[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black"]
شف للغلا شي قبل تطول غربتنا=أخاف كثر الغياب .. وتصعب الجيّة
بالله .. في البعد قلي ويش حاجتنا=ما دام أخذنا الزعل حاجة طفولية
نبغي نموت فـ / بعض ما دام ما متنا= يا زين خل الأمور تصير عفوية
لا تفرّح الحاسدين بطول صدّتنا=لا تنزع القلب و تقطع مجاريّه
الأرض .. سكة تعدتها مساحتنا=جيش ٍ من الحب .. خيّالة و رجلية
اعشوشب القلب .. وأمطر من صراحتنا=و أحبال الأشواق معقودة و مطوية
لو افترقنا يا عمري .. ويش حجتنا ؟!=و احنا نشوف الجفا .. بانت مواريّه
الله .. يوم النجوم تنام ما بتنا=الطرف شاقي و طرف ٍ زايد ٍ غيـّه
على بعضنا إذا اقفينا تلفّتنا=و كل ٍ يغيّر من اللهفة طواريّه
و ان كان نيتك تقطع في علاقتنا=ما عاد عندك يا شيخ الغيد حنيّه
مرخوص بس خلّنا نحفظ كرامتنا=قدامهم .. نترك الأوضاع عادية
لا نشوف بعيونهم .. منّا إهانتنا=و نزوّد الكيّة اللي بالحشا كية
لكن فديتك .. لا نبطي ما تلفّتنا=أخاف من دمعتي لا تهل عفويّة[/poem]
[align=center]...[/align]
مواقع النشر (المفضلة)