انتــــــــي ماتفهمين أزعجتينــــــــــــــــــي ..؟!!

[ملهم]

[mark=666666]للإستماع انشودة /// يامن يرى -- احمد بو خاطر[/mark]






انا بدخل في الموضوع من غير مقدمات لأنها خلاص ماعاد تنفع

المهم وانا جالس في الديوانيه بعد صلاة التراويح انا واصحابي الا واحد منهم توني متعرف عليه

والصراحه صداقته ماتشرفني بعد ماعرفته على حقيقته المهم الموضوع

من جلس وجواله ماهدأ رنات ومسجات بالهبل انا واصحابي استغربنا نطالع في بعض

متعجبين يقرى ويتبسم ولا يرد على الجوال ومره يخليه صامت ومره لا

بصحيح العباره ازعجناااا

قال واحد من الأصحاب يافلان وراك ماترد على الجوال ولا قفله ترى ازعجتنا

قال ياخي هذي وحده هبله ماتفهم ازعجتني وشوي ماكمل كلمته الا والجوال دق ورد عليه اخيرا

قال انتي ماتفهيمن مابي اكلمك ياختي انتي مغسول وجهك بمرق تفوووووووو وقفل الجوال

ورجع كمل كلامه قال هذي مشبكها لها شهور معي لقيت صيده ثانيه احسن منها وسحبت عليها

والله انصفقت وجيهنا جد والله استحقرته مايستحي رجال طول بعرض يقول هالكلام

وش هالمصطلحات الي طلعو فيها الشباب مشبكها لي طير ولا ؟ واسحب عليها !!!!!

انا عاد ماقدرت امسك لساني قلت ياخوي بالله هذا كلام

اسألك بالله وبحق صومك اليوم هذا اذا كنت صايم من اساسه

ترضاها على اختك ؟؟؟؟؟؟؟

والله لو تشوفون وجهه كأني قايل في عرضه شي لاسمح الله لو معه سلاح كان ذبحني قام وتركنا

قال الشره مو عليكم علي انا متعرف على شباب احسبهم كول

طلعتو خرطي وقامو الشباب عليه والله بغت تصير مشكله

بس قفلنا على الموضوع وذلف بالي مايحفظه ؟

انا الي ابي اوصله لكم ياشباب ويا بنات لمتى بنتم على هالوتيره

على هالعلاقات الي الكل عارف ومتأكد وش نهايتها.

والله والله والله ما انزه نفسي يمكن انا انسان اسوء منه ومن غيره

يمكن انا ذئب بشري واعيش على .........

كلنا اخطأنا بحقنا وبحق الله توبو ياناس توبو دام احنا بشهر الخير شهر المغفره

صدقوني صلاة بأخر الليل من قلب خاشع ودعوه بأن الله يحفظك ويستر عليك

وعلى حرمتك ودمعه حااااااره تنزل على وجنتك صدقني بيغفر الله لك.

اتمنى رد يبرد النار الي بقلبي شوي.

تدرون ليه احد من الشباب الي كانو جالسين معنا قال لنا سالفه ثانيه جد مسكت راسي فيها

قال واحد من الشباب مسك اخته وهي تكلم واحد تكلمه بس يعني ماشافته يقول ضربها الين نومها

بالعنايه المركزه وهي بالمستشفى واخوها بالسجن

ولا المصيبه طلع اخوها عنده علاقااااااااااات

يعني يرضاها على بنات الناس لكن هو لا مارضاها بدليل الي سواه لأخته الي بين الحياة والموت

اذا الله طول بعماركم راح تسمعون اكثر واكثر مثل هالقصص

لكن هل من معتبر ؟!!



[mark=FF6699]ارائكم تهمني ودعوه من قلوبك الصافيه لأمي تكفيني[/mark].







I am Last Wind ... You Can't See Me .. But You Can Feel Me

[أميـ الورد ـرة]

اخوي
هالايام صار الكل مستهتر
و محد يفكر بالدنيا وانها سلف ودين
و على كثر القصص اللي نسمعها
مازالوا الناس ماتابوا
الله يهديهم

و يشرفني اكون اول وحدة ترد

[ظميان غدير]

اشكرك على الموضوع

العلاقات الغير شرعية راح تستمر

وما راح يتوبون إلى يوم الدين


أما عن سبب ذلك فهو يحتاج لعدة مواضيع ونقاشات اخرى

أهمها ...عدم العفة وعدم الخوف من الله

والجري وراء الغرائز بلا تفكير ...




تحية لك

ظميان غدير

[¶ بــآريــس ¶™]

ياخي البنت وش له تقط وجهها على الشباب من البداية ؟؟

تصدق بالله إني وقفت مع وحدة وقفه ما ابي منها لا جزاء ولا شكورا ,,

قاطة وجهها على الناس وترسل صورها على طول مسوية فيها تبي تحب ,,

وبالأأخير أكلم واحد من الشباب والله ثم والله اني مستحي اتكلم معه عشانها !! ,,

يعني لوني طالب فلوس منه اشرف لي إني اكلمه ما يفضح بنت ,,

لأنه على طول بيرد علي ويقول : وش دخلك ؟؟ هي من قالها تكلمني ؟؟

ومع ذالك توسطت وسويت اللي علي والحمد لله الرجال ما قصر معي ,,

وبالأخير تطلع وتتحسب علي وتروح وتدور لها واحد تتعرف عليه !! ؟؟

ياختي تعرفي بس انا وش ذنبي تتحسبين علي ؟؟

اسمح لي اخوي ملهم أنا ما راح احط الخطأ على الشباب ,,

لأن البنت لونها حفظت نفسها ما كان انذلت هالمذلة !! ,,

وغير كذا اللي شفته هاليومين وبأخر فترة اتضح إن البنات ألعن من الشباب وإن مالهم أمان ,,

أنا صراحة شفت شي يخليني ما اعطف على البنت ولو للحظة ,,

بالعكس صرت أخاف على الشباب من البنات !! ,,



علاقات محرمة ويريدون الكرامة !! من أي مذهب نحن !!

[حبيبتي حطمتني]

السلام عليكم ورحمة الله وبركاته

يسعد لي مساءك أخوي الغالي

ملهم

لن أتكلم عن ذلك الشخص لأنه لا يستحق الذكر

والتحدث عنه.. دعنا فقط ندعو له بالهداية والصلاح

بالنسبة للموضوع

أصبحنا بالفعل أناس همنا من الدنيا أسوأ الأشياء

رغم أن الحلال واضح ومعروف لدينا

اللهم أني صائم

كنت أريد أن اللعن من أخترع التلفاز والدش اللي

خربت عقولنا .. يارب حالنا ينصح

لاهنت على الطرح الراقي والمشاعر الطيبة

دمت لمن تحب