لـميسَْ فـــــي آ‘لفيصْليهَ..!
وصلني ع الايميل موضوع غريب إلى حد ما والعهدة على الراوي ،،
يقول فيها :
اللي دعاني لكتابة هالموضوع هو منظر شفته أمس في فيصليتنا الحبيبة مصيف أهل الرياض
ياما شفنا فيها من تقليعات وحركات هبال ويا ما حنشوف ،،
ولكني تفأجأت حبتين بمنظر لأني كنت أحسب حمى المسلسلات التركية طفت شوي بس شكل الفراغ
عامل عمايله في شبابنا،،
ما لكم بالطويلة كنت طالع الفيصلية أمس وأنا طالع عالدرج قالت لي أختي : لف وراك شف ذا
المتخلفين وش مسويين!!
حاولت ما أبين إني أطالع ولفيت وجهي وشفت شابين سعوديين في عمر الزهور ( أمحق زهور )
واحد لابس ثوب والثاني تي شيرت والكشرة ماليه وجيههم وملامحهم تقطر فخر وشموخ
طبعا ما دريتوا ليه الفخر والشموخ ؟
كانوا المماليح طابعين صورة لميس حقت سنوات الضياع (الممثلة التركية ) على صدورهم
ورازين خششهم في كل مكان مبسوطين على لفت الإنتباهـ والتعليقات والهمهمة والتهزيئات اللي
تجيهم من هذا وذاك وين ما راحوا ( على بالهم مسوين حركة ) ،،
لا ويقول واحد منهم تعال نروح لصالة المطاعم ماشافونا هناك ؟؟؟؟؟
الحمد لله والشكر يا مثبت العقول بس !!
/
\
/
\
طبعا هذي صور الأخوين التافهين اللي عقلهم أصغر من حبة اللوز ،،
صدق المثل : ( جسم البغال وأحلام العصافير ) ،،
/
\
/
\
للامانة مرة أخرى منقول ،،
مواقع النشر (المفضلة)