سلامي على الي بقلبي حجز مكانه *** عديل الروح لـه مني الف تحية
تحية محب أرسـلها على شـانه *** من عاشق بفراقه شـاف المنية
العين لشوفته تشتكـي وولهـانه *** علـى ذيك الليـالي والعصرية
وصيتي قلبي خلـه عنده أمـانه *** عهدن عليه ما ينسـى الوصية
قال المثل الرجل يمسك من لسانه *** أنا للوعد مـا أخون لا يا بنيـة
قلبـك هو بيتي وأنا من سكـانه *** ليت السكن فيـه سنتين وميـة
الشعـر أبي أكتبه وأردد الحـانه *** السفر ما أهواه غصبن عليـة
مالي غيرك ترى معروف عنوانـه *** الوصل: والهجر ما يحب طارية
المحيط يعبره ويسبح كل خلـجانه *** همسه منك لو الدقيقة بخمسمية
طلال العتيبي
مواقع النشر (المفضلة)