[align=center]قصيدة البوصله للشاعر نايف المطيري
هذه القصيده التي قام الشاعر نايف المطيري بتقديمها
اثناء اللقاء بلجنة شاعر المليون في جزئه الثالث والتي
يؤكد الكثير ان اللجنه اثنت على قصيدة الشاعر -
انقلها لكم نظرآ لتغطيتي خبر مشاركة الشاعر وكذا متابعة
ونقل كل مستجدات هذا البرنامج-
قصيدة البوصله والتي قدمها الشاعر نايف المطيري امام لجنة شاعر المليون
[poem=font="Simplified Arabic,6,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
كفكفت دمع الشح من عيني وانا العبد الفقير= ومديت كف الجود في وقت اجتياح الاحتياج
وقست المسافة بين خيط اللي يصير ومايصير = والغيت مفهوم الحياة دروس والدنيا مزاج
وكسرت روتين الملل ومراية الوضع الخطير= واسقيت نخلة قولة اضرب للعلا كل الفجاج
ياصاحبي والوضع مزري وين تحديد المصير = والناس حطت دون كلمة هاك نظرة من زجاج
في وقت يدهن سير والا جعل عمره مايسير = ضاعت مفاهيم الحياة وصار فالوضع ارتجاج
تحطمت كل السبل في عيون من ينوي يطير= حتى الحرار اللي تفج الغيم جلّبت للحراج
اقول تدري خلنا من قولة اصحى ياضمير = نبي نميلها غزل ونمر من فوق السياج
البارحة مريت طرقي في مداهيل الحرير = وحسيت كن الجو غيم وكن فالوضع انفراج
وزليت دلة ذكريات العمر في الجزء الاخير= في بوصلة نصف الحياة احزان والنصف احتجاج
وطرت عليّ اللي سوالفها مثل نفح العبير = اللي ليا مرت عيوني هيجن القلب ابتهاج
الجادل اللي تسقي عروقي على جال الغدير = كم سولفت لي عن زلال الديم في وقت الهماج
واذكر بعد كانت تصيغ من الغناوي مايثير = شعري وتفكيري وعمر الصمت مايصنع خراج
واذكر بعد قالت مصير العمر لو طوّل قصير = والضحك يلحقه البكا والديم يقفاه العجاج
ياخوي تدري خلنا نحكي عن الظل الهجير = وندق ناقوس الغلا ونفل للدنيا حجاج
الناس ملت من ترف زايف على اوجار السعير = ياكثر مانمشي دروبٍ سمح في رجوى اعوجاج
اقول تدري طف جوالك وتصبح بالف خير = وانا بعد بنام في رجوى تباشير انفراج[/poem][/align]
مواقع النشر (المفضلة)