الله لا يعيدهــا من روحــه لمستشفـى !!
صبـآحــكم طآعــه ورحمـــه .. وكلــه نـظر < ركـزوا ع كلمــة نــظر
اليـوم تعدينا نص رمضـآن < عدابسررررعه كأن امس اول يوم ..
وبما ان اوسطه مغــفره ( الله يجعلني وياكم من المغفور لهم ان شا الله )
بدخــل لكم بالسالفــه ع طوول الي مسكت معي إلا أكتبها وانزلهـــا ( ابيكم تحسون بالي مر علي ) :21ar:
السالفــه ياعزيزيني < تشمل الجنسين
مسكـــت غلـط معي انا وواحـد من الشباب اننا نــروح نسوي فحـص نـظر عند احد المستشفيات اتفقنا من الدوام ع اننا نروح قبل صلاة العشاء عشان نضمن الزحمه ( قلنا يمكن نطيح بدكتوور فله ويعطينا رآحه عن الدوآم آخر يومين وندزها للرياض )
الوكآد .. قمــت من النووم ع الفطور
( امحق فطوور < اكل عزآبيه ) الله يخلي المطعم المدهر جمب السكن بس ( سمبوسه وكلهأ فاصوليا وفلفل .. وشوربه لونهآ أخضر تقول جلي ) < منجبرين عليه مافيه إلا هو
شكلي شطحــت برى الموضوع .. بس ماعليه الجووع والشووق لأكل البيت له دوور
الزبـده انــي طلعت من السكــن ومشوار نص سآعه عشان اوصل خويي ( توه متزووج وفالها انواع الأكل ع الفطوور والحلى ) < ياأني حآسده .. بس ودي اعرف وراه مايعزمني كل يووم عنده
وصلــت عنـــده ونقعني عند الباب سآعه بس عشان ينزل < ماينلام عرسان جدد وتوهم مفطرين
دخلنــا المستشفى ودايركت ع الرسبشن ولا حصلنا أحد ماغير هندي قال تعالوا بعد سآعه
هنا بدت أخلاق خويي تقفــل ( الظاهر مواعد المدآم انهم يطلعوون )
قال لي نأجلها بكره .. قلت له معصي ماضربت مشوار لعندكم إلا عشان افحص ,,
( وليتني أجلتهآ أحس الي صار لي بعدين حوبتهم عشان الطلعه )
صلينا العشاء .. وضيعنا الوقت تفرفر بالمستشفى ..
رجعنا لهم .. وقالوا لنا أنتــظروا بنمشي الموآعيد قبلكم
بس الحمد لله تأخر الي عنده موعـد وقدمونا .. سوا لنا فحوصات عآديــه وبعدهآ دخلونا ع الإستشاري
فحص عيوون خويي وقال لـه مافيــك شي بس تنظيف عيوون .,
ويــوم جآ دوري
طــول وهــو يفحـــص النــظر ( مع اني كل فتره افحص بس هالمره قلبي عورني )
كل شوي مأخذه له شغله ويحطهآ بعيني .. والممرضه مثبته رآسي عشان ماأتحرك
شوي ولا بديت أحس فبــرد وركبي تصافق فبعض .. ( وخويي جآلس يضحك علي .. الجهآز كله صار فيه رجفه )
ولا أدري هو برد ولا خووف
قال لي بحوولك ع الأخصائي بس قبلها بقطر عيونــك
أخذوني لغرفه مافيها إلا نور خفيف .. وقطرت عيوني الممرضه <يااني حقدت عليهآ .. تمنيت أنها شغالتنا واردها لها أحسها بجلافه تحـط بعيوني وبدون رحمــه
قطروا عيوني وقالوا لي لا تفتح عيونك نص سآعه
تخيلوا نص سآعه تغمض عيونــك .. والله المستحيل
ماأخذت دقيقه إلا فتحتهم
ويوم فتحتهــم هنا جتني الصدمـــه :rolleyes:
انـاظر بخويي ولا أمــيز شكله .. مدري كيف طالع
بديت أناظر يمين يسار .. ولا اشووف إلا الألوان بس
فزيــت من الســـرير وتمسكت بخويي ( ماعاد اشووف شي .. صحت عليـــه بصووت عالي.. رح نآدهــم ) < وكلام وسوالف ( مايصحش اقولها هوون )
نادى الدكتوور وجاني وقال لي لأنك فتحت بتجلس ثلاث ساعات كذا إلين ماتكبر الي جوا عينــك
حسيت ان الدكتووور يكذب علي لأنه خلى الممرضه تحط فعيني بعدهآ اكثر من قطره
دفيت الممرضـــه وقلت ماأبغى علآجكم أبغـــا اشووف مثل ماجيتكــم9
هنا بدأ مشهــد درامي
( خويي يهديني .. وانا اتخبــط احاول اركز واشووف اي شي )
سدحوني ع السرير ):
وبديــت اتذكر اشياء وآجد واعاتب نفسي ..
تذكرت اني مصلي العشاء بوقت متأخر ولا صليت التراويح .. تذكرت اهلي واني مارديت على أمي اول مادخلت المستشفى
تذكـرت اني بعيد عن أهلي لو يصير فيني شي
( حسيت كل ذا الأشياء لهــا دخــل اني بفقد النــظر )
طلعــت جوآلي بـدق ع امـي ( ولا قدرت اقرا شي تخيلوا اشوف الجوال بلون واحد )
ترددت وبديت اخاف اكثر
ناديت خويي ولا رد .. ماكان بالغرفه
قمت من السرير . احاول اتشووف بنادي اي احد
وقفت عند الباب ولمحت ناس جالسين < الإنتظار
ماقدرت استحمل الموقف حسيت انهم بيناظررون لي .. ورديت لسرير
( غفيــت لا شعورياً فتره بسيطه .. وقمت ع صووت خويي جمبي يكلم جوال )
حسيت ان النظر تحسن شوي
بدأ خويي يذب ويتضحك ويذكرني بالي اسويه .. وانا والله مانيب حووله
دق الجوال .. وانا اعطيه يقرأ لي الإسم .. ولا ارد . وجلست ع ذا الحال كل مادق الجوال هو يقرا لي
إلين ماجاني مسج ..
قلت له حط يدك ع المكتووب وشف من مرسله وحلفته مايقرأها :21ar:
خفت انه يشووف شي ثم يمسـكه علي
جلسنا اكثر من ساعه .. وبعدها جانا الدكتوور .. وقال الحمد لله ان طلع مافيك شي .. كنا شاكين بحاجه دآخل عيونك
عرضني ع الاخصائي .. وقال لي خلآص تقدر تطلع .. ولا تشيل هم عيونك ثلاث ساعات وتصير زي اول
عيت اطلع قلت والله إلين ما يرجع لي النظر ..,
طمني وقال لي كل شي تحت مسئوليتهم
وبعد ماألح علي خويي طلعنا .. ورحت معه لشقته .,
وهنا حسيت أنه من جد بدأ يحقــد .. قلت له تك عندي بالمجلس يمكن أحتاج شي ولا ابغاك
قال لي لا تخاف بنآم عندك < انا ع نياتي صدقته
اخذت شوي وقعدت اكلم اهلي وخوياي والطقه الي بالرياض كلهــم < خصوصا الي مقصر معهم
طبعاً خويي يقول لي الاسماء وانا اقول له حط اتصال:21ar:
الوكآد اننا جالسين ع التلفزيوون
انا إسم اني جالس اشوفه بس اشوف ألوان تحرك كل شوي ولا ادري وش الطبخه gif22
رآحت بي نومــه من الخووف الي لا عب فيني لعــب
وقمــت ولا اشوف شي .. وانا أفز من قلب .. واتخبط ع بالي اني مااشووف
الجوال كان عند راسي . مســكته وحركة الأزره
ولا يطلع لي الآن إضغــط * < يا أني حبيت ذا الكلمـــه من أعماق اعماق قلبي
دريت ان النور الي مطفــى .. حسيت اني منولد من جديد يوم قدرت أقرآها
سجـدت شكر لربي
وقمـت أمارس حياتي مثل ماكآنت
شغلت النوور .. ع بالي ان خويي نآيم عندي
طـلع مابـــه إلا مكــآنه < لعــب علي images8
تكيت وانا بقمــة الونآســـــه .. إلين ماجاني عشآن السحوور
تسحرنــآ .. وصلينا الفجـــر .. وقلت له الحين اقدر اروح لحآلي .,
( مدري وقتهآ كيف اشكره .. بس من جد الصديق وقت الضيق )
صحيح مانآم عندي .. بس ماعليه عذرته عشانه توه معرس
رحت للسكن ونومــه .. وسحبه ع الدوآم .. وقمت ذا الوقت وكتبت الموضوع .,
\
أسئلتــي لكـم ):
عمــركم حسيتوأ بنعمــة النـظر بموقف صآر لكــم .؟
ضعف النــظر يسبب لكـم قرووشه .. خصوصاَ الي يلبسون نظارات .؟
** ماتلاحضوون اني شطحت بالموضوع شطحآت كثيره .!! :9ar:
** وللتذكــير .حنـا بنعمــه كبيره .. تستآهل الشكـر .؟
إستغلووه بشي ينفعكم بدينكمـ قبل اي شي ثآني .,
. . وسلآمــة عيوِوِوِنــكم يآ رب مــن كــــل شــــر . .
مواقع النشر (المفضلة)