بمناسبة سهيل قصيدة جميله
السلام عليكم ورحمة الله وبركاتة:
[poem=font="simplified arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
الله مـن قلب(ن)مـن الهـم شقيـان=هم(ن) يصبح بـه وهـم(ن) يمسيـه
يلعبي الهاجـوس والجفـن سهـران=واشوف لي رجم(ن) طويل(ن) واعديه
راس طويـل(ن) للمتاييـه نيـشـان=عسر المطالـع مقلفعـات حصاويـه
ما ياصلـه ياكـود قرنـاس شيهـان=خطر(ن)على الراقي تشقـق مواطيـه
جلست معزول(ن)عن أهل(ن) وصدقان=وانظم مـن الأفكـار جزل(ن)معانيـه
يـا لله يامنـزل تبـارك والأنـسـان=يا اللي تصوم الناس لأجلـه وترجيـه
أطلبـك يــا رب المخالـيـق ودان=أنت الـذي تسمـع كلامـي وتوحيـه
سيل(ن)يعم كـل المدايـن والأوطـان=بأول دخول الوسم تومـض مناشيـه
نيران برقـه لأشعلـت تقـل بركـان=دفاق سيله ينعـش القشـع ويحييـه
يودع طمان الأرض بـاذر وغـدران=والحزم الأشهب يصبح الزهر كاسيـه
والطير يصدح هايم(ن)فوق الأغصـان=والماء نشوفه حاير(ن)فـي مجاريـه
وراع الحلال اللي من الدهـر بلشـان=ما عاد يطعـم خلفتـه مـن مخابيـه
من فضل ربي ظهورها طفح(ن)سمان=ترعـى خمايـل زاهيـات نوامـيـه
وتباشروا بالخيـر بدو(ن)وحضـران=وكل(ن)علـى شفـه يغنـي لياليـه
هذا الدعـاء وأطلبـك يـارب قبـلان=هذي مناة اللي رقـا الرجـم عاليـه
وصـلاة ربـي عـد ظلع(ن)ونقيـان=على النبي واعداد من طـاف يدعيـه [/poem]
رد مع اقتباس
مواقع النشر (المفضلة)