ثــــلاث ايـــــام
حبايبي اضع بين ايديكم هذه القصيده
عسى تنال اعجابكم ورضاكم
******
قلت: ( وينك )..؟ -- لي ثلاث ايام .. ماغمّضت عين !!
قال: هدّي ,, ياحبيبي .. قلت له : وشلوووون اهدّي..!!؟
قال: ياقلبي علااامك ..؟ -- كنّني غايب سنين !!!
( هي ثلاث ايام )-- واذكر -- قلت لك في بيت جدّي ..!
بيت جدك ..؟؟ --لعنبو جدك .. وش اللي فيه زين ..؟؟
شايب ٍ عدّى زمانه وانتهى .... ( كوووووزٍ مصدّي ).!!
قال: اشوفك قمت تغلط ,, وابكلامي تستهين 000!!
قلت: ايواااا --- قال: وشوووو --- قلت: لاااا ( يابعد تسبدي )0
قال: ايه .. اسحب كلامك -- واحذر الفاظك تشين ..
قلت: ياسيدي سحبنا ,, قال: ادري ( منت قدّي ) ,,00
قلت له: يعني رجعنا !!!00 قال: لا ...لا ... راكدين --
بس انا حبيت امزح -- لا تفكرها .. تحدّي
قلت: طيب قول يالله -- ودي اسمع كلمتين
قول ( احبك )-- يا ( حبيبي ) --- وامسح الدمعه .. بخدّي
واحتضنّي بالشمال .. ولف حولي ,, باليمين ..
( والله ) اني من فراقك يالغرام .. وصلت حدّي
كنت غايب ..( كم ليله ) -- وانت سيد العارفين 00
(( يوووم واحد ))... دون " همسك"..؟ مستحيل انه يعدّي00
مقدر اتحمل غيابك ..( لو تصدق ) ---ساعتين ..!!
كل ما تبعد..؟ اهوجس ,, واحسب ان الكل -- ضدّي.!!
قال: ( يالبـــــيه ).. جيتك .. محترررق .. شوق وحنين
ايه ( احبك ).. يا ( حبيبي )--- لك وبس ,, بيّحت سدّي00
قلت: ذا اصلا قدرنا --- انولدنا ,, ( عاشقَين )...00
وان تفارقنا_ حبيبي _ ... لعنبووو جدّك ,, وجدّي
قال اهدّي قال ..! ( وش بك )-- لا تطل بنص عين 0
انت بس ابعد شوي ---- وشوف انا وشلووون ( اهدّي )00
رد مع اقتباس
مواقع النشر (المفضلة)