[align=center]
بدايه الشكر والثناء لله الذي منحني أيام اخرى
اتمنا ان تكون زيادة في طاعته- ثم لأجد هذه القلوب
المحبة فالله والتي كان همس الدعاء منها زاد لي في
رحلتي العصيبه- اشكر كل من قدم السؤال عني ولكل
من قدم لي حرف بوح صادق استشف منه دفء الوجود-
الشكر لله ثم لكم -
*·~-.¸اشفيت قلبي يدينك تداويه*·~-.¸
[poem=font="Simplified Arabic,6,black,bold,normal" bkcolor="white" bkimage="" border="groove,7,crimson" type=2 line=0 align=center use=ex num="0,black"]
يالله ياسامع ندى من يناديه= عطفك ولطفك ياالاه العبادي
يارب شكرك لازم انا نبدّيه= وذكرك وبك نبدا على كل بادي
ياخالق المخلوق علام مافيه=ياعالم اللي لك يكنه فؤادي
يالواحداللي مايخيب الرجا فيه=بك يستفيظ السيل مع كل وادي
منك المطر يسقي الصحارى ويحييه=ويخضر به قاع ٍ محيل ٍ وكادي
انا رضيت بماكتبته وتنويه=والشكر لك ياللي عليك اعتمادي
مرّت بي ظروفٍ صعيبه ولافيه= غيرك يعافيني أيا خير هادي
اشفيت قلبي في يدينك تداويه= ولك ببتهل يارب وانت استنادي
ثم ارفع التقدير والشكر يتليه= واهديه للشعار ورد ٍ وكادي
لهل الوفا واللي تنومس مباديه= وللي نشد عن حالتي باجتهادي [/poem]
الحوراء بنت نجد-الرياض رجب 1429[/align]
مواقع النشر (المفضلة)