-
][ ..شــاعــر.. ][
- معدل تقييم المستوى
- 1
--( كيف حالِــ / ــك ..؟ )--
[align=center][/align]
[align=center]كيف حالِـ / ــك..؟
وكيف زرت اليوم .. بالِك ..؟؟
وكيف جالِك
نفس تتهنّي .. لحالِك .. ؟؟
أدري ما عندك إجابه
وأدري إني احرجك حتى بسؤالِك ..!
شوفي خدك كيف حمّر
يوم ذاك الهرج طالِك ..!
وشوفي قلبي كيف جمّر
يوم غيري الحين نالِك ..!
كيف حالِك .. يوم تدعي
يا عساك اليوم هالِك ..!
وكيف حالِك .. يوم أقلِك
يا عسى التوفيق فالِك ..!!!!
وش تغيّر ..
في علاقتنا .. ونسينا ..؟
وش تغيّر ..
كننا ما قد هوينا ..؟
أشرقت شمس المحبة
وأغربت فجأه علينا ..!
ما علينا .. بس قُولي
كم من الفرحة .. بنينا
كنت بين الناس خلِك
والبشر يحكون فينا ..!
وفجأه ..
قلتيها بنفسك :
يا حبيبي .. أنتهينا ..!
إنسى هالحب وسنينه
واعتبرنا .. ما ابتدينا ..!!
وجيتي هالحين ابدموعك ..!
تعلني لجلي خضوعك ..!
وبإعتقادك إني أضعف
واسقي بدمي فروعك ..!
ودي آقول الصراحه
إني ما انطر رجوعك
حتى في ذيك المساحة
انطفت باقي شموعك ..!
يعني روحي وافهميها
ووردة الفرقا خذيها
حتى لو مرّيت بالك
بس بقلك .. كيف حالِــ / ـــك ..![/align]
-
أشرقت شمس المحبة
وأغربت فجأه علينا ..!
ما علينا .. بس قُولي
كم من الفرحة .. بنينا
كنت بين الناس خلِك
والبشر يحكون فينا ..!
وفجأه ..
قلتيها بنفسك :
يا حبيبي .. أنتهينا ..!
حروف تطربني حقيقه ., وتحوي الكثير من المشآعر ,’
لعلي أصمت أفضل ففي حرم الصمت جمآل أمآم هذآ الأبدآع الأكثر جمآلاً .,
عبدالرحمن المآلكي .,
كن بخير ,’ $222
تحآيآ الـود
مهآجر
-
حروف تنتشي بروعه الإبداع الزاخر
أخ عبد الرحمن ..
قلمك خط مشاعرك بـ إتقان ورقي
دمت ودام نبض قلمك
أعذب تحايا الود$222
-
نص جميل اخي عبدالرحمن المالكي
تحيتي وتقديري
ظميان غدير
-
؛
؛
طاب حالي..
يوم إسمي طرالك..
وأدري عن كل الي جرالك..
ولا تدري إن بعدك
أصبح بعيني الفضا
بالسواد حالك
وأدري...
إن حرفي تاه المسالك
وأدري..
إن الإجابة ماتوافق سؤالك..
بس تدري...!!
اسمع النبض يوم باح سره
يوم انفتح للعتب بابك
وإختنق الوله من حبس صدره
وأرتضينا حظ أقشر بس جابك..!
وش تغير...!!؟
غير غاصت في بحرك كم سفينه
وش تغيــر..
إلا انكسر مجداف من يمينه
وش تغير
بعد ماطاح الشراع وإدمعت عينه
ياحنيني ماأنتهينا...
ولا رضينا بغوصهم دامك المينا
ولا شربنا غير مالح ولا أرتوينا
ولا برحنا أوطاننا ننتظر تجينا
ولا خضعنا يوم انكسرنا لكن هوينا.!
وكيف بعدي صار حالك..!؟
يوم إنطفت من تضوي شموعك
يوم إرتجينا بكل الثواني رجوعك
يعني أفهمها وأروح..!
بعد نزفي وإتساع الجروح
يمكن تستلذ من البعض بعض بوح
ويذيب بردك وجليد مبانيك والصروح
من صمت روحي للذكريات نارٍ تفوح...!
:
:
إسمحلي سيدي
// عبد الرحمن المالكي //
بهذا الحوار المتواضع
فـــ حرفك أيقظ شئ من قريحة ٍ
وشي من بعض الخيال...!
فلله درك من مبدع...
تلميذتك...
دلووع ــــه
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى
مواقع النشر (المفضلة)