آخر زمن ابو هناد يمسح بي البلاط :( ههههه

[وحده من بين خلق الله]

مراااحب اخباركن انت وياه >>

متميلحه عندهم وفارده عظلاتس وابو هناد ماسحن بتس البلاط


آخر زمن :(


في موقع من المواقع > الفقيّه يا شيخه

مدخل >>

في مطعم من المطاعم الكبيره .. ..جاي مشخص وعلى سنـقة عشـره .. يتراكضون وراك..

كل من شافك قال ولد العليا >> عيالنا اقصى طموح بالتكشخ لا صار ولد العليا خخخخ..


((ولد العليا = ساكن بحي العليا > كان كاان كااان من ارقى احياء الرياض ))..

طلبت من كل ِ مالّذ وطااب .. ولما قضيت .. وكتب القرسون طلباتك ..

قلـت :: إيكس كيوز مي ابي المشروب والمقبلات مع الأكل الرئيسي كامل لا تقدم المقبلات !!

>> فيها شي ! لا مافيها > تغني

جاك التيس الهندي اللي ياخذ الطلب > مأتششه ..

وقاال ::(( أنته مافيه مطعـم غوزي ولا مطعم بخاري .. يبغى بخاري روح برا .. هاذا (متأم=مطعم)

خمس نجوم ))

> حسيت عيوني تدزادحن وطلعن من مكانهن .. !!!! ( تدزادحن=خرج منهــا الشــرر)

الله يقلعك يابو هناد محد قد فشلن هالتفشيله غيرك يابن الأبآلسسه !!


سكت وانا أجر أذيال الخيبه .. ولقطت وجهي بسكات ههههههه

..

وفي موقف ثاني !!


دخلت ِ لسووق ومعتس أميمتس بكل سكينه ووقار .. نسعّر الشناط بكل رويه وأدب ..

وانتي تسألين ((قطعة لبنااني)) ما يسوى زبيريتك الله يكرمن والقارين

:: عشاان عباتك مغطيتك .. عشانتس ما فتشتي وطلعتي خشيشتس ..

وانتي تتسألين ومتحمسه >> يقــفي ويخليتس ولا يرد عليتس !

عشانتس ما تضحكّتي ؟؟ وعشانتس ما طلعتي وجهتس !! يمشي ويخليتس

ولا يرد عليتس بالعربي عشانتس منتب لبنانيه ولا انتي سوريه هههههههه > والله شبت التسسبد !


بمكاان ثااني ::


دخلت ِ محل ملابس .. وتقلبين بهن وتتفرجين .. !


تسمع صوت ((قطعة سوري)) يشتم ويهووش وينافخ .. سعــودي !!

بصووت سمّع العالم كلهـم


(( ولآك شو هالشوز !! إنتـه ما بتفهــم بالزووء .. إنتـه واجهه ِ للمحــَل ..

هيدا البلوز مووش مناسِب .. ولا بيلبئ للبنطلون ))


هالسوري >> مديـر لهالسعــودي وما أعجبـه لبس ولد ديرتـك .. وقعد يمسح به البلاط !

::


نااس :: >> وأوادم ما رزهـم ولا عـزهم .. إلا دارك .. نااس مشـردين بـ ديارهـم

يجي يصير عندك مديـرك .. رئيسك بالشغــل ! .. وانت لا حـول لك ولا قوة

ما تقوى ترد .. يطردك ؟ .. ما تقوى ترفع عيـنك .. النااس اللي برقبتـك بينقطع رزقهـم مضطـر

تسكت عشان راتبــك !! ما يشوفــك شي .. مع العلم هاذا اجنبــي قذر جيب من ديرته عشان ييشتغـل عندك ولكـن !

اللي حاصل انـه انت عبـد عنده وكلنا عبيد لله !!


مواقف ياما تصير قدامنا .. واحيانا تصير لنا ..

سؤااالي الخنفشراني القهري ::

يالسعــودي وش وضعـك بديرتك ههههههه ؟؟

ولو صار لك هالموقف وش ممكن تصير ردة فعلك ؟

ولو شفت هالموقف يصير لسعودي قدامك وش بتسوي؟

واللي عنده مواقف شبّات تسبد يطرحه فيذا لعلنا ننقهر بصوت مسموع خخ !


لأننا منقهرين منقهرين على لا مااش يعني حدنا مهايط منتديات وتنفيس لما بدواخلنا ومااامن مجيب !

المجال لك انت وياه واسمحو لنا كثر القرق .. ودي لكم وقهري ينفث في صدوركم .. $222

[!..أنفاس الفجر..~]

وحدة من بين خلق الله ..
موضوع اجتمااعي....وحلوو..

وقاال ::(( أنته مافيه مطعـم غوزي ولا مطعم بخاري .. يبغى بخاري روح برا .. هاذا (متأم=مطعم)

خمس نجوم ))

هههههههههههههههههههههههههــ...
خسئت ياابوهنوود..ويح لك..

وانتي تسألين ((قطعة لبنااني)) ما يسوى زبيريتك الله يكرمن والقارين

:: عشاان عباتك مغطيتك .. عشانتس ما فتشتي وطلعتي خشيشتس ..

وانتي تتسألين ومتحمسه >> يقــفي ويخليتس ولا يرد عليتس !

عشانتس ما تضحكّتي ؟؟ وعشانتس ما طلعتي وجهتس !! يمشي ويخليتس

قلتيها...لبناني متعود على الفسخنه..وقله الحيااا.وتوزيع الابتسامات .الله لايبلانابس

ولآك شو هالشوز !! إنتـه ما بتفهــم بالزووء .. إنتـه واجهه ِ للمحــَل ..

هيدا البلوز مووش مناسِب .. ولا بيلبئ للبنطلون ))

هههههههههههههههههههههههــ...اتعب على اللهجه السورية ايش لون كتبتيها بس
يخسى الا هو لو يتنافخ علي بالشبشب علىوجهه :*

نجئ للأسئلة...

يالسعــودي وش وضعـك بديرتك ههههههه ؟؟

غرباء غرباء...>>>تذكرت النشيد الاسلامي..يالغاليه مشكلتنا اعتماد كلي على الأجنبي
وربي بالشارع لومشيتِ تلاقين تحت الحصى هندي ..للاسف كثر من شبابنا ماغير يبوون مكاتب فارهه..مايبون يبتدون من الصفر...ليه ماادري...!!

ولو صار لك هالموقف وش ممكن تصير ردة فعلك ؟

والله مشكلتي وانا بنت مااعرف اسكت..ومستحيل اجنبي يتنافخ عليّ مو تكبر لا اسمح الله
لكن هم معروفين من حركتهم هذي ...يبون ينرفزونا ويحرقون اعصاابنا ..لذلك اقول ابلع العافيه تراك
باقامه ...وجوازوراس مالك تذكرة تطيرك بلادك

ولو شفت هالموقف يصير لسعودي قدامك وش بتسوي؟
اذا رد كاان بهاا ،، و اذا مارد اتوقع اتكلم بصوت منخفض يعني اني هادئة ...واقول يالاخو عيب هالكلام
انت جااي تعلمه ايش يبلبس علم نفسك كيف تتكلم وتتعامل مع الغير بالحسنى..واعطية مقفاي وامشي

واللي عنده مواقف شبّات تسبد يطرحه فيذا لعلنا ننقهر بصوت مسموع خخ !
ههههههههههههههههههههههههههههههههـــ...حلو شبات..
مرة رحت سوق عندنا تخيلي بعد مااشتريت تشكيله من الملابس ...واطلع الفلوس
الا يقولي الهندي مافي صرف ويناافخ..كله يجيب 500ريال ..مشكله والله ..ولا يطالع فيني
طبعاً استغليت الفرصة امي مو معي دايم تقول طنشي وانا امك،،و معي اختي
قلت :هيه هيه
انت لا ترفع صوتك كنه حلال ابوك...مافي صرف تكلم بصوت منخفض وضف وجهك...
مو ترفع صوتك عليّ كني اشحدك..او سارقه حلال ابووك؟
الموهم جا ءالسعودي صاحب المحل اللي مايدري عن هوى داره
يوم ارتفع الصوت { في الحق} لا احد يجئ ينشب لي
قال ايش فية :عطيته ظهري وقلت وظف نااس حريصة على رزقك..
مو تنفراللي يشترون باأسلوبهم وطريقة تعاملهم مع المشتري
واروح وهو ينادي تعالي يااختي تعالي وانا مطنشة .من يومها مااشتري من هالمحل
اشكرك على الطرح اخذت راحتي ...لك
وداعاً للحب

[كاتـم الآهــات]

الله يستر بس مايصير بوه فضايح

<<<ماقراء الا سطرين

[twix]

حيهم im3

واللي عنده مواقف شبّات تسبد يطرحه فيذا لعلنا ننقهر بصوت مسموع خخ !

صحيت مره العصر بسلامة الله الا والقى 25 مس كول و3 رسايل كلها من رقم واحد
فتحت الرسايل الا واشوف مكتوب فلانه ردي انا هنا .. والثانيه يابنت الحلال ردي اقولك هنا
وبما اني مااعرف هالـ "هنا " طنشت
شوي ودقت .. من طلعت هنا ؟! طلعت لبناني !!
وش يبي ؟! بدو يحكي ويفضفض !!
زين وش جاب رقمي واسمي لك ؟! شريت الجوال مستعمل وحصلت فيه رسايل منك < قل قسم بسس
بعد الشرشحه وش قال ؟! ازا بدك تحكي او كنتي دايئه شي بس عطيني رنه وكتير كتير اسف على ازعاجك < حتى مزعجينهم اسلوب

كل الدنيا اجانب .. الى جوالاتنا وصلوا لها

بسس الحق يقال حنا بلاهم بنموت من الجوع

اهم شي لاتخلين بخاطرتس شي وشرشحي كل اللي يقابلونتس مثل هيك , عشان ماتتحسفين بعدين im3

[غلا الزين]

يالسعــودي وش وضعـك بديرتك ههههههه ؟؟

كأي مواطنه سعوديه

ولو صار لك هالموقف وش ممكن تصير ردة فعلك ؟


برمي اغراضه وبطلع بدون اي كلمه

وبتم تمبيني وبين نفسي واهوااش <<



ولو شفت هالموقف يصير لسعودي قدامك وش بتسوي؟

راح اتضايق اكيد .. بس ماراح اتتدخل لانه بين شابين ..

من زين وجهي بينهم اتكلم وهم يناظرون فيني

يمكن لو صاار مثلا بين اجنبيه وسعوديه رااح اتتدخل

واللي عنده مواقف شبّات تسبد يطرحه فيذا لعلنا ننقهر بصوت مسموع خخ !



عني انا ما احب المشاكل .. ولا اعرف اكلمهم سوى سعودي او اي جنسيه ثانيه

يالله اسال هذا سعره بكم .. واطلع

اذكر مره رحت محل جزم (( الله يكرمكم )) بشتري جزمه

ومديت له خمس ميه .. ناظر فيني قال ماعندي صرف .. جيبي صرف والا مايحتاج (( يقولها بكل شووفة نفس )) ويرفض ياخذها

وانا اناظر فيه (( منفجعه )) واتركها وامشي

قلت باللعنه انت وجزمتك بس بصووت واطي مايسمعه..


يسلمو يالغلا$222