الشمريه !

[سطام الشمري]

[align=center][align=center]بسم الله الرحمن الرحيم ..
السلام عليكم ورحمة الله وبركاته ..


.

.

.


.. أقبَلُوها كَمّا هِيَ ..


.

.

.


[poem=font="simplified arabic,5,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="1,black"]
يامرحبا باللي بها الفكر يحتار=في عينها بيت الشعر عن قصيده
وشلون عاد إللي بقى كلها أفكار=وأنا أشوف الزين كله رصيده
لو إني أكتب فيها ديوان(ن) أشعار=بيخلص الديوان وأرجع وأعيده
والله مدري ياعذابي وش أختار=مافيه كلمه قلتها لك جديده
بس إعذريني لا لفيتك بالأعذار=ياسيد كل الزين ياسيد سيده
مدري وش أكتب فيك والشاهد البار=لكن مناي إنك تكوني سعيده
ما ألومهم لو قاموا إصغار وكبار=لعيونك إللي من فقدهم فقيده
ثم إصفقوا كف(ن) على حامي الطار=وقاموا يجرون اللحون الرغيده
من شاف وجهك تستحي منه الأنوار=من نوره إللي جعل ربي يزيده
ودي أنا أنشد عن مزايين الأزهار=إللي غدت من بينهن هي وحيده
هي الأميره والعمى بعين الأشرار=شيهانة ٍ والحر الأشقر تبيده
من يدري عن هالوقت لو دار ماجار=ثم ألتقاني وحط إيدي بإيده
أدري لو أن الحظ جابه بالأسرار=والله ماينطق لساني وريده
لو إجمعتنا صدفة(ن) ضمن الأقدار=أخاف أنا ما أقول جمله مفيده
مير أني بسكت وآتأمل بالأنظار=يمكنها تقرا بعيني نشيده
دام القصايد كلها منك تغتار=وبيت القصيده يستحي من عضيده
بنت الكرم نسل الأصايل والأحرار=أمعربة خال(ن) وأبوها وليده
محبتك تشهد لها شبة النار=وكل الدلال إللي عليها شهيده
عساه من جابك طويل(ن) بالأعمار=دامك على دروب المراجل طريده
وش يذبح الرجال في بعض الأمرار=وش غير بنت(ن) في المواقف شديده
تاطا على كل المصاعب والأخطار=لإجل إنها تاصل على ماتريده
ماني بناسيها ولو صار ماصار=حتى ولو كانت ظروفي عنيده
إلها مكانه في ضميري ومقدار=وكل المزايا الطيبه إلها عديده
دوك القصيده وأسمعي منها الأخبار=ويالله عساها تكون مني زهيده[/poem]


.

.

.


سطام فيصل الشمري[/align][/align]

[الحوراء بنت نجد]

الشاعرسطام فيصل الشمري

رائعة هذه المعاني- همس بوح ينضح الوفاء

بتاج الشموخ صح الله لسانك يالشمري ابداع

في تصوير المعنى وتميز القاف-

تقديري لك

[عدنان التميمي]

الله الله

نص رائع استمتعت بقرائته

يامرحبا باللـي بهـا الفكـر يحتـار--في عينها بيت الشعر عـن قصيـده

صح لسانك وسلم بنانك وفكرك الرائع


دمت يالحصان

[ذكريآت الأمس]

الشاعر / سطام الشمري

قصيدة متالقة بتألق معانيك
و نبض الاحساس بين حروفها
صح لسان و سلم حرف بنانك
و دمت بسعادة قلب

لك الاحترام
:
دمع الزهر

[صمت الوداع]

صح السانك

مدد

ويسلم يمينك

تحيتي

صمت الوداع