[align=right]وجدتها في ورقة .. وأذهلتني الأبيات
وتمنيت من كل قلبي لو عرفت الشاعر ..
أنقلها لكم على أمل أن تنال رضاكم كما أعجبتني .. وأتمنى أن ترتقي لذائقتكم[/align]
[align=center]ياوجودي كان يبرى مـن العلـه وجـود
وجد من شاف المذلـه لجـل لقمـة هلـه
ان رضى بالذل بيموت مـن سـم الكبـود
وان تعـزز حـده الوقـت ليـن يجندلـه
ياوجودي جعـل ليـل المفـارق مايعـود
كل مايطـري علـي هـل دمعـي بعجلـه
كنت اقول الحلم له مسألة وقـت وحـدود
لين ضاع الوقت والحلم عييـت اوصلـه
ويش اسوي يا هل العرف والايـام سـود
كـل ماودعـت حزنـي يجـي واستقبلـه
مايهدي ضيق صدري ليامن ضـاق كـود
لاقريت الحمد مـن بعـد ذكـر البسملـه
جعلني ماشوف ماكره ولا اخاوي جحـود
وجعلنـي ماعالـج المشكلـه بالمشكـلـه
اتصبر يمكـن الصبـر فـي تاليـه فـود
والخطـاوي مجنبـه والمشاعـر مشملـه
اثـر راع الحـب مثـل المكبـل بالقيـود
بيـن خلـق الله وكـن اليديـن مكبـلـه
بين رايات الهزيمـه ورايـات الصمـود
وبين هقواته وعقلـه وطيشـه واجهلـه
يامعودني علـى البعـد مـا فالبعـد زود
جنـب الدكتـور رح للمجـرب واسئلـه
يكفي اني كل ماطـروك فيضـت العـدود
وانت لا هاللحين ماتدري ان لـك منزلـه
لاتظاهـر بالبـراءه وطعناتـك شـهـود
كـل طعنـه منـك تاخـذ مسـار الاولـه
كن عيونك ساحة اقتال ورموشـك جنـود
وكنـي اللـي جـا بكيفـه يـدور مقتلـه
من غلاك احتاج سعرات تحريـك الركـود
مثل تحريـك المشاعـر بعطـر المذهلـه
اجمع احساسك غلا وانثره مثـل الـورود
ولك علي اشـرع القلـب حتـى تدخلـه
لاتخاف امن التلاقـي ولاتنسـى الوعـود
واي حاجز يمنـع الوصـل قدامـك شلـه
وكان قصدك جرحي اللي مضى فارقى سنود
اذكر اني حزت الجرح قلـت الـك ازهلـه
انت فيك اشياء واجـد تخليـك امحسـود
فوق زينك فيـك شيمـه وقيمـه وقبلـه
جعلني ماذوق حزنـك وجعلـك فالوجـود
لاتعودنـي علـى البعـد ويمـوت الولـه
الوصال الستـر والبعـد بيـاح السـدود
وكل يوم يمر مـن دون وصلـك مطولـه
كل شي يهون غيـر التجاهـل والصـدود
ماقبله من غيـرك اشلـون منـك اقبلـه
لاتجاهلني وانـا مـن عريبيـن الجـدود
كان عنـدك شـي لاتستحـي منـي قلـه
ماتنسينـا الخطايـا مواثـيـق العـهـود
الوفـا منـا وفينـا وحنـا مـن هـلـه [/align]
[align=right]ياللجمال والعذوبه ..
اعذروني مستمتعه حتى الثماله .. حفظتها لكثرت مارددتها ..
محبتكم :: أنشودة المطر[/align]
مواقع النشر (المفضلة)