،،آتعبني المشوآآر ،،
[color=#333333]السلام عليكم،،، آسعد الله جميع آوقاتكم بكل خير00 انزف لكم هذي القصيده
انتي معي والا مع الوقت ضـدّي
يا جارحه قلبي جـروحٍ جديـده
مدري علامك مستمره بصـدّي
ان كان لي ذنبٍ ذنوبـك عديـده
اتعبني المشـوار قيـدك بيـدّي
وش لون افكّه وانتي عني بعيده
تمضي سنين العمر ترفض تهدّي
وانا مْتعلّق بين ضـدّ وضديـده
ياعايشه بالوهم مـا كـان ودّي
اجرح شعورك او نزيفك ازيـده
اغراك من بالحب ماهوب قـدّي
ولا عنده اخلاصي لحبي الوحيده
الحب ماهو هـرج والاّ تحـدّي
ببعض الهدايا او بحلو القصيـده
الحب مالـه لا قيـاسٍ وحـدّي
شيٍّ تحسـه داخلـك كالوقيـده
لو يبتعد حبّـك تحـسّ التـردّي
ولا من لقيته نشوتك به اكيـده
ردي عليّ الصوت يا كـل بـدّي
من لي بعدك اليوم قلبي يريـده
لاتتركيني للزمن صـار ضـدّي
يا ما دهانـي بالغـدر والمكيـده
نبضي:عروق القلب تنزف بجدّي
الى متى تنزف وحالـي شديـده
وانتي تعيشي بحلم جزرٍ ومـدّي
صدقتي الخـادع بكذبـه بليـده
وأنا احبّك غصب ماهـو بيـدّي
مقدرعلى هجرك وربي شهيـده
لو ما احبّك ليـه بيّحـت سـدّي
واكشف لك الخافي واكرر واعيده
ردي علـيّ الصـوت بالله ردّي
من قبل ما روحي تفارق شهيده
وسلاآمتكم
رد مع اقتباس
مواقع النشر (المفضلة)