جاء يشـوف الحـال كيفـه بعـد ماهـزه حنينـه
قبل لايسألنـي سألتـه كيـف حالـك يالحبيـب
قـال انـا كـنـي غـريـب ضـيـع دروب المديـنـه
قلـت انـا كنـي مدينـه تنتظـر رجـعـة غـريـب
قال اجل وش فيك تلعن سيرة الحب وسنينه
قلت اجل وشلون ما ألعن سيرته دامك تغيب
انـت لاغبـت حـتـى مرايـتـك صــارت حزيـنـه
كيف ماتبغاني احزن وانت لـي مثـل النصيـب
الـهـدايـا والـرسـايـل والمـكـاتـيـب الثـمـيـنـه
والليـالـي والقـمـر والـريـح والـكـون الرحـيـب
كـل ماتبعـد تجيـب الشعـر لـيـه مــن يديـنـه
وتقعـد جروحـي تـودي ف الماتهـات وتجيـب
يابـعـد كــل القصـيـد ونــزوة حـــداه وأنـيـنـه
لاذكـرتـك لاح بـيـت وطــاح ورد وفــاح طـيـب
وان نسيتك مانسانـي صوتـك المبحـوح لينـه
ياخـذ لجرحـي بثـاره مــن خطـايـاك ويطـيـب
وبعد هـذا جـاي ترمـي ذنبـك بوجـه المدينـه
مـادريـت ان المديـنـه كلـهـا شمـعـه غـريـب
مواقع النشر (المفضلة)