهم..
وصلت عبير لصفاء..
عبير: نعم تبين مني شي؟
صفاء باستهزاء:أخاف العكس ..هههه هههه هههه..
عبير بنفس الّلهجة:في أحلامج كخ كخ كخ كخ مسكينة تحلمين وايد بااااااي.
----------------------------------------------------
ساره:يابنات إيش رايكم اليوم بعدالمدرسه وبعد توضيب دروسنا ندخل المسنجر.
أحلام:أوكي صبايا.
نوره:بس متى؟
سارة:الساعة (3) بعد الصلاة العصر.
أحلام:أوكي اتفقنا.
نوره:كيف؟
أحلام:يوة بسج أسئلة ..ماوراج غير السؤال ماتفكرين لو مرة وحدة؟
سارة:مو كأن الآنسة عبير مو معانا؟
بيان:طبيت عليكم شتقولون ؟ تحشون فيني؟
احلام:روحي زين ....المهم وين عبير؟
عبير:نعم كاني جيت شنوا جاب طاريي أكيد بالخير؟
نورة:شنو يعني طاريي؟
احلام:انطمي لأكفخج وأقصبج في ساحة المدرسة!
عبير:طنش وتعش .......تركيها
سارة:عبير شرايك تدخلين معانا ع المسنجر.
احلام: شنو إيميلج
عبير:خلا يكون عندنا نت قبل الإيميل
البنات باندهاش بصوت واحد:شنــــــــــــــــــــوا؟؟؟؟؟؟؟؟؟؟؟؟؟؟؟؟؟؟
مافي بيت بدون نت....
عبير:اللا بيتنا..
بيان:اوكي تعالي بيتناواعلمك علية وافتح لك ايميل
عبير بتنهد:هاذا إذاإذارضا ابوي
نورة:لية كررتي إذا مرتين؟
البنات:هههه هههه هههه هههه
أحلام:كح كح كح..
----------------------------------------------------
وبعد إنتهاء الدوام
احلام:عبير عبير كم رقم بيتكم ابغي اكلمج
كتبت الرقم في ورقة..
عبير:اوكي خذي هاذارقمي.... كم رقمج؟؟
احلام:خذي..
وكتبتة.
----------------------------------------------------
في بيت عبير
عبير:السلام عليكم ماما
الام:وعليكم السلام حبيبتي...شنوا أخبار المدرسة
عبير:تمام وعال العال.
الام:تعرفتي على شلة كويسة؟
عبير:اكيد وإنشاءالله ماأخيب ضنج بصديقاتي.
الام:عاد يالله روحي غيري ملابسج!!
عبير:اللـــــــــــــــه شنوا اللي يوديني فـــــوق علشان أغيـــر
الام:انا اراويج كيف توصلين بسرررررررررررررررعة قمت عليج
عبير:زين زين بروح قبل لاتاكليني وتخلخلين اسنانج بعضامتي بااااااااااي مامي..
وبعد ما بدلت ملابسها
رن الهاتف............
الام:الو ؟
احلام:الو
الام:السلام عليكم
احلام: وعليكم السلام... ممكن عبير؟
الام:لحظة اناديها
الام:حنان روحي نادي اختج من فوق
حنان:يوة ناديها انتي...
الخادمةميري:حنيّيّيّن يللا إسمع كلام ماما هاذي ماما إنتي
حنان:كملي كنيس وإنتي ساكته.
ميري:خلاص أنا روح نادي عبير
ميري بصوت عالي: عبيييييييييييييييييييييييير
عبير:نعــــم
ميري:تيلفون مال إنتي
عبير:الو
احلام:الو هااااي
فاطمه:الو مين ؟؟
احلام:ماصدق نسيتيني؟....انا كح كح كح!!
عبير:أحلام؟؟
احلام:لا جدتها.....هاهاهاهاهاهاها المهم شنوا قالت لج صفاء اليوم؟؟
عبير:بكل برود.....تبغاني انضم لها.
احلام:شنوا..يعني ماراح تتركنا انتبهي منها تراها قوية حيــل وخطرة أكثر
عبير:يعني؟؟؟
أحلام:يعني خذي حذرج منها يا إما تنضمين...يا إما تتدمرين
عبير:قلت لها في احلامها.
احلام:اكيد مدبرة لك شي انتبهي لا تكلمينها ولا تقربين منها
عبير:لا تخافين علي أنا ما أفتكر ولا أخاف منها ولاني حارمة نفسي بسببها
احلام:والله خايفة عليج منها تراها مو بسيطة ..تاكل حقوق الغير ولا يتوكل حقها أبد
عبير:بس مو معاي أنا..
أحلام:ياللا بااااي!!
عبير:ياللا بااااااي يا..........كح كح كح..
-----------------------------------------------------
بيت نواف
نواف عنده أخت مغوليه ويحبها أسمها سلمى ولا يرفض لها طلب ودايم يجيب لها هدايا ولاتعرف تتكلم عدل وهو الوحيد اللي يفهمها..
نواف:سوسو ؟؟وينج؟ أنا نواف؟؟معاي هديه لأحلا سلمى؟؟؟
سلمى:أنا فوق تعال وكوفني (شوفني) ؟؟
نواف:كاني جيت ؟
سلمى:أهبك إييييل (أحبك حييييل) ..وين ديتي (هديتي)؟؟
نواف:بالأول عطيني بوسه في خدي ؟
سلمى:أموااااح.
نواف:الخد الثاني؟؟
سلمى:أمواااااااااااح
أحمد طلّع من ورى ظهره علبه مغلفه و عطاها ..
نواف:خذيها وفتحيها وشوفي شنوا فيها..
و فتحت العلبه!!
سلمى:بالبي(باربي)؟؟وااااااااو هلو(حلو) لون وردي وروود وروود وروود..
نواف:مثل سلوّمتي يا أحلا باقه ورووووود..
سلمى:أهبك ياتّي(أحبك حياتي) قبّي (قلبي) هلو(حلو)...
نواف:تبغين شيء بعد؟؟؟
سلمى:سلامك (سلامتك)
نواف:يالله نروح ننام؟؟
سلمى:مابي أبي أهر (أسهر) أعب ناك(العب هناك)أعاب هلووو!!(العاب حلو)
نواف: لا لا بكره مدرسه وألحين الساعه (8) لازم تنامين علشان تصحين مبكره وتلبسين المريول اللي أنا شريته معاج والشنطه والدفاتر والقلم الرصاص والمطاره الليّ بشكل باربي..
سلمى:وكبوتي؟؟(كبوسي)
نواف:إيوه كبوس..و علشان أوديج يوم الخميس الملاهي مع نداء صديقتج!!
وراحت سلمى تنام..
نواف:أييييييه الله يخليج لي ولا يحرمني منج ...
-----------------------------------------------------
في دار الإيواء للفتيات
(فاتن مع صفاء بالغرفة وهي أقرب وحدة لقلبها ولاكن هي عكسها يعني طيبة)
صفاء:والله راح أراويهم خصوصا (باستهزاء)الآنسة عبيييييييييييير
فاتن:مين هذي عبير؟؟
صفاء:بنت جديده بالمدرسة.
فاتن:خليها على حالها.
صفاء:انتي الهندية؟ اقولك براويها!!
فاتن:انا هندية ؟ انتي بنغالية!
صفاء: لاوالله؟؟
فاتن:المهم رجعينا لموضوع عبير شنوا بتسوين فيها؟
صفاء:بما إني دايم في غرفة المديرة أعرف بعض المعلومات عنها موعد الجمعيه راح أسرق جمعية المديرةوأشبك عبير فيها وأطلع منها مثل الشعرة من العجين!!
فاتن باندهاش:كـم؟؟؟
صفاء: (000 30)ريـال سعودي عداً ونقداً
فاتن متنرفزة: خليج تسوينها والله حرام خصوصا أن مديرتكم ماترحم..
-----------------------------------------------------
بيت فراس
فراس يحب ساره من يوم كانوا صغار كان كللّا يلعبون مع بعض وهي تتكلم معاه في السطوح هو في سطح بيتهم وهي في سطح بيتها ودايم يتراسلون بالحجر يلفون عليه ورقه مكتوبه فيها رسائل ويرمونها لبعض ويوم كبرت قطعت العلاقه لإلتهائها بالموضة والزينه والميك آب وخذوا كل وقتها لين نست الحب الدفين من أيام الصغر..
فراس:ياربي ليه ساره ماتعطيني وجه من يوم وصلت متوسط وانا لين الحين مانسيتها..
وتذكر أغنيه (لين الحين أحبها) وشغلها على الجوال في السطح وفي نفس المكان اللّي كان يلتقي أبها وهو يناضر سطحهم.
-----------------------------------------------------
في بيت ساره
ساره:الله شنوا إشتقت لأيام أول؟؟
دانه بنت خاله ساره:إشتقتي لأيام السطوح؟؟
ساره: لا والله؟؟ سكتي بس يا الله !!
دانه:ولاّ أيام فراس أخوي؟؟
ساره:جد والله إشتقت لحركتنا للرسايل....ويوم أطيح في بيتهم وأبكي وعنده حلاوه وحده بس وتوه بيفتحها وقام يطالعني أبكي وشوي ويطالع الحلاوه بس عطاني أياها علشان أسكت..والله أيام حلوه ولها معنى ...
دانه:ويوم كنّا في الروضه هو في فصل التمهيدي وأحنا في روضه أولى قمنا نلعب في الدور الثاني وهو كان غايب في هاذا اليوم لأنه كانت فيه الحراره وأنتي في نهايه الدوام سرقتي من بنت حلاوياتها وهربتي وفي اليوم الثاني جابت البنت أمها وقالوا الأطفال أنّه أنتي الّي سرقتيها وقالوا أن اللي يسرق مايلعب لمده يوم كامل في الألعاب ,بس هو يوم درى قال:أنا اللي سرقتها من البنت وإنحرم من اللعب؟؟
ساره: تهاقينه يتذكرني؟؟
دانه:الله وين أنور؟؟ لازم أروح أدوّر عليه؟؟
ساره:إنتي دوري في الدور الأرضي والحوش وأنا الدور الثاني والسطوح؟
دانه:أوكي!!
-----------------------------------------------------
بيت فراس
شغل أغنيه :
الدنيا ومعناها كانت من عيونى تقرانى وتفهمني
لا مــالقيــت اللّي بـيــن النـاس يــســواهــا
كلـــهم عـلـى راســي لاكـن ذي تــســحــرنــي
كلـــهم عـلـى راســي لاكـن ذي تــســحــرنــي
لـيـن الـحيـن احـبـهـا ولانـي قـادر أنسـاهـا
صـورتـهـا دايـم فـي بـالـي مــا تـفـارقـنـي
وكـل شـي مـن حـولـي يـذكـرنـي بـذكــراهـــا
خلـتـنـي فــي كـــلــشــي ذكـرى تـذكــرنــي
-----------------------------------------------------
-----------------------------------------------------
يالله أبغا توقعاتكم..
شنو راح يصير؟؟
وكل شي يطري على بالكم..
ولاتقصرون في الردود..
وإذا مافيه حماااس مراح أكمل...
وكل 5 ردود أو اكثر راح انزل بارت..
يسلمو
دمتو بود..
مواقع النشر (المفضلة)