" اصعب اللحظات .. عندما تفقد طفله صغيره
حضن أمها للأبــد ..
تعيش لحظتها ما بين الواقع .. وامل الرجوع ..
صوره شاهدتها لطفله ..
اثارة نزف مشاعري للكتابه بـ احساسها ..
الله يكون بعون كل من مر بهذا الموقف
والله يحفظ لي امي .. "




ليه يا دنيا ..
راحت امي , وما رجعت
انتظرها كل يوم الفجر ..
واناديها .. بكل لحظة صحو ..
واسمع صدى صوتها .. تناديني
"
"
تكفين يمه , اسمعكـ
بس وين عيني .. ما تشوفكـ
ابي احضنكـ , وابوسكـ بوسة رضا
وينكـ يمه ابي اغفي لحظه بحضنكـ ..
وادفئ بعدها طول العمر ..
"
"
هذا أنا اسأل عنكـ أبوي .. كل يوم
ويصد عني وما يجاوبني ..
بسألكـ يمه ..
ليه يعاملني كذا ..؟!
وليه يصد .. والمح بعينه .. دمعة قهر !!
"
"
يمه وينكـ .. شوفيني اقضي يومي
العب مع صديقاتي ..
وكلهم يحلفون ..ويقولون ..
ماتت أمكـ .. ورحلت
هو صحيح كلامهم .. ؟!
تكفين يمه ارجعي .. وكذبيهم
قولي أنكـ ما رحلتي
واحلفي لهم انك بتعيشي معي طول العمر ..
"
"
ارجعي وشوفي كيف صرت من بعد ما غبتي ..
اصحى الفجر ..
ارتب دفاتري .. وأذاكر دروسي
تصدقين يمه .. صرت بعدكـ
اظفر ظفايري .. وأربط شرايطي ..
"
"
تغيرت كثير يمه ..
وصرت اسمع كلامكـ ..
ابيكـ ترجعين وتشوفين..
كيف كبرت ..وتعلمت
وأنا باقي .. صغيرة سن ..
"
"
تكفين يمه ..
لا تقولين أنه بـ يطول انتظاري ..
أنا عندي أمل .. بترجعي
وتعيشي حياتكـ معي ..
"
"
واوعدكـ ..
ما أبتعد عنكـ ..
وبغفي باقي حياتي ..
بحضنكـ لآخر لحظات من العمر
"
"
بس بسألكـ يمه ..
هو صحيح أنكـ رحلتي للأبـــد ..
تكفين يمه .. جـاوبيــني
لا يطول سكوتكـ .. ويزيد عذابي
ترى مليت ..
وأنا اسأل عنكـ .. البشر
"
"
يمه تكفين .. اختــاري !!
يا ترجعــي معــي ..
او بجلــس بجنب قبــركـ
طــول العمـــر ..
/
:
احسـاس الغير .. عشته معهم
فـ نزف به قلمــي ..
:)
من أوراقي القديمة ..
دنـيـــــــا