وطن .. بين قوسين..

[زيـزوم]

أحببتها وأحببت أن أنقلها ....


البارحة كان الوطن قاب قوسين
.....وأدنى .. من رماح الحكي والكتابة
هذيت : لكن وين اببدا ومن وين؟
.....الحب مغري والمواجع تشابه
وأقسمت : ياهذا البلد لكتبك لين
.....يقال محدٍ كثر ( عايض ) هذى به
يممت : قلبي باتجاهك وأنا بين
.....نار المديح وجنّة اللي رضا به
وأخترت : أكون العاصفة والخماسين
.....مادام دعوات المطر مستجابه
من كثر مازرعلك بقلبي بساتين
.....ياكثر ماتمطر بجفني سحابة
****
يابلادي أنتي زيفوك الرخيصين
.....لاثوك في شعرٍ رخيص وخطابة
خلوك للمدح الغبي تستلذين
.....كلن يشوفك شيك داخل حسابة
اللي يعدّونك رقم من ملايين
.....عبّاد قرش وفي عمايم صحابة
واللي يشوفونك مجرد دكاكين
.....ماهمهم سماء ( الوطن ) او ترابه
الغاسلين أموالهم ومغسولين
.....عن كُل ماهم ( الوطن ) او شقابه
****
البارحة شفتك ( مزاين بعارين )
.....( خيمة سدو ) ( وهياط شعر ) ( وربابه )
غبتي عن عيون الغلابا المساكين
.....السّاكنين فكل ضيق وكآبة
اللي صباحك يزرعونه رياحين
.....واللي مساك يوزعونه رحابه
ضقتي بهم وصدورهم لك ميادين
.....يعرف مداها من ملاها رتابه
كم رددوا من ( سارعي ) هالضعيفين
.....واليوم ياما ( سارعوا ) في عذابه !!
شفتي فرحهم يوم عيد ( البطاطين )
.....من يوم مادفء الوطن صك بابه
كنتي بلد واحلام صرتي نياشين
.....فصدور عذبها الوفاء وارتكابه
كنتي بلد واحلام ناسٍ بسيطين
.....صرتي بلد ناسٍ تسمى ( ذيابه )
شرّعتْ صدري يا ( وطن ) للسكاكين
.....اطعن ترى كل المواجع تشابه

عايض الظفيري

[!..أنفاس الفجر..~]

[poem=font="Simplified Arabic,4,white,bold,normal" bkcolor="transparent" bkimage="backgrounds/21.gif" border="none,4,gray" type=0 line=0 align=center use=ex num="0,black"]
كنتي بلد واحلام ناسٍ بسيطين=.صرتي بلد ناسٍ تسمى ( ذيابه )

شرّعتْ صدري يا ( وطن ) للسكاكين=.اطعن ترى كل المواجع تشابه [/poem]
[align=center]^
^
رائعة هالبيتين..لفظ...ومعنى ..وتصوير..
والبيت الاخير قووي ومميز..جداً..صح لساانه عايض الظفيري..
زيزوم..صح قلبك...
قصيدة رائعه بكل معنى الكلمه..
تحمل اسمى معاني الحب...والولاء.. لهذا الوطن المعطأ..من قِبل شاعرها..
تسلم أناملك...ويسلم حضورك المشرف لك :25ar:
وداعاً للحب[/align]

[الحوراء بنت نجد]

زيزوم

شاعر ومتذوق >دومآ في متصفحاتك العذب من الكلام

تقديري لرقي اختيارك-

[بنت ابوووها]

زيزوم

الشعر منك له مذاق مختلف / وآسلوب مغاير

ولا غرابه


صح لسان / عايض الظفيري


وصح فكرك

على جزل الإختيار

[انشودة المطر]

رائعة رائعة ..

قرأتها بما يقارب الأربع مرات ..

قصيدة جميلة للغاية ..

مشاعر الشاعر كانت صادقة ونبيلة وصريحة ..

جزيل شكري لك أخي الفاضل لنقلك لهذه القصيدة ..

أختك انشودة المطر