المواجع ....
[poem=font="simplified arabic,6,darkblue,normal,normal" bkcolor="white" bkimage="" border="outset,4,sandybrown" type=2 line=0 align=center use=ex num="0,black"]
اللي طرق باب الطواريق مشــتاق = ماهز شــوقه غير حرف الكتابه
واللي طرق باب المعاليق وأنسـاق = ماهز غير أقصى المحــاني صوابه
واللي على باب الرجـاء دمعة أفراق = وأنا أشهد إن الدمع مابه رحابه
مايبرد الغربي على نون الأحداق = ولاكف دمع ٍ فوق خدي جرابه
يهون جرح الحلم ويبرى ليافاق = ولاحدٍ شكى من جرح حلم ٍ سرابه
الموت جرح ٍ مسكنه ٍ وسط الأعماق = كم واحد ٍ قبلي شكاه وغدابه
يامن يعاهدني على كل ميثاق = صندوق مغلق والحكي ماسعابه
من حمله وقته على غير ماطاق = يصبر على بلواه ماقال جابه
حبل الوريد اللي سكن تحت الأعناق = ماقدّر المولى عليه قضابه
ثلاث في عمري يجنّي على ساق = الأسم يفرق والمواجع تشابه
الأوله عوج الزمن مالها فاق = من درّها ماقدمت لي شرابه
تعبت أكافح لين وجه الزمن ضاق = وأصبحت لقمه بين ضرسه ونابه
والثانيه للمرجله رجل عشاق = قرم ٍ على الطالات كل ٍ يهابه
أمتس حبلي وأرتخى كل فهاق = وعيب الرجل مايسترنه ثيابه
والثالثه لاشفت أنا نوض براق = ترعد مقاديمه ويمطر سحابه
دارت بي الذكرى على نار الأشواق = ولميت طيفه وأستلذ بعذابه
مامات جمرٍ فالمعاليق حراق = يدفع قدم رجلي وقلبي شقابه
فديت روحه وأرخص الروح زهاق = طوع الرضاء كلي لحضرة جنابه
غيره من الترفات فالعين مالاق = ماله حلي ولاشبيه وقرابه
فتحت صندوق المغاليق مشتاق = وأبديت سر ٍ مبطي ٍ بي صوابه[/poem]
رد مع اقتباس
مواقع النشر (المفضلة)