• { رآبـطة مـشجعـين الملكي } •

[Dew]

.
.
.
.




السلام عليكم ورحمة الله وبركاته



هاهو ديو يطل عليكم بحلته الجديده <

امزح اقصد هاهي رابطة عشاق الريال تطل عليكم من جديد رغم خشوم الحاقدين

شسموه الموضوع ذا بيكون لمشجعين الريال فقط لا غير

مانبي احد يجي هنا ويقول ترا بكرا بتلعب بنغلادش الساعه 13 بتوقيت بركينافاسو ترا بينجلد اللي بيقول تسذا

شف يالحبيب ترا ما نسجلك عضو معنا بالرابطه ونعتمدك كـ مشجع او متابع لـ ريال مدريد الا بالشروط التاليه :

1 - المنافخ ممنوع ،، يعني تبي تتناقش مع احد ناقشه بس تقعد تسب وانقلع ترا روبينهو معفن وما شاله الا كاسياس ومن هالحتسي الماصخ ماني

2 - التعصب ممنوع ،، بالله حركات متابعين الدوري السعودي مانبيه يعني حركات نص كم مرفوضه

فريقك انهزم تكلم بواقعيه مهو تقول الحق على ارضية الملعب

ولا تجي تقول كرستيانو رونالدو مهو احسن لاعب بالعالم عشانك غاير منه وتبيه يجي لفريقك

لا حبيبي هالحركاته خله للدوري السعودي هنا الدوري الاسباني يعني كرة القدم الحقيقيه عجبك عجبك ما عجبك طق راسك بالجدار واطلع برا

3 - اخبار منقوله من موقع برشلونة ما نبيه هذوليك اعداء ومواقعهم تقعد تطلع اشاعات مره يقولك كالديرون بيتزوج على مرته ومره يقولك روبينهو معه مغص im3

4 - احترام الناس اللي مهم مشجعين للريال يعني مثلن يجيك برشلوني ويخش عندنا ويقعد يستفزك ويقولك وراه فريقكم خسر امس ؟

لا تهاوشه ولا تسبه ذكره بالـ 4 - 1 حقت العام وهو ينثبر لحاله im22

5 - حبذا لو تكون الاخبار من صنع يديك او على الاقل مهي قص لصق يعني مثلن تلقى الخبر بموقع الريال تصيغه باسلوبك باللهجه العاميه

مما يطفي بعضن من المرح والوناسه على براطم القارئ وهو يقرا الخبر

6 - مهو تسحب على الرابطه اسبوعين وثمن لا جيت تحط لي اخبار قديمه im3

لا يالحبيب اذا جبت تحط خبر تأكد ان محد منزله غيرك

7 - اي شي يخص الريال رزه فيذا يعني صوره ، تصميم ، تصميم فيديو ، اهداف ، فيديوات خاصه باللاعبين ومن هالحتسي رزه فيذا

خل العالم تستمتع وتجمع صور ومقاطع للريال

8 - السب اللي ماله داعي وحركات شارع ( قف وناظر ) خله على جنب لكن يجوز لك ان تسب سلقادو و روبن و شوستر متى ما حبيت im22

9 - لازم انك كل يوم تشقر على الرابطه وتشوف الاخبار

وحبذا لو تكثر النقاشات الهادفه الحلوه بين الاعضاء يعني نقعد نحلل المباراة ولا نسولف عن لاعب ولا نقارن وتسذا

وطبعا يكون كل شي من مخك مهو تروح لي لـ الاقلاع وتنسخ رد ( منسدح بالبلكونه ) ولا ( الصخره البارده ) وتجيني مروّح

لا يالحبيب ترا عندنا قدره اننا نعرف اذا الكلام من مخك ولا ناقشه من احد المواقع الصديقه

10 - لازم انك تحط ذا الصوره بتوقيعك :



im22im22im22im22im22im22im22

لا لا امزح مهو لازم im22

11 - اي اقتراح ولا طلب اي شي بخصوص الريال لا تتهاون ولا تتقاعس بأنك تدعس لي رساله على الخاص وانا بالخدمه

12 - باسمي وباسم عشاق الريال نوجه تحيه وسلام وشكر كبر جبهت سلقادو لـ تحدوك يا قلبي وذلك لقيامه بالكثير والكثير من اجل عشاق الريال بالزين

13 - خلاص قضينى شروط

عاد شف يالحبيب تلتزم بذا الشروط حياك الله ما تبي تلتزم ضف وجهك الله لا يهينك

كان معكم من قلب الحدث حبيب الشعب ديو <

تحياتي لقلمي






.
.
.
.

[T a i i h]

كفو مرينغي ..

الف مبروك رابطتنا الجديده موسم حافل إن شاء لله بالإنجازات

لاهنت يا ريس ..

[Dew]

حيوه علاوي

كفوك يا شنب

الله يبارك فيك

ايه ان شاء الله انه حافل بس الله يستر من الورع حق الانتقالات مباتيوفيتش ياخي لحد الحين ولا صفقه

[mas3od]

يا شيـــن الغيــره ميــر .. im3

ياشيــن بعــض الروابــط .. تحــسسك بالتقــزز وانت ثالــث رد بهــا .. im3

ع العمــوم ع البركــه لـ المدريديـّــن .. وانشــالله تكــون ساحــه من ساحات التبطــح والنقــاش ..

ويعطيــتس العافيــه يا أخــت ديــو ,, يا إنـي أحبــتس حــب :24ar:ميــر عيبتــس مدريديــه < عــض ثوبــه .. im22


//

حصــري لـ الرابــطه ,,

فــان دير فــارت يبي يجــي الريـــال ,,

المصــدر / ديــو

[ملك العشق]

مبروك افتتاح الرآبطة


ان شاء الله اللدوري لمدريد الموسم هذا



لـي عــودة ..!