- { عـربـجـي بـلا عـجـره عـجـز مـنـهـو يـكـح بـوجـهـه } -

[Dew]

[align=center]
مقدمه :

بسم الله الرحمن الرحيم

الحمد لله الذي لا يحمد على مكروهن سواه ،،

والصلاة والسلام على اشرف الانبياء والمرسلين نبينا محمد وعلى آله وصحبه وسلم تسليمن كثيرا

اما بعد . اننا في هذا اليوم المبارك نقدم اليكم احدى اروع الروايات التي سطرتها ايدينا ،

في يومن مبارك اجتمعنى انا والاخ باريس وقررنا اننا نطرح روايه للمجتمع المدني ،

لكي يستفيد منها العالم ويضيعو اوقات فراغهم ،

وكان الاخ باريس متعاون جدا جدا حيث قال لي " ازهلها يا ديو علي بالحرام ان اكتبلك سيناريو تمثيليه لو تبي "

طبعا انا سكته وقلت له ورا ما تنثبر الله يسلمك نبي نكتب روايه مشتركه

انا اكتب نص وانت نص قطيه يعني قال تم وبديت انا اكتب نصي ويوم خلصته عطيته باريس يكمل عليه

وكتب نصه واجتمعن النصين لكي يكونو لنا روايه قيمه بعض الشي

وكان عنوان روايتنا " عربجي بلا عجره عجز منهو يكح بوجهه "

حيث انه مقتبس من ابيات ينشدها بطل روايتنا في نص ام الروايه ،

تدور احداث هذه الروايه عن شاب عربجي يدعى " صرخه بعير "

حيث انه شاب عربجي زاحف داج كأغلب شباب وطنه يحاول ان يكون له عصابه او شله و ..

اصبرو محنى حارقين عليكم هالروايه اقرو وانتو تعرفون .


[align=left]الكاتبان ديو وباريس ، في صباح يوم الاربعاء الموافق 26 شعبان 1429 هـ[/align]
[/align]

[Dew]

[align=center]
يقول الراوي :

كان يا ما كان في سالف العصر والأوان لحتى كان حلوه ولا فتفوته ؟ > هذا اللي فاهم غلط عاد ،
المهم في زمنن من الازمنه وفي عصرن من العصور وفي وقتن من الاوقات وفي ارضن من الاراضي والبلدان
كان هناك مراهقن صغير يدعى صرخة بعير ( على الوزن ) كان هذا المراهق عباره عن فرخ عربجي ،
ولكنه لم بنضج ولم تتضح عليه معالم العربجه ، يعيش صرخه في احدى مدن ارض الله الواسعه
( وين ما نعرف لا تدققون وتحرجوننا الله يرضالي عليكم ، المهم انه عايش بمدينه وخلاص مو مهم وين > قلب على القراء )
ما علينا ،، المهم ان صرخه هذا كان عايش مراهقته كـ أي مراهق
يدور تتن وصور سميره سعيد ونجوى كرم بالمجلات ( الله يلعن ذوقك يا صرخه )
المهم انه بيوم من الايام كان يدور بالحاره هو وخويه " حنس " حنس هذا مفتح قبل وقته
ويعرف سوالف حقت كبار صرخه ما يعرفهن وهم ماشين شافو دحيفس وشلته واقفين عند الزاويه
ودار بينهم هذا الحوار :
حنس : صرخه صرخه شف من هناك عند الزاويه .
صرخه : وين شلة المبزره اللي هناك .
حنس : مبزره بعينك يا ورع هذولا دحيفس وشلته عرابجه الحاره ابن امه يتكلم عليهم مهجدين الحاره كلها ومسوين عصابه وياخذون فلوس عشان يفزعون للعالم ويحمون ممتلكاتهم .
صرخه بستهزاء : ايه يعني زي دون كوليوني بفلم ذا قات فاذر ( منت بسيط يا طعس اجل قاد فاذر im22 ) .
حنس : ياخي هذاك فلم بس هذولا صدق .
صرخه بدت تعجبه الفكره : طيب شرايك نروح نقولهم يدخلوننا معهم بالشله واذا كبرنا يخلوننا نسوي عصابات لحالنا .
حنس : يدخلون مين يابو الشباب تبطي عظم اقولك هذولا عرابجه مهم بسيطين .
صرخه بتهور : انا بروح اكلم دون دحيفس بنفسي .
ذهب صرخه بكل تهور للشله المجتمعه بقياده دحيفس وقال : مساكم الله بالخير يالربع .
قعدو يلتفتون ببعض شوي ،
رد عليه دحيفس : ربع مين يا كلب حنى ربعك يا حشره والله هذا اللي بقى المبزره يخاووننا اقول اذلف من هنا لا أتوطاك الحين .
رد صرخه : امـــــش يا عنيد شوي شوي علينا يا هوه قاعدين نسلم ردو السلام طيب ولا يعني انتم مو اخلاق ولا وشو نظامكم بالضبط .
قام دحيفس على صرخه ومسكه مع ثوبه ورفعه قاله وش تبي يا بزر .
رد صرخه : انا ابي اصير عربجي وزاحف زيكم واصير معك بالعصابه يا معلم دحيفس وتراي اعجبك .
رد عليه دحيفس بتسطير من اللي يحبه قلبك عزيزي القارئ بقوس كفوف تشويت جميع انواع الترفيس اللي يخطر على العقل البشري
ثم رماه يتغرغر بدمه وخذا شلته وراحو ، صرخه مرمى على الارض ولا يقوى على الحراك
راح حنس وشال صرخه ووصله لبيتهم رماه عند الباب وهج عشان لا ينكبونه فيه
قعد صرخه يضرب الباب بيده لين ما فتح الباب اخوه الكبير " الدحمي " هالادمي اكبر فاهي بتاريخ الروايات المعاصره
طالع فـ اخوه صرخه وقال : صرخه وش تبيني اسوي ( وجه فاهي )
قال صرخه مدري قال الدحمي طيب وسكر الباب ( im22im22 العن ابو فهاوتك يا شيخ im22 )
قعد صرخه يدق الباب نوبتن ثانيه
لين فتحت له شغالتهم وصرخت : ضنايااااا ضنايااااا صرخه يابني ماااالك يا لهووي يا لهوووي
يا ست ام الدحمي تعالي شوفي ابنك صرخه مغرق بدمانوه اويلاه ( مصري على شمري على قصيمي im22 )
جت ام صرخه وجو خوانه وابوه وهذا اللي يصيح وهذا اللي يلطم على وجهه وصرخه المسكين منتهي
المهم شالوه للمستشفى دخلوه لغرفه العمليات على طول لان كان سنامه مجروح جرح بليغ وكبير ،،
بعد 77 ساعه من الشغل طلع الدكتور وقال : ابشركم يا جماعه الحمد لله كل شي تمام استئصلناله
الكبد والبلعوم القلب وصار مثل الحصان ولله الحمد ( الدكتور سعودي im22 ) قالو اهله وش تقول انت
قال هاه والله مدري الممرضه هي اللي سوت كل شي اسئلوها اذا طلعت ،
عقب 9 ساعات طلعت الممرضه هاه بشري يا بنيتي قالت : بابا ايس بسري هدا ولد حق انتا حومار ،،
احنا لنا هينا اكتر من 4 يوم عشان بس ابغى افصخ سروال هوا عشان فيه جرح بـ فخد هوا وهوا مئيي في قول " لاااه كولو شي الا شرف يا ملائين الوالدين "
هدا مجنون مره مره ( اجل كل شي الا الشرف هاه im22im22 )
رد ابوه : ايه هذا هو ولدي الزم ما عليه شرفه ( فيس وده يقول لأبو صرخه ابلع العافيه بس مستحي )
استطردت الممرضه قائلتن : بعدين في اعطي هوا 3 كيلو مخدر عشان ينام وو مافي نوم
اخر سي اعطينا هوا مخدر حق هيوانات بعدين في نوم هوه والحين خلصنا
( الله يخسك اجل ما تنام الا بمخدر حيوانات يالتسلب < رئي محايد من الكاتب < كل تبن )
بعد حوالي 17 دقيقه طلّعو صرخه من غرفة العمليات وهو نايم وودوه لغرفته
طبعا كل هالاحداث صارت والدحمي واقف قدام صورة لـ ورع مطلع سنونه
يعني انه يفرشي سنونه كل يوم ومكتوب عليه " حافظو على نظافة اسنانكم مع تحيات وزارة الصحه " ،
قام صرخه من " البنج " ودموعه تشخل من عينيه ،
هلا صريخ الحمد لله على السلامه يا ولدي ( امه ) شلونك يا بيي شحالك وش تحس فيه ،،
صرخه : احس بشي يدغدغ مخي ( يستلكع ذا الوجه )
المهم ان الولد صار عنده انزلاق حاد بالمشاعر وعقده بالحياة ،، صار حلمه وهمه انه يصير عربجي ورئيس عصابه

،،

Stop

برايفت عزيزي القارئ :

ذا الحمار اللي اسموه باريس سحب علي قالي بروح افطر وله ساعتين ولا جا

شكلي بكمل الروايه لحالي

لعنتن تلعن الفاين

لا لا هذاهو دخل المسن يالله برب

5
4
3
2
1
اكشــــــــــــــــــــــــــــــن

،،

بعد اكثر من 5 سنوات ( العن ابو النقزه عزيزي الكاتب ! < كل تبن قصتي وبكيفي < طيب )
كبر صرخه وصار رجال ادو ودلئو كما يقول الشامي
لكن لا عنده عضلات ولا عنده مخ ولا عنده من علوم العربجه شي ( اجل من علوم العربجه المخ هاه im22 )
المهم الولد للحينه يبي يصير عربجي وبيوم كان يتمشى بالحاره مر جنب مدرسة البنات الثنويه اللي بالحاره
ولا هكالبنت اللي تطيح الطير من معاليق السما حلوه موووت بس كانت مغطيه ( تلعب علينا انت حلوه ولا شافها الولد < صرخه يقول انا وش علي )
راح صرخه لمها يقاله يشبك ،، يا هيه يا حلوه اروحلتس زنوبه هندي ياشيخه يئبرني هالطول اللي تسنه طول زرافه
ولك يئبرني هالردف اللي تسنه كفرات شاص ،، يا حياتي يالصوت اللي تسنه صوت حمار عاشق ( العن ابو اللي علمك تغازل ياخي )
التفتت عليه البنت وقالت : يقالك تشبك يالمروح اعنبو بليسك داشر ومروح ومعفن وثوبك مشقوق ووجهك كنه ركبت هندي وجاي تشبك بعد ، بالله انت وش طموحك بالحياه هاه ؟
رد عليها صرخه وقال : طموحي اصير عربجي واصير رئيس عصابه .
ردت عليه البنت وقالت : بالله انت بتصير عربجي im22 ياشيخ ما افرق بينك وبين العجره حقت اخوي دحيفس im22
فتقهقر صرخه من مكانه واحمرت عيونه وانشد قائلن :

انا ماني سوات اللي يجي مع دقة الساطور ،، انا عربجي بلا عجره عجز منهو يكح بوجهي

واستطر قائلن : وانتي التسلب دحيفس اخوتس . قالت : تسلب بعينك ايه اخوي والله لا اخليه يتوطاك وانا مزنه بنت ابوي
رد عليها صرخه : وشوله يتعب عمره تراه توطاني قبل مده وششششششششش ( صوت الهجه im22 )
هج صرخه عشان لا ينجلد نوبتن اخرى و ..

صبر صبر كني انبرشت ولا خليت لباريس شي يكتبه
اوكيه التكمله مع باريس انا بروح افطر
باريس لك المايك حبيب قلبي
برب
[/align]

[¶ بــآريــس ¶™]

[align=center]

منك أحلى مايك يا لوح

تصدق من اليوم أقرى وأنتظر النهاية < ايام المفكرة






المهم بقلم باريس << احلف بس الجزء الثاني من :

][ انا عربجي بلا عجره عجز منهو يكح بوجهي ][


فكر فكر صرخة كيف يضبط علاقاته مع دحيفس ,, و دحيفس ما يحب إلا واحد عربجي !! ,,

يعني لازم أرجع واصير عربجي عشان اضبط علاقاتي معه ! ( أجل هو اصلن كان عربجي ) ,, رجع صرخة على العادة القديمة وصار يلبس الطاقية أم 10 سانتي فوق مستوى البحر ,,

ويرفع كم ثوبة ويحط الشماغ على كتفة ,, وراح يمشي بالحارة لين حصل خوية حنس ,, قال صرخة لحنس : تكفى يا حنس ابي اصير عربجي لو اشرب بايسن بس شف لي حل !! ,,
راح حنس واخذ صرخة لمزرعتهم ,, وجاب له حديدة وعلى جوانبها قوطيين نيدو فيها سمنت "

مسوي اثقال يعني " ,, وقال لصرخة أهم شروط العرابجة " العضلات " وانت يا صرخة ما عندك ما عند جدتي يديك كنها عود اسنان لو احط يدك بين اصابعي كسرتها !! ,,

وبدا صرخة يتدرب يتدرب لين طلعت له عضلة صغييييييرة !! كان ناتج هالعضلة حفلة ببسي في نفس المزرعة << يسمعون بالحفلات ,,
وقعد صرخة يكافح نفسة لين طلعت له عضلات ,, وبدأ الشرط الأول للعربجة يكتمل !! ,, سأل خوية حنس وش باقي الحين .؟؟ ,, قالة حنس : تو باقي يالهيس لازم " تتن " يعني " تدخن " !! ,,


صرخة : افا ماهيب اهيه اخاف اموت !! ,, حنس : اقول اها بس انا الحين لو يجيني دحيفس صفقني يعني اللي اقولة لك شوية وفيه اشياء ما اقدر اسويها بس اسمع فيها << امحق ,,

قعد صرخة 10 ايام يتعلم كيف يولع الزقارة ,, و20 يوم عشان يشربها ,, وثلاثين يوم عشان يطفيها im22 ,,

وخلص الشرط الثاني على بركة الله ولازال صرخة كاتب اسم اخت دحيفس بورقة وحاطها قدامه مسوي فيها يرفع المعنويات

راح صرخة لسوق البطحا يدور بوديقارد

أمزح قام يفرفر في الحارة يجمع شلة ,, يبي يكشخ فيهم عند دحيفس ,, وحصل كاتم الأهات وأم صقر يتتنون عند البقالة ,,

قال صرخة لهم : الفزعة يالربع الفزعة !! ,, رد كاتم : ابشر بعزك أمر بس ؟ ,,

قال صرخة : ابي اكشخ فيكم قدام دحيفس عشان يقول إني عربجي ,,

كاتم : تم ما طلبت شي كم عندنا من صرخة ؟؟ واحد وحالقن شنبه

ردت أم صقر معترضة : تخسىىى يالهيس الأربد تكشخ فينا !! ,, لا يا قليل الأدب انت وكاتم ,, والله مانيب شنب لو ما أدبتكم ,,

وتطلع أم صقر العجرا وتلحقهم ,, لين انحاشوا ولم يبقى لهم أثر

جلس صرخة وكاتم الأهات في زاوية يتهافتون بينهم << اوما يتهافتون مدري وش تبي

قال كاتم لصرخة : شوف يا صرخة ,, أنت موب لازم تصير عربجي لازم تكون رومانسي !! :24aar:

خل الرومانسية هي مبدأك في الحياة وشوف كيف تشبك أخت دحيفس ,,

قال صرخة : الدعوة ماهيب في أخته الدعوة في أخوهأ لازم اشبكة وش دخل الرومانسية ,,

رد كاتم : اها << يعني انحشر

حاول وحاول صرخة يجمع أكبر عدد من العرابجة بس كلهم عند دحيفس أو أم صقر ,, وكانت غلطته إنه قال لأم صقر يبي يكشخ فيها ! ,,

رجع صرخة لكاتم وقال : الرومانسية موب تضبط على البنات ؟؟

كاتم : يس ماي فريند

صرخة : طيب يا ثور ورا ماتضبط العلاقات وترجعها مثل أول ؟؟

كاتم : ابشر ما طلبت شي << يا عيني

راح كاتم لأم صقر وضبط العلاقة معها وهي خقخقت ما صدقت إن فيه أحد بيتغزل فيها !! ,,

وجابت أم صقر 5 من شلتها في الحارة ,, واتفقوا يلعنون جدف دحيفس وياخذون حق صرخة منه ! ,,

اجتمعوا وفكروا وفكروا ,, قالوا ما فيه حل إلا إننا نخلي أم صقر تتهاوش وحنى نفرق وبيجتمعون عرابج الحارة المتفرقة وبيفزعون مع الجنس الشبة ناعم

سوو الحركة وكسروا راس دحيفس وجاء صرخة عند دحيفس وكسر سنّه انتقاماً للتصفيق اللي جاهـ

وقال اسمع بفكك بشرط ! ,, قال كاتم وشو ؟؟ << بالله وش دخل كاتم ؟؟ im22

قال دحيفس وشو ؟؟ قال صرخة تزوجني أختك رد دحيفس : تخسى إلا انت يالمعفن ,, قال أجل بنخلي أم صقر تقدم بلاغ تحرش وتجلد مية جلدة وتطلع من الحارة مدة سنه وثلاث ايام

واتفقوا يزوجون صرخة لأخت دحيفس ,, وبعد محاولات مني ومن ديو اكتشفنا إن اسمها " دحيفسه "

وبعدها بيوم تم الزواج من صرخة بعير على أخت دحيفس ,,

يوم جلسوا جنب بعض في صالة العرس وقرب منها ( الظاهر يبي يبوس الله أعلم ) وديو يشوتني مع وجهي برجلة وانا اقوم من النوم ,, يوم قمت لقيت ديو نايم جنبي وانا اشوته شلوتي وهو يقوم يقول :

صرخة الخبل تزوج صرخة الخبل تزوج gif22




















طبعا توقعتو انه حلم صح ؟ .. لا لا الورق والحبر خلصو

وانا وديو تهاوشنا ولاعاد بنكتب قصص مع بعض ابد




مع تحيات مكتب التوعيه والارشاد لأستهلاك الماء


[/align]

[anaharedy]

يثبت ولي عوده :/

[][ PeTeR ][]

اقول نزلو مقطع صوت


وربي مشوااااار وعيوني مااتسااعد


بس شكل الموضوع فله


لي بااااك بعد العيد


ههههههههههههههه


يعطيكم العاافيه كووولكم


لك << تقاااسموها عاااد