[align=center]
ياقلب لا تحزن على فقد غاليك
دام الكرامه تاجها راس مالك
لازم تبيع وعزّة النفس تشريـــــك
إشرب فناجيل الصبر من دلاالك
لاالحب ينزل بك ولا الحسن يغريك
مادام عز النفس عمّك وخالك
ياقلبي إصبر وإن تردّت خطاويك
نفسي على هام الثريا بدالك
والا انت ياللي تايهٍ في مساريــــك
والله مايرجع زمانٍ مضالك
اللي بقى من باقي الحب يكفيــــــك
تعيش به ماعاش راسك لحالك
والا الثقه راحت مع أيام ماضيــك
مالك عهد ياخاين الود مالك
بعد الخطأ ضاعت شوامخ مواريك
وعقلك وثقلك والغرور ودلاالك
شانت تفاكيرك وضاعت مباديك
واصبحت أشوفك شي كنه خيالك
الله يخليلك 00 شبابك ويحميـــــك
اللي ببالي شي ماهو00 ببالك
مانيب من لاخنت عهده يراضـيـــك
اللي على راسه لو أخطيت شالك
لوكان قلبي ماإنقضت رغبته فيــك
ويفز لإسمك وان حكوا في مجالك
خذيت درسٍ في حياتي وباعطيـــك
درسٍ تحطه طول وقتك قبالك
ضيّعت لك شيٍ من الكل يغنـيــــك
ولا ينفعه ذالحين ساحر جمالك
أصبحت مثل التسليه للصعاليك
اللي تبي فخر الغزل من خلالك
أحذر من اللي ضحكتك له تدنيــك
لو كان ما طالك له لسان طالك
وإسلم وسلّم لي على أيام ماضيك
وقت الثقل يوم العقل راس مالك
وســلامتكم
@ الصـــــــــــــــــــــــــــارم @[/align]
مواقع النشر (المفضلة)