بسم الله الرحمن الرحيم
اللهم صل على محمد وعلى آله وصحبه أجمعين
السلام عليكم ورحمة الله وبركاته
****************************************
ياسيد احساسي ياطاهر يامزيون***لا تلوم كل الناس لو يعشقونك
لو كل من شافوك مثلي يسمون***ماشلت هم وخفت لا ينظلونك
سبحان من خلاني اصير مجنون***وخلاني استانس معاك وبدونك
وخلاني اطلع لك وانا فيك مسكون***وقمت احسدك نفسي مع اللي يبونك
ومن دون مانسولف عن اول ومن دون***الهرج باللي فات يقلق ظنونك
ماقلت لك مال المحبين قانون***وماقلت لك من خان لـ أجلك يخونك؟
قلبي طلع من بين الاضلاع مغبون***وانت بمكانه(صرت)تنبض بهونك
كنك تنادي طفل بيدك بالون***وركز بوجهك مادرى عن بالونك
يشبهك لون الماء لو الماء بدون لون***ووشلون اميز بين طهرك ولونك
من شوفتك بالكون مدري وش يكون***حد علمي بنفسي وانا في عيونك
بس اذكر خايف الناس يدرون***وتصير قصه كل من يجهلونك
ومن دون شوفة ضحكتك مابي عيون***والله يقدرني واحفظك واصونك
لو حاجبك ماهو معقد ومقرون***حليت مشكلتي قبل ياخذونك
ياغايتي شكرا جزيلا وممنون***اخجلت عقلي في بلاغة جنونك
امون ياعيني على رقبتك امون***ومبسوط من عمري على اطراف كونك
ومادمت حي ارزق وهايم ومفتون***ماوالله ودي اثني خطوة العمر دونك
وماودي استعجل على شي مضمون***وماودي ارجع منك ماشفت عونك
وماقلت لك خالقك ربي ومزيون*** ولا تحط شي ولا تكحل عيونك
وش السواة؟؟ان ماضمنتك وشلون؟***وليتك تحددني من اللي يجونك
اهم شي ما اهون عندك وما تهون***ولا تعيش من دوني ولا اعيش من دونك
************************************************** *****
وســـلامــتـــكـــــــــم
اخـــتـــكــــم
الــرح ـــالــه
مواقع النشر (المفضلة)