[align=center]السلام عليكم ورحمة الله وبركاتـه

صباحكم مطر / مسائكم برآد :24ar:

بصراحه تسبدي مشتبه من هـ السالفه

أعاني من شي واكيد فيه بنات مثلي

اما العيال مااظن يعانون من هـ السالفه

ابي اعرف ليه اغلب الاشياء اللي اقولها

يقولون لا تزوجتي سويها ليه ليه

ليه حاطين زوجي المجهول شماعه ابي اعرف

بعدين ابي اعرف هم ضامنين اني بتزوج اصلا ً

ولو تزوجت ضامنين انه بيوافق ع الشي اللي حطوهـ بـ راسه

بعطيكم امثلـه :-

مرهـ كنت اسولف انا وابوي واخوي

عن سواقة الحريم وقلت بـ مزح < يعني لا احد ينشب في حلقي

ان شاءالله انا اول وحدهـ تطلع رخصـه واسوق

قال ابوي لآ تزوجتي سوقي

وزمآن كنت إذآ قلت بقص شعري قصير حيل

يقولون لا تزوجتي صلعي لو تبين

طيب انتوا وش دراكم يمكن اتزوج واحد يحب الشعر الطويل

بس الحمدلله اني قصيته بعد هالكلام بـ كم يوم

يعني قبل اتزوج ع قولتهم

اللي ابي اعرفه ليـش دايم هـ الجواب اسمعه انا او غيري من البنات

ترى هـ الجواب مايوكل عيش < انطمي

قسم بالله اني حاقدهـ عليه هـ الزوج صرت اكرهـ طاريه

حتى سدوا نفسي هونت ماني متزوجه

وفيه اشياء لا جيت اقولها اكون متوقعه الجواب [ لا تزوجتي ]

انتوا مثلي تسمعون هـ الجواب والا لا

ترى موضوعي تفريغ حقد وكرهـ على المسكين زوجي

وسلآمتكم [/align]