,-/ ( الصاحب الغالـي ) /-,
[align=center] يسعدلي صباحكــم / مســاكـم
قصيده جديدهـ تستاهلونها و تستاهلكم
وان شاء الله تنال على اعجابكم
يــقول :
/
\
إن كان ودّك تصير الصاحب الغالـي
خلّك ورى الهقوة اللي فيك هاقيهـا
,
والله لأنصفك من حالي ومن مالـي
مانيب من طقّـة أُخذْهـا وعطنيهـا
,
إعرف ترى رفقة الطّيب هوى بالـي
يبيعها الـلاش والرّجـال يشريهـا
,
وإن كان صحبتك معطِيةٍ خلاً خالـي
صحبة رخا ما تبيّض وجه راعيهـا
,
واللّه عليّ الحرام إنك مـا تبرالـي
لا رِحْم أبو ساعـةٍ قابلْتنـي فيهـا
,
من قلب جوّالك إمسح رقـم جوّالـي
ومن قلبك إمسح نواياً كنت ناويهـا
,
عرفتك أو ما عرفتك ما اختلف حالي
نفسي لا يمكن تغيّر عـن مباديهـا
,
ما فالـي بفالـك ولا فالـك بفالـي
تلقى من أشكالك أشكـالٍ تماشيهـا
,
وأدعي لكم بالصّلاح وحُسْن الأعمالي
مانيب هـادي عـرب مالله بهاديهـا
/
\
تحيتي[/align]
رد مع اقتباس
مواقع النشر (المفضلة)