السلام علكيم ورحمة الله وبركاته
مساء خيرات ومسرات على الغالين
حبيت ارجع لمتذوقين الشعر بهذي القصيدهـ آمل ان تنال اعجابكم
[poem=font="simplified arabic,6,burlywood,bold,normal" bkcolor="black" bkimage="" border="double,9,burlywood" type=2 line=0 align=center use=ex num="0,black"]
1 اللـي فقدنـا مـن نبـات ونواويـر=ماهو على المولى صعيـب رجوعـه
2 الله مـن قلـب هجوسـه طوابـيـر=ميعادهـن بيـن العتيـم وهجـوعـه
3 قالـوا تفكـر قلـت عنـدي تفاكيـر=أشوف شـئ مـن خطانـا وقوعـه
4 قلـت الحقيقـة يالوجيـه المسافيـر=قلبـي ليـان وشـاف شـئ يروعـه
5 شفت الجفاف مكسر القشـع تكسيـر=والنفس ماهي من قضاء الله جزوعـه
6 وادي الرمة جوه عجـاج ومعاصيـر=يبسـت جراجيبـه وماتـت قشوعـه
7 حمضه عليه مـن السوافـي عثاميـر=يا باعث الأمـوات تبعـث جذوعـه
8 مدهـل مجاهيـم تــلاد ومغاتـيـر=وحمـر مرابيهـا هدايـد افـروعـه
9 يـوم الوسـوم تنثـر الوسـم تنثيـر=والعشـب ينبـت ماتكامـل اسبوعـه
10 ويوم القلوب نظاف ماياقـف الخيـر=يطيـح وسـم ولا تقـطـع تبـوعـه
11 واليوم وبل الغيـث مثـل الطباشيـر=قامـت تلـوث بالمنـاقـع انقـوعـه
12 الشكـوى لله صـار بالجـو تغييـر=دايـم كتـام وغيـر الجـو نـوعـه
13 واصل الخطا منـا تهـاون وتقصيـر=قليـل مـن يحسـن لربـه ركوعـه
14 نشقى ورى الدنيا وهي مابهـا خيـر=والمـوت يدنـي للنفـوس البشوعـه
15 وعنـد المحاسـب ماتفيـد المعاذيـر=ينشف جما العاصي وتطفي شموعـه
16 واللي غناته سحـت ومـوال تزويـر=لـه ساعـة مـاذاق حلـوه يزوعـه
17 يـدري بهـا لـودعـوه الحفافـيـر=والقبر ضكه مـع محانـي ضلوعـه
18 فـي ساعـة مابـه تقـدم وتأخـيـر=يفقد بها الرحـال مجالـس ربوعـه
19 وعن ماعمـل مالـه مفـر ومعابيـر=ما ينفعـه جمعـه وهيبـة جموعـه
20 قدامـه الجنـة وقدمـه زمهـريـر=والله يعلـم ويـن يكتـب نجـوعـه
21 يـارب تهدينـا علـى حسـن تدبيـر=نطلب عظيم الشان خوفـه وطوعـه
22 يالله يــارازق عــوج المناقـيـر=ياكافـل رزق النـفـوس القنـوعـه
23 يامـن بتقديـره تـكـون المقـاديـر=ياسمـع الداعـي وخالـق سموعـه
24 تزيـل شـدات السنيـن المعاسـيـر=يامن لـك المسلـم يوجـه خشوعـه
25 تمدنـا يـارب رحـمـه وتيسـيـر=غيـث يعـم المملكـة فـي نفوعـه
26 يارب من قل المطـر نشفـت البيـر=نشف الثرى والدرع ماتـت زروعـه
27 ومات الخشاش وضاق في عشه الطير=يشكي علـى رب السمـوات جوعـه
28 والبـل مصارفهـا نخالـه وشعيـر=واحوارها بالشبـك تـذرف دموعـه
29 مثل السجين يلـوح بيـن المواصيـر=والا البهايـم للمـقـدر خضـوعـه
30 حاطت عليه اذنـوب نـاس مباصيـر=حاله صخيـف وحنـة أمـه تلوعـه
31 ذنـب الأوادم لـه عواقـب وتأثيـر=والعمـر فتـرة والحيـاة مخدوعـه
32 وحنـا بشـر مالله خلقنـا تصاويـر=واللـي يخـاف الله يطبـق شروعـه
33 والله محذرنـا عـن الكـذب تحذيـر=والحسـد والغيبـة وكبـر وميوعـه
[/poem]
وسلامتكم
مـ / ن
الشاعر / بدر الحويفي
مواقع النشر (المفضلة)