[align=center].. بسم الله الرحمن الرحيم ..
.
.
.
مراحب بالجميع وأول مُصافحه $222
ياخي سبحان الله يعني معقوله حياتي كلها مواقف وطرايف < قل قسم
المهم مالكم بالطويله وبخش بالموضوع قصدي السالفه ..
.
.
.
كنا جالسين أنا وخالي وشايب ..
يوم خميس القهوه الصبح عندنا بالبيت خالي قلب حاتم الطائي ..
كل يوم الصبح الباب مفتوح للي يدخل مهوب ناقص الأ برادة مويه سبيل
يحطها داخل البيت وبالدور ..
المهم من الساعة 8 الصبح واقف أصب القهوه وأنا واقف على رجليني < يعني بتصبها وأنت جالس يا ملحوس
المهم أكتملوا الجميع مابقى الأ أبو سعود " يعني هذا الشايب تخلف عن الحضور "
وبعد الإستفسار عنه طلع عنده أرض بحايل وراح ولده معه على أساس يبيعونها ..
المهم جت الساعة عشر الصبح وطبعاً بعد ما خلصوا الشيبان من القصص والسوالف إللي حفظتها أنا لدرجة إني وأنا واقف أقهوي أصحح أخطائهم بالقصص " يعني نفس قصة البارح "
وبعد ما تعبوا الشيبان من الشلخ والنصب على بعض كل واحد راح لشغله يعني بالعربي طلعوا مابقى الأ شايب واحد وهو أبو فهد ..
بصراحه جلس على قلبي إنحرجت أصرفه لإنه عيب ..
المهم قالي :
سطام ياولدي حنا دايم نعطيك قصص وسوالف عن الماضي أبي منك سالفة أو قصه ..
قلت وهالكلام بخاطري :
لا والله البلشه الحين أبي فرقاك وتبي قصه يا والله علة النحر وهمن قلت له بقولك طيب ..
قال :
أسلم
قلـت :
قلت له هذا يا طويل العمر يقولك فيه مثلث إسموه ..
الشايب قاطعني قالي :
إيه أعرف هالمثلث أعرفه وش فيه كمل ..
أنا قلت بقلبي :
أكيد عنده معلومه عن مثلث برمودا !
وبعده قلت بخاطري :
بتخليني أكمل ولا أصكك ببيز الدله
قلت :
يقولون فيه هالمثلث غرائب ..
ويقولون فيه أطباق طائره ويقولون فيه أشباح ..
ويقولون أي سفينه تبحر قريب منه ماتعود ..
ويقولون أي طائره تطير فوقه تختفي ..
وإلى الآن ما أكتشفوا أسرار وخفايا هذا المثلث الغامض ..
قال الشايب :
(( أعوذ بالله كل هذا في مثلث أبو قعر وحنا ماندري )) !
بصراحه أنا غسلت يدي ونزلت الدله وزين ما سبحته بالدله ورميته بوسط المشب ..
وقلت بخاطري بعدها :
على إجاباتك ذي قسم منتب كفو جغمة شاهي والشرهه على إللي جالسن معك وأنقلع ورحت أشتري خبز لا يفضحن عند خالي يقول سحب علي ورجع يرقد ..
.
.
.
مثلث أبو قعر : إسم حي في منطقه حفرالباطن .
.
.
.
سطام الشمري[/align]
المشاركة الأصلية كتبت بواسطة فارس العز
مواقع النشر (المفضلة)