حبايبي وحبيبآتي ,, اعضاء وعضوآت الزين الكرآم ..
خبركم ان اول اسبوع من العيد.. الاسبوع قبل الي راح كنت غايبه عنكم .. 4 ايام < ياطولها الله واكبر
مالكم بالطويله رحنا باريسنا ( حريملاء ) وفاتكم شي هناك خطير ماقدر اجيبه لكم معي للأسف الجديد وهو الجو :189[1]:
كان برد برد بمعنى الكلمه .. شتاء سابق لأوانه .. بصرآحه ماتوقعنا كذا جمدنا
لأحد يضحك الي يشوف بالصور ناس مشتيه
مالكم بالطويله ... وحنا جايين .. هذا المدخل للي مايعرف ولايسمع في حريم لا < :23ar:
يعني موب ممنوع اصطحاب الحريم لا لا .. > اقول اسكتي بس
دخلنا بأسم الله ..
وهنا نتعدى البوابه ...
اول يوم بعد ماانشق النور على طول الدجه نطلع نتمشى انا واختي وولد اختي واخوي ( الدهمش ) < كذا عيارته بس مروحتها فيه اختي > كبت العشاء
طبعاً فيه بين المزارع بيوت واثار قديمه مررررره وحلوه
يمديكم عاللقطه ..هنا بالليل مره طلعنا نتمشى الفجر .. ومعنا زوجة ابوي ياحنا هبلنا فيها تهبيل
طلعنا الشيب منها وتحلف لو ماسكتنا بتسويها على نفسها > استلمتها انا وأختي وواخوي ( ولدها ) نقول اسمعي اسمعي صوت وحده تصارخ وكاد الجن خافسين بها مسيكينه ونطلع اصوات وربي انها شوي ويغمى عليها من الخوف وتسب وتلعن باليوم اللي طلعها معنا..كان يوم لاينسى يوم وصلنا قامت تتحيسب علينا ماعاد تطلع معنا
هذا الي يجتمعون فيه حقين االعمده ومدري وشو>> حلوه مدري وشو المهم يجتمعون فيه يعني مجلس شورى مصغر :23ar:
اللي يعرف حريملاء يعرف ان ملهم تبعد عنها يمكن 30 كيلو تقريباً كنها حي من العليا يتبع للرياض . ملهم هيك شي تتبع حريملاء وقريبه مره منها .. هذا الله يسلمكم ثاني يوم الفجر ركبنا السياره وخذ يادجه انا وولد اختي واخوي وبرضو اختي نطلع عذر كل يوم نروح نجيب شي بس نروح ندوج ونلف
وهذا من ملهم
وهذا الجبل مقابل البيت والمزرعه الي حنا فيها .. والي بالشارع هذولي عيال خواتي بعد الفجر يطلعون يشبون العاب ناريه ( شروخه بلهجتنا المصون )
وهذي المزرعه من السطح صورتها لكم
الله يرحم زمآآنك يالمسبح .. راحت ايامك
وهنا اخوي يحوش عيال اختي عن الشارع ..
وبما ان اخوي بااارد مرره ومايخافون منه .. جاه الشديد ولد اختي يضفهم معه
هنا ثاني يوم وحنا داجين مع ولد اختي للمحطه انا وأختي وأخوي برضو
وهذا اخوي تراه موب مجرم ولا يسرق من مصلحة المياه مويه
وهذولي قرودة حريملا فيه محطه حاطين بك فيه قروده وضبع وثعلب .. براحه من 3 سنين وهم وضعهم هو هو .. مدري شلون عاييشبن للحين في هالزريبه مساكين
وعند الاشارات بلدية حريملاء واهتمامنا انتم ومدري وشو ... وشوفو وش مسوين فيهم
هنا فيه واحد شعره ابيض ومنفوش بس لااحد يضحك علي مااظنه قرد مدري وشو .. عيا يلتفت علي هبل بي وانا ابي اصوره ماخليت زاويه ماجيته يصد ابن اللذينا ..
وباآقي الصور احسها ماتستحق العرض > الي فيها يد طالعه والي ظلي طالع والي مدري شلون قايله بعيده ومو واضحه والي مشطوفه التصوير فيها مغبش .. يالله العوض السنه الجايه بعد العيد
لكم أطيب تحيه من عدسة جوآلي
ان شاء الله استمتعتو في باريسنا ..!!!
مواقع النشر (المفضلة)