همس المشاعر
.. بسم الله الرحمن الرحيم ..
.
.
.
.. متواضعة قَلم ..
.
.
.
[poem=font="simplified arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
مشاعري في طريق الشعر تدفعني = أسوقها عقد للغالين وأهديها
للي زعل والزعل منه يروعني =عهدٍ علي أزعل العالم وأراضيها
لو تزعل الناس كل الناس وش يعني ! = بس أنت تزعل مُحال إنـي أمشيها
لك صورةٍ وين ماوجهت تتبعني =دايم بعيني وأنا بالقلب أخبيها
أضمها في ضلوعي وأنت تردعني =عن ضمها ليه دام إني أداريها
ماحب غيرك وحبك وحدك أقنعني = جدد حياتي بحاضرها وماضيها
قلبي على بعدكم عيا يطاوعني = وعيني على غفلتي لازم تراعيها
إن جيت أوصفك وصفك حيـل ضيعني =شمس الشموس أنظره والا أحترق فيها
جمالك إللي يبعثرني ويجمعني = يبيع بالروح يالغالي ويشريها
ياصاحبي ليه عن وصلك ترجعني ! =ونفسي علامك بقل الوصل تشقيها !
من شوفتك ليه تقطعني وتمنعني ! =وأنا أرتجي شوفتك والنفس أمنيها
إن كنت من فوق يالغالي تطالعني = أنا ولد ناس ماتجهل بأساميها
نفسي عزيزه وصعب النفس تخدعني = أقنٌع النفس وأجرحها وأداويها
وأنت وضميرك ولا ودي تقاطعني = أحكم وربي على الخيره يمشيها
كتبت ياغلا البشر إن كان تسمعني = أبيات شعرٍ تنقٌينا معانيها[/poem]
.
.
.
سطام فيصل الشمري
رد مع اقتباس
مواقع النشر (المفضلة)