{طفولة حيران في عالم النسيان ......}

**ابعـاد الجفـا** · 14-10-2008, 08:25 AM

السلام عليكم ورحمة الله وبركاته

بسم الله الرحمن الرحيم

. [ طفولة عضو ] . .

كل 3 ايام نختار عضو/هـ

اليوم ضيفنا ( حيران في عالم النسيان )

نتساءل نحن والذكريات دوما عن سرٍ ..!!
هل كنا أطفالا نلعب / نضحك / ونلهو ...؟؟
أم كنا طيورا .. فوق الشمس نحلق /نُغني /ونطير ..؟؟
هل كانت أيامنا أسراب حمام وهديل ..؟!
أم كانت أوهاما .. وسرابٍ في الأرض يسيل ؟!
يسكننا فرحٌ وحب كثير
يجهلنا حزنٌ وهم كثير
نجري كالنهر ونرقص كنسمات عليل !!

تلكـ هي الطفولهـ
تحمل الكثير من المواقف والذكريات
ويخالطها الحزن تاره والفرح تارة أخرى

ولكـن ؟؟
تبقى الذكريات هي سيدة الموقفـ ؟؟

فالموضوع لهذا اليومـ يتحدث عن طفوله الأعضاء وتحتوي هذهـ الأسئله عن معضم ذكريـــــــــــــــــات الطفولهـ
أن كنت فتى فأجب على الذي يناسبكـ وأن كنتي فتاة فأجيبي على الذي يناسبكـ
عجبني ونقلته لكم

::::
نشيد كنت تحبه أيام الطفوله ؟؟
::::
شخصيه كرتونيه كنت تحبها ؟؟
::::
كيف كنت ايام طفولتك شيطان ولامؤدب ؟؟
::::
ماهي الموقف اللي عرضت فيها اهلك للاحراج؟؟
::::
هل كنت شخص ذو شخصيه قويه أم مغلوب عليه ؟؟
::::
موقف حصل في طفولتك كان له دور في تغيير مجرى حياتك؟؟
::::
اكبر عيديه جمعته كم ؟؟ ومن مين ؟؟
::::
يوم كنتي صغيره تسوين جدايل والا كاريه ؟؟
::::
يوم كنت طفل تلعب بكمبيوتر العائله ؟؟
::::
يوم كنتي تلبسين مريول المدرسه هل تحطين شباصات ميكي ماوس وشرايط بيض ؟؟
::::
من كـان يدلعك أكثر أبوك ِ او أمك ؟
::::
اســم دلعك بالطفوله لحد الان ينادونك فيـه ؟؟ وماهو ؟؟
::::
لحقت تتابع سبيستون ؟ ولا القناه الاولي بالصبح والعصريه كم افلام كرتون بالدش ؟؟
::::
بطفولتك كنت تبكي إذا ماجلست بالاول بالطابور اوالفصل ؟؟
::::
عندك عضويه بالسن توووب ؟؟
::::
عندك لعبه موجوده من صغرك إلى الآلآن ؟ وماهي ؟؟
::::
وش اكـثـر حلاوة كنـت تحـبها ..؟
::::
وش اسم اول مـدرس درسك ..؟
::::
هـل كـنت تـعانـي مـن اخـطاء فـي مخـارج الحـروف ..؟
::::

اول شي تجاوب ع الاسئله ثمن تسالون

^ _ ^

**شموخ أنثى** · 14-10-2008, 08:51 AM

يوه وقسم بالله اني احس اني الحين اكبر عجوز بالعالم

ابعاد فديتك والله ومشكوره يالغلا ع الإستضافه $222
بس تصدقين اني الحين ميته من الضحك على اجاباتي
وانا مابعد جاوبتها < استرجعت الماضي
باك صغير بس عشان اتجهز :)

**كاتـم الآهــات** · 14-10-2008, 09:01 AM

يالله يالله بسرعه

عندي كحشة اسئله

**شموخ أنثى** · 14-10-2008, 09:22 AM

المشاركة الأصلية كتبت بواسطة كاتـم الآهــات

يالله يالله بسرعه

عندي كحشة اسئله

جاك الموت ياتارك الصلاة اصبروا علي << تفطر

**شموخ أنثى** · 14-10-2008, 11:10 AM

نشيد كنتي تحبينه أيامم الطفوله ؟؟
سارعي للمجد والعلياء مجدي لخالق السماء
وارفعي الخفاق اخضر

يحمل النور المسطر
رددي الله اكبر ياموطني

موطنــــــــــــــــي عشت فخر المسلمين
عاش المليك للعلم والوطن < هذي عاد ان وصلت لها
احس اني بعالم ثاني لأنها آخر المقطوعه
وعندها ارفع الصوت الين اخرق طبلة اللي صافه جنبي طابور im22
شخصيه كرتونيه كنتي تحبينها ؟؟
بشار يابشار هيا الى العمل نجمع شذى الازهار من روضه الامل

بشار تصدقون اذا جا وقتها اجهز الكلينكس قبل اقابلها
انواع الصياح < خص لاجاء المقطع اللي ينشدون فيه عن الأم
كيف كنتي ايام طفولتك شيطانيه ولامؤدبه ؟؟
اما مؤدبه انا حارمتن امي الله يرحمها الطلعات بسبتي

وعلى قولتها جمعت هداوة خواتي كلهن وعوضتهم فيها
ماهي الموقف اللي عرضتِ فيها اهلك للاحراج؟؟
شربي للبنزين

زوجة اخوي حاطته في كاس بلاستيك جنب ترمس المويه

طبعا ً انا حسبته مويه

جيت ولطيته < محد فاهم هالكلمه غير وحده من بين خلق الله

لطيته = شربته
انا جلست اكحكح امي سمعت كحي جت تركض

شكلي كان مزري والريحه فايحه شمتني حصلت فيني الريحه بفمي
تقول طلعت الشارع اصارخ ماحطيت علي غير جلال الصلاة
وتأشر للي يمرون بسياراتهم

لأن وقتها البيت ماكان فيه احد
ولا عرفت كيف تتصرف

المهم وقف لها واحد ماتعرفه وطيران ع المستشفى
عاد مدري وش سوو فيني مدري غسيل معده او ايش
بس هالذكرى للحين حديث المجالس

بحكم اننا في محافظه صغيره وكلنا عارفين بعض
الخبر انتشر بسرعه وصار لي شهره عالميه بسبة هالبنزين

هل كنتِ شخص ذو شخصيه قويه أم مغلوب عليه ؟؟
لا والله الا شيطانيه وعنيده

1
واللي ابيه لازم يجاب لي لوهو بالمريخ

ومحسره بخواتي بحكم اني المدلله خص عند جدتي الله يرحمه
وانا مستغله هالنقطه ولو تمر وحده من عندي
مديت لساني اصارخ بس عشان تهاوشه جدتي

موقف حصل في طفولتك كان له دور في تغيير مجرى حياتك؟؟

وفاة صديق اخوي الروح بالروح
هذا قصته قصه
تصدقون جلس اخوي بعدها كم شهر بالبيت وحالته حاله حتى شعر وجهه مايحلقه صار شكله
كنه من خريجين السجون ومالومه
وفاته اثرت فيني لأني شفت مدى الحزن اللي عاناه اخوي طبعا ً اصغر اخواني من الشباب
وقتها اخوي من شدة الحزن صار شاعر بس ماهمه غير يكتب من هالقصائد فيه
آاااه يافهد الله يرحمك ويسكنك الجنه ويجمعك باخوي في جناته
هذي الصداقه صدق وهذا الاخلاص كان ودي استرسل بالإجابه لأنها من جد حكايه بس المعذره مستعجله حيل
اكبر عيديه جمعتيه كم ؟؟ ومن مين ؟؟
بصراحه 500 من خوالي اخوان جدتي < عاد ذولا مركز

وجدتي ماتعطيني الا من فئة المئتين
عيد او مو عيد رغم اني بزر ماحتاج هالمبلغ
يمكن لو تعطيني ريال طرت به من الفرح
بس هي الظاهر ماتشوف زين ويمكن تحسب المئتين ريالين

يوم كنتي صغيره تسوين جدايل والا كاريه ؟؟
خطمت نكتة النمله اللي مشدود شعره

لا كاريه ولا جدايل
ذيلين كنهم ذيل حصان < يمكن هذا سبب حبي للخيول :24ar:
لا وتشدهم بقوه الين تطير عيوني معهم

وماتربطهم الا بمغاط عشان يكون اقوى للشد بعدين تحط الشرايط البيض :16ar:
اخخخ الا ليت الطفوله تعود يوما ً
مع اني ماتهنيت فيها بسبب شعري

امي حارمتني اقصه لأنه من انصار الطويل
فكنت اعاني معاناه الله اعلم فيها
وانقهر اذا شفت الغره على البنات وانا لا

بس اللي اذكره اني كنت اقص كم شعره بالخفيه يقال انه غره

عشان اتدلع عند البنات واتمايل فيهن

واذا جيت البيت هبطتهن بمويه
عشان يلصقن ومايبان انهن مقصوصات

< لبى البراءه
واذا استحميت اجلس يوم كامل مانشف عشانه طويل
بس للأسف في لحظة تهور وبعد ماتوفت الوالده قصيته :(
وتندمت بالمره ليه اقصه لأنه ماكانت تحب القصير < انبه ضميره

وعقوبه من الله ماعاد يطول يوصل الا حد معين ويوقف
يوم كنتي طفله تلعبين بكمبيوتر العائله ؟؟
لا كنت 24 ساعه عند الجيران العب مع بنتهم اللي كبري

8
يوم كنتي تلبسين مريول المدرسه هل تحطين شباصات ميكي ماوس وشرايط بيض ؟؟
احط الشرايط بس الميكي لا لأن توها ماطلعت الا قريب
من كـان يدلعك أكثر أبوك ِ او أمك ؟
ابوي ماحسيت بحنانه بحكم وفاته وانا صغيره بالمره
وامي اللي يسكنها الفردوس كانت كل شي بالنسبه لنا
بس عاد جدتي فاقتها بالحنان
اســم دلعك بالطفوله لحد الان ينادونك فيـه ؟؟ وماهو ؟؟
مشفر لأني لو بقوله عرفتوا اسمي < مانترك هالعاده
لحقت تتابعين سبيستون ؟ ولا القناه الاولي بالصبح والعصريه كم افلام كرتون بالدش ؟؟
لا وش سبيستون < هذي متى طلعت ماطلعت الا وانا عجوز
كنت العصر على طول من يوم يأذن اصف طابور قدام التلفزيون مع خواتي
وبالقناة الأولى لأنه وقتها ماكان عندنا دش
بطفولتك كنتي تبكين إذا ماجلستي بالاول بالطابور اوالفصل ؟؟
اصلا ً خلقه هم دايم يحطوني بالأول
سواء بالطابور او الفصل
عندك عضويه بالسن توووب ؟؟
:11ar:
عندك لعبه موجوده من صغرك إلى الآلآن ؟ وماهي ؟؟
للأسف لا لعب لا بس عندي اتجرافات من كنت بالإبتدائي
وش اكـثـر حلاوة كنـتي تحـبينها ..؟
ذيك اللي اذا مصيتها وخلصت طلع علك

لونها احمر عاد انا استانس عليها
وش اسم اول مـدرسه درستك ..؟
سهيلا < فلسطينيه ولها بنت اسمها انسام كانت من صديقاتي

هـل كـنتي تـعانـين مـن اخـطاء فـي مخـارج الحـروف ..؟
لا والحمد لله يمكن مخارج الحروف هي اللي كانت تعاني مني im22

بعوده تسلمين غلاتي $222