[align=center]
ـالسـلام ع ـليكم $222
{ صباح .. / .. مســاء } .. الخير< كل واحد والتوقيت اللي يقرا الموضوع فيه
كل عام وانتم بخير .. < جاء عيد الاضحى وهو للحين يبارك لـ عيد الفطر
المهم
انا من زمان عن هالقسم .. حتىا اني نسيت من وين الباب حقه
ولي فتره وانا اقول اني ابنزل موضوع وارجع لـ عشاقي ومعجبيني < برا لاتجيك زبيريه ع جبهك
وكل ماجيت انزل موضوع جاني واحد بالمسن يزعجني .. وتلقاه واحد من هالثلاثه ( ملك العشق / خ ــساره / وولف )
ياخي هالثلاثه ماخلوني ارتاح والا ابدع وانزل مواضيع
كل ماجيت انزل موضوع طب علي واحد منهم قعد يهذر ويسولف
< شكله يبي يجيه بلوك كبر راسه من هالثلاثه im22
لا تراي امزح .. وهالثلاثه مالهم دخل .. انا اللي اتعيجز وييكون مالي خلق تحميل وكتابه وتعليق
هالثلاثه هم اللي منورين المسن > يدهن السير عشان البلوك مايجيهim22
< شطح شطحه اليمه برا الموضوع
ايه اقولكم
بما ان الدراسه قربت والناس ضاقت صدورهم بسب هالشي
قلت انزل موضوع عل وعسىا يوسع صدورهم شوي
ويوسع صدري بعد لاني متضايق هاليومين
نبدأ بأول الصور
افضل وادق جواب يوصف حاله هالشاب اللطيف
صراحه بعض الكاراكتيرات توصف الحال بقووه .. وهذا واحد منهن
وياكثر الحمير عندنا
انا ودي اعرف هذا من جده مخلي اسم محله كذا
ضاقت الاسامي مالقى يحط الا هذا .. لا وللملابس الجاهزه بعد
انا ودي اعرف وش الرابط بين الاسم وبين المحل .. ياخي لو انه محل منظفات منزليه والا حاجه زي كذا نمشيها شوي
ياخي محل ملابس اكيد اكثر زباينه راح يكون حريم .. لكن هالدلخ وشلون يبي الحريم يجون لمحله ويشترون منه
وهو حاط اسمه صرصور im22
الحين الحرمه لاجاء طاري الصرصور تقل سامعه عن جني والا عفريت
الله يستر لاتجيها سكته قلبيه من تسمع هالاسم
ويجي هاللوح ويحط اسم محله صرصور
الشرهه مو عليه .. على موظف البلديه اللي خلاه يحط اسم محله كذا
هذا ماشاء الله عليه من زود حب المهنه والشغل عنده .. صلح كرسي له من كنداسات السيارات
كنداسات = جمع كنداسه
يعني يحاول انه يكون كل شي عنده يساعده ع العمل
ياخي الشباب السعودي مايبدع ولايفكر الا بالاشياء اللي بها سيارات وسواقه
تلقاهم يعرفون بالسياره اكثر من الشركه اللي صنعتها
فيه ناس تلقاهم متأثرن بالتصوير .. ومسوين فيها انهم عندهم حس ابداعي بالتصوير
مثل هاللوح هذا
مسوي يبي ياخذ لقطه احترافيه مادرى انه جاب العيد بالمزهريه اللي وراه im22
الله يستر لايكون اخوانا الاعضاء بقسم التصوير الضوئي يسسوون نفسه< تراها مزحه لحد ياخذ بخاطره
يعني الحين الطالب مابقى من حقوقه الا هالحق عشان ياخذه
والله مدري وش يحسوون فيه
لكن الظاهر كاتبين هالقرار عشان يجربون تنسيق الخط والا شي
ما اتوقع انهم من جدهم حاطين قرار زي هذا im22 < للحين مادخلت مخه
الله على الاسم
ورا ماكتب بعد كافتريا والله والكوبه < خخخخخخخخخخخ برـا
احس راعي الكافتريا عصبي ودمه حار
انا للحين عجزت افهم وش هاللغه هذي
نصها عربي على هندي على اردو على انجليزي
مدري ليه كل ماقريت الوجبات قعدت اهز راسي كني هندي
اللي يعلمني وش هاللغه ابعطيه سنبوس بسال
والله عرض مغري صراحه
هذا الظاهر عقب ما ارتفع سعر الرز حطوه بالعروض والجوائز
يعني اللي وده يشتري رز .. يشتري مرتبه وتجيه كيس رز مجاناً ويكون استفاد من شئين بوقت واحد
الله يستر لايجي يوم ويقولون اشتر سياره واحصل ع كيس رز مجاني وحليب اطفال
الصوره اللي قبل شوي حقت الوجبات يمكن نمشيها
لكن هاللغه وش تصير im22
الحين مسوي انه حاط اعلان عن نوع شغلته .. طيب الناس وشلون تفهم كلامه وهو وش يشتغل اصلا im22
انا من شفته كاتب السلام عاليكم وانا غاسل يدي im22
اول ماقريت الجمله ع طول تذكرت الاندونيسي ذاك اللي ينزل مقاطع استهبال وضحك im22
احسن جمله اللي بالاخير ( قولو شي موجود ) يعني كل شي موجود im22
شكله افغاني منتهي ومنسم .. الله يرجه مايعرف عربي ومسوي الا يبي يحط اعلان هو اللي كاتبه
الحين هم مسوين الكرسي عشان تجلس عالحديد والا ع الخشب
لو ان هالطالب عندنا وشافه مدرس تلقاه مكسر العصى على يده وموقفه بآخر الفصل
لا وبأختبار بعد عز الله الطالب يبي يروح فيها
لكن شكل هالحركه تخلي الواحد يفتح زين ويجاوب
عاد هنا وصلنا لاخر صوره وهي صوره مميزه وحصريه لـ زورو فقط
هي صوره لواحد من اعضاء منتدانا الغالي .. واكيد اكثركم او اغلبيتكم يعرفه
هو مشرف احد الاقسام وله مشاركات وحضور مميز .. وكان حاط صوره رمزيه له يقولون انها صورته الحقيقيه ..
واغلب الاعضاء صدقوا انها صورته ومشت عليهم الكذبه
لكن زورو ومن خلال تحرياته وبحثه الدقيق وصل الى صوره المشرف الحقيقيه واللي هي اقرب للواقع بكثير من صورته الحاليه
اللي ماتطنبق ع اسلوبه وكتاباته
اكيد كلكم ودكم تعرفون من هو المشرف
انزلوا عشان تعرفونه
انزلوا بعد
شكلكم متحمسين
خلاص مابقى الا القليل انزلوا شوي
< تراك طولتها قل من هو العضو لايطلعون من موضوعك من دون ردود
< خاف انهم يسحبون عليه
خلاص بقولكم من هو
هو المشرف ملك العشق :24ar:
وهذي صورته الحقيقيه
اجل مسوي فيها فهد المساعد انت وخشتك im22
اخرتها تطلع خال ومن حقين افريقيا بعد im22
تذكرون مره قال انه مسافر لشرم الشيخ ومسوي انه الولد الكويس وراعي سفريات
طلع مسافر لادغال افريقيا والظاهر رايح لبوركينا فاسو im22
والله انك خقق ياملك ع هالصوره انت وهالريش اللي ع راسك
توقعوا ليه حاط هالريش ع راسه ؟
يقولون انه يجرب يطير im22
وه بس خقيت مع ملك يوم شفت صورته الحقيقيه
لو اني بنت ان كان شبكته وخليته يوديني لبوركينا فاسو im22
لا ومسوي الولد انه رومنسي ويسمع عبدالحليم .. اخرتها الظاهر صار مايسمع الا طبول وايقاعات افريقيه im22
ورجاء خاص من الاعضاء لحد يحفظ الصوره ع جهازه الا بعد مايستأذن من ملك العشق
لانه يقول ان امه تخاف عليه من العين
الى هنا وصلنا الى اخر مافي جعبتي من صور
الى امل ان نلتقي بكم متى ما امتلت الجعبه من جديد
لاتحرموني من ردودكم $222
[mark=000000]واللي مهب راد جعل اتصاله يفصل ولايدخل للنت اسبوع[/mark]
زورو
[/align]
يازين عيونه والخشم سلة سيف im22
مواقع النشر (المفضلة)