الوعد يوم القيامه ..
[align=justify][align=center]مسااء الخير ،،$222
،
،
ابسألك كيف نتقابل دامنا ليل ونهار
لو تقابلنا تموت الناس وتقووم القياامه
كيف واحنا بالتناقض قلب ثلج وقلب نار
قلب ماعنده هيام وقلب ميت من هيامه
النصيب الي جمعنا عاد ولا صار الي صار
ماعلى قلبي ملام ولا على قلبك ملامه
لكن اسف واقبل مني رساله اعتذار
ظرف حب وفيه ورد وبين طياته حمامه
دام ماللحب عندك اي قيمه واعتبار
ليش عذبت خفوقي واستغليت غرامه
ليش ماسرت معي في الحب نفس المسار
قبل اعيش الالام موت القلب والالام انقساامه
جيت وعيوني شووق واحلامي كبار
ورحت شخص مامعه من الهموم الا عظامه
من عرفتك والاماني طايره والنوم طار
منطوي والبال يشرب وحشه الليل وظلامه
اعترفلك كنت احبك حب حتى الانتحار
كنت احس بضعف قلبي لا سمعتك وانهزامه
لين شفت الفراق احيان ما منه فرار
قلت افارقه واموت ولا اعيش بلا كرامه
ولا انا والله قبلك ماعرفت الانهيار
لين شفت بوسط عيني نار دمعه وابتسامه
لو خذلت حب قلبي واعتبرته انتصار
ماخذلت راسي الي ماخضع للوقت هامه
عله اخر مايكون من الوله والانتظار
مستحيل ارجع وانا انسان ماينزل مقامه
خذ اخر مابقالك في شفاهي بأختصار
روح في حفظ الكريم وغادر مع السلامه
وان خذتني غربه الفرقا لتحت الارض
قول عاشق طار عقله ماتراجع عن كلامه
يوم شفت الليل مايقابله النهار
قلت روح ياصاحبي والوعد يوم القيامه [/align][/align]
[align=center]منقول ,,[/align]
رد مع اقتباس
مواقع النشر (المفضلة)