والله ياهو مسيطر علينا بشكل اوب طبيعي < ادخل وتعرف وشو
سلام الله عليكم يالسعوديه
تخبرون بني الإنسان وسرعة تأثره بالمحيط اللي حوله
او بالبيئه المحليه < قلبنا علوم
وتعرفون اش كثر حنا ضعيفين ومانستغني عن النت
ادمناه ادمان القلب للأكسدين < اوخص يالتشبيه :7ar:
وبما اني فاشله بكل شي
حتى بتصفيف المقدمه لذلك خلوا كل ماسبق ذكره على جنب3
وخل ندخل بالموضوع
السالفه ومافيها انه يصير لنا مواقف
من كثر ماحنا مصنمين قدام هالشاشه
ومن هالمنطلق تأثرنا به بحياتنا اللي بعيده عن النت :50ar:
يعني بتالعربي بالواقع < طيب كان قلتي كذا من زمان
ولذلك حبيت اننا نسدح المواقف اللي تصير لنا هونيك
خص اني توه حاصلن لي موقف لاأحسد عليه
قبل كم يوم كان عندنا حفلة ملكه عاد انا رحت للمشغل لزوم التزبرق :frown:
اول مادخلت المشغل طلبت الكوافيره الخاصه اللي انا زبونه عنده
وللأسف ماحصلته قالوا مسافره زياره :11ar:
المهم قالوا لي تبين فاطمه < هذي وحده مغربيه
عاد انا كشرت بس بما اني مضطره قبلت فيها
هي حست اني مابيها لأنها كانت حاضره عند السكرتيره
المهم شكله عصبت وشان خاطره علي وحقدت :smile:
يوم بدت بشغله معي الا ماش معصبه وبس تنافخ
انا فقدت سيطرتي لأني اصلا ً منحيني مكرهه
عاد فرحت يوم شفتها كذا عشان احط حرتي فيها :155[1]:
وجلست اتهاوش انا وياه
اقول له لاتنافخين علي ترى ماجيت اشتغل عندتس im5
ترد علي بنفس شينه تقول ماعصبت وهي تنافخ اصلا ً
قلت هذا وش تسمينه ؟
ورى ماتستقبلين الزبون استقبال يخليه مايطلع من المشغل < ابوك يالتعبير im22
قالت وش تبين اسوي اجي استقبلتس بالدرج اطق ارقص لتس
هي قالت لي تسذا
انا زدت منسوب الصوت عندي وقمت اصارخ عليه
السكرتيره جت تركض وحاولت تهدي الوضع :187[1]: < اول مره استفيد من هالأيقونه
وهالمغربيه تبرر تصرفه وهي تصيح
وانا باتله بس اهاوش < يقال لي شخصيه
رفعت جوالي قلت عطين رقم صاحبة المشغل واصريت على هالشي
دقت السكرتيره من جوال المشغل وكلمته وانا فاقده اعصابي images9
ولا ادري وش انا اقول من الحمق :17ar:
المهم هي تحاول تهدين وانا انتقد الوضع
وقلت له هذا استقبال تستقبلون بوه الزبون !!!
المفروض يكون فيه تعامل طيب من العاملات
مو تنفرون الأعضاء بهالطريقه
كنت بقول الزباين بس عاد تعرفون الإدمان
المهم انا انتبهت لغلطتي بس ماحاولت اصححه
مشيته خفت اصححه تنتبه له اذا كانت مانتبهت من البدايه
ياشين الواحد اذا غلط غلطه تفشل وهو معصب يجيب العيد
8
هذا موقف ..
الموقف الثاني كنت بالمسن اسولف
سجلت وحده دخوله وكان التوبك حقه مساء الخير
بنفس اللحظه اللي صديقتي سجلت دخوله اختي كانت تناديني
شمووووووووووووووووووووخ
انا بقول له نعم رحت قلت مساء النوووووووووووووووووووور im22
تخيلوا عاد رافعه صوتي بحيل ماقوى وانا اقول مساء النوووووووووووووور
اتوقع اختي طارت بوهته :9ar: تحسبني استخفيت
وهذا موقف لبنت اختي
هي السنه هذي دخلت الكليه فما كان قدامها الا قسم الرياضيات
لأن كل الاقسام ماتصلح لها
والإنجلش مافتحوه عندنا
المهم حنا نقنعها تدخله احسن من انه تضيع سنه من عمره
لأنه تقول ان ماحصل الإنجلش بقعد بالبيت
وحنا نقنعه هي تقنعنا بعد تقول الرياضيات كله رموز وأيقونات *
بس هذا اللي حضرني واكيد برجع اذا تذكرت شي
يله عاد كل واحد فيكم يسدح المواقف اللي جاب بها العيد
بانتظار مواقفكم
$222
؟
مواقع النشر (المفضلة)