موقف محرج
السلام عليكم
مابي اطول عليكم بدخل بالموضوع
المهم هذي السالفه صارت لي ليلة العيد
راحوا خالاتي يصلون التراويح ومافيه ببيت جدتي الا انا وبنات خالاتي واختي
المهم جالسين طفشانين اللي تقراء روايه واللي تستشور شعرها واللي ووووو
المهم انا واقفه قدام المرايه والقى كريم حلاقه وموس واناظر ببنت خالي وجلست تضحك اخذت الكريم وحطيت لي لحيه وشنب وقعدت احوس لين ماضبط معي المهم جالسه اشوف نفسي بالمرايه واغني
وتطلع لي بنت خالتي الثانيه وتقولي وش تسوين قلت لها بحلق جلست تضحك ودخلت الغرفه وانا جالسه اغني >>>>>>>>> طربانه
ويجون بنات خالاتي الصغار يقولون فارس جاء انا قلت الولد مؤدب ماراح يدخل
وشوي ارفع عيني واناظر بالمرايه واشوفه واقف عند الباب يناظرني ومطير عيونه
انا على طول هربت للغرفه وجلست اصارخ والبنات يسالوني وش فيك اقولهم فارس جاء فارس جاء قالوا واذا جاء قلت شافني شافني واجلس امسح وجهي وابكي وهم يضحكون ويطلون من الباب وهو ميت من الضحك ماقدر يسكت وانا ياعمري جالسه ابكي والبنات يضحكون من قلب
واولاد خوالي دايما يجتمعون كل ليله بالمنتزه اللي بالقصيم المهم هو راح عند العيال وهو يضحك والعيال يسالونه قالهم شفت منظر وجلس يضحك بس منيب قايل لكم جلسوا يزنون لين ماقال لهم
وحنايالبنات ننام بمزرعة خالي جاء ولد خالي (كان واقف وراء الباب) وحنا جالسين قال تغطوا ودخل واول مادخل مات من الضحك سالته اخته وش فيك قال لا بس فارس قال لنا سالفه صارت اليوم انا عرفت انها عني وقالت له اي سالفه قال سالفة بعض الناس اللي جالسين بالوسط وطبعا يقصدني انا انا وجهي ذاك اليوم احمر واخضر واصفر واللي تبون وطبعا مابقى احد بالعائله ماعرف وربي احررررررررراج
واللي من جد محرجني تعرفون يعني بالبيت لابسه قميص لنص الساق ورافعته ورابطته ورافعه شعري
وحاطه كريم الحلاقه وماسكه الموس >>>>>>>>>>>>>> احرررررررررررررراج
وش رايكم بقصتي ان شاء اللله ماكون ثقلت عليكم
اختكم
بنوته
، اندوك :25ar: ..
مواقع النشر (المفضلة)