[align=center]
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
مع السلامه ياغرام الروح ياشوق السنين=ودعتك إللي ماتخون فالعرب ودايعه
العين تبكي ساهره والقلب إي والله حزين=من بعد عينك مابقى إلا سنين عمرن ضايعه
وشلون ياخذك الدهر وشلون تصبح تحت طين=وشلون تتركني كذا عقب الحياة الرايعه
والله لولا الخوف من ربي ونغزات اللعين=إن كان أقول إنه مماتك ياغناتي شايعه
ياكيف بنسى ضحكة إشفاهك وطلعات الجبين=وزولك يصدر بي ويورد فالدجى بضايعه
يازوع قلبي يوم أبًرق فاليسار وفاليمين=وماباقي إلا ذكرياتن وسط قلبي لايعه
ياوجد حالي وجد منهو قاضين عمره سجين=ودموع عينه ماتقول إلا شموعن مايعه
لامن تذكر ضحكة ( أعجيزُه ) وصفق فاليدين=يفوع قلبه من غبن والكبد وسطه فايعه
لبيه يادموع الفرح ياوين بلقاها ياوين=وأنا مثل طفلن من الأفراح كبده جايعه
حسبي على صدوف الزمن ماتاخذ إلا الطيبين=ولا الردي لو مايطيع الوقت جالك طايعه
مع السلامه بعتزل عن دربكم ياعاشقين=والله يصبرني ليا زاد الزمن فجايعه
مع السلامه قلتها لكن باقي حاجتين= نذرن علي محدن يجي في عفته وطبايعه[/poem]
سطام فيصل الشمري[/align]
مواقع النشر (المفضلة)