}{}{حيران وسبب كرهه للآسواق }{}{ حاليا بالاسواق}{}{
السلام عليكم
ادري ماتدرون وش معناها
انا يالربع قدر الله علي
اني رحت في شهر رمضان مكه الله يشرفها منتدب وابي المراجل
< على باله يبي يجمع فلوس
المهم قبل العيد بأيامن معدودات تعرفون هناك قطات عشان الفطور والسحور والروحات والجيات
عارفن نفسي اني ماني بجامع شي ماعندي إلا الدجه
قال واحد من اخوياي ياطامي حنا والله لاجمعنا شي ولا استفدنا شي خلنا نخربها
هي خربانه خربانه بنروح نشتري هدايا قلت ياولد
انا ما احب الاسواق
قال يعني كيف قلت ياخي ان دخلت خربتها بالمشتريات وان شفنا البنات مرضنا نفسيا
قال مشينا قلت مشينا هي خربانه خسرانين خلنا نخربها المرهـ هذي مع اني ما بعد شريت شي
طبعا هو متزوج ويبي يشتري لأهله
ونطلع ومن سوق في سوق قبلها بسبوع قلت انا بشتري لأهلي كلهم
من امي لين اصغرنا اخوي فهد طبعا من امي وابوي والمشكه ابوي الله يخلف ماشريت له شي
والله لايخسر 3000 ريال والانتداب توهـ ما جاني لين الحين حنا استغليناها
اول مانزلت الرواتب والمشكه انه راح كله في الهدايا اللي شريتها
الاكيد اني شريت ساعات وعطورات كل وحدهـ منهم ساعه وعطر
<< والمشكله اني نسيت نفسي ولا شريت لي شي
والحين بعرض لكم صور الاغراض اللي شريتها
هنا باقي ماكملت الاغراض
هنا شفتوا العطر اللي على اليسار اللي اسمه سبايدر مان مدري وش اسمه
الله يلعن ابليسهم ماطلعت من المحل إلا شاري 2000 وعطاني العطر هذا
ابو 5 ريال
هديه كنها وجهه مانوا يعطيني هديه إلا لين اشغلته بعد
والحين العطر هذا والساعه هذي لأختي المتزوجه والعطر الهديه لولدها مهنا
وهذي الساعه بس ماطلعت واضحه مصورها في مكه
طبعا الساعه شي غير الصورهـ ماطلعت واضحه
وهذا العطر الهديه بالله هذي هديه بغيت اخذها واصكه بها على وجهه << تحمس
الحين 2000 ريال واخترها هديه بخمسه ريال بس حللته تحليل
اي شي يقوله مثلا بالسعر الفلاني اخذهـ بنص القيمه
عشان كذا قال ياخي انت والله ما استفدت وراك شي بس انك شريت من غير فايدهـ لي
والحين هذي هدية {امي } قلوب من هنا لين مدري وين
ساعه + عطر طبعا الهدايا كلها ماركات ابو اي خرابيط كلها عليها ضمان ولا وش اخسر له
من البدايه
يا اشري صح يااخلي من البدايه
بس اصبعي مدري لي صاير كذا يمكن عشان النور خافت
والحين { اختي اللي اكبر مني بشوي}
طبعا انا ماعلمتهم بش اني شريت خليتها مفاجئه << يحب المفجائات
والحين { اختي اللي اصغر مني }
كل وحدهـ شريت لها شكل يختلف عشان مايتماسكون بالحلوق
والحين اختي { اللي اصغر من اللي اصغر مني}
طبعا هذي ماقبل قبل الاخير
والحين عاد اختي { اصغر من اللي اصغر من اللي اصغر مني}
والحين عاد اخوي { اخر العنقود من امي وابوي }
الله يكرمكم
طلع الثوب اصغر منه بشوي قلت الثوب مايصلح يكون طويل حرام
<< يعرف يصرف
والعطر هذا شاريه لأخوي والظاهر اني هونت
وعاد اخر شي هذا عطر شاريه لبعض الناس :24aar: << طاح في الغرام
امزح معكم عاد لاتصدقون هذا عجبتني ريحته وشريته قلت السحابه ماشيه خل
الخير يعم ارجاء البلاد
والحين حلاوة العيد كل شوي اقول لخويي نبي نشتري لهم حلويات
مادريت إلا قال ليت محل حلو في شارع العزيزيهـ في مكه
مكتوب عليه حلوى ايطاليه
اخذت هذي بـ 200 ريال تقريبا إلا ريالات شوي
وهذي والله اني ناسي بس انها تروع مافيه إلا صلخ فلوس
احلى مافيها انها انواع وانا ادخل يدي واخم لي شلقه منها كل نوع اخم لي منه
عاد هذي صورهـ تذكاريه جماعيه لهذي الحلوا
وفي الختام
مايستفاد من القصه اي واحد بيهايط مثلي بياكلها في لحيته
نصيحه خلوكم عصبيين عشان ماتخسرون من حلالكم ولا ريال واحد
عشان لو اهلك يبون اي مكان مايخلونك توديهم وإذا وديتهم نافخ على روسهم
عشان ترجع بسرعه ماتاكلها وتقعد
وهذا الموضوع اللي اقلقتكم فيه
التصويت لاتنسونه والمايك لكم
مراسلكم من قناة الزين الصرقعاويه
حور ور
هههههههههههههههه
مواقع النشر (المفضلة)